إن أمريكا هي اللي بتغير طبيعة المناخ عندنا حاليا للأسوأ عن عمد: معرفش
إن ممكن أمريكا أو أي دولة عندها علم ومتقدمة تقدر تقوم بتغيير طبيعة المناخ: أكيد وحصل بالفعل
من كذا سنة قريت ان كان فيه مؤتمر دولي كبير جدا هيقام لمدة 3 أيام في مدينة ما لدولة ما مش فاكرة بقي هل كانت أمريكا ولا روسيا ولا فين وكان شتا وكانت المشكلة الرئيسية اللي بتواجه الدولة هي هطول الأمطار بغزارة أثناء المؤتمر واللي كانت ممكن تؤدي لإفساده، وكان الحل انهم عملوا حاجة في الجو وقفت هطول الأمطار لمدة الثلاث أيام بتوع المؤتمر لحد ما خلص ورجع الجو لطبيعته تاني بعدها وهطلت الأمطار بشكل طبيعي (مش فاكرة للأسف الشرح العلمي للي عملوه)
وبالتالي ممكن جدا تغيير طبيعة المناخ
ومننساش ان الصين واليابان عملت أمطار صناعية واستغلت ده في الزراعة عندها
بس مننساش كمان ان التجارب النووية اللي كترت لدرجة انها بقت عاملة زي روتين يومي بتمارسه دول كتيرة والأقمار الصناعية اللي كل شوية يطلقوها بصواريخ في الجو والكم الهائل من المصانع والتطور التكنولوجي اللي وصله العالم كل ده له دور في التأثير علي الجو ودول أوروبا نفسها بتعاني هي كمان من ده ودرجات الحرارة بقت بتوصل لأواخر التلاتينات في دول كانت درجات حرارتها في معظم السنة فوق الصفر بحاجة بسيطة وأحيانا تحته كمان وأعتقد أمريكا نفسها هي كمان من الدول دي علي اختلاف مدنها
ولكن انا مش مستبعدة انه بالفعل هتكون دي طريقة الحروب في المستقبل القريب جدا ان مكانتش بدأت أصلا
المفضلات