يا جماعة انا عتدي الاربة بتاعة المساحات مش لاقيها في العربية هو انا ممكن اشتري واحدة ولا اي اربة بتركب عليها
يا جماعة انا عتدي الاربة بتاعة المساحات مش لاقيها في العربية هو انا ممكن اشتري واحدة ولا اي اربة بتركب عليها
شوفها استيراد افضل
انا لقيت سلك السرعة الحمد لله فى محل فى الجيزة بـ 30 جنيه بس لسة هركبه
يس فى مشكلة تانية الفرامل عندى بترعش جامد , فكيت الكاوتش الامامى لقيت فى طنبورة ضايعة فيها ريجة جامدة و الميكانيكى قالى مش هينفع تتمس سالت عليهم جديد لقيتهم بـ 600 جنيه و طبعا غالية اوى
لفيت عشان اشوف استيراد مش لاقى ياريت لو حد يدلنى الاقيهم فين و معلش انا تعبك معايا يا استاذ سمير بس فعلا انا بدوخ على ما الاقى الحاجة بتاعتها
مشتريتهاش قبل كده فا مش عارف السعر بصراحه
بالنسبه للاستيراد الوكاله عند الشيخ طارق ، الحرفيين العالميه او الحديدي ، وفي محل اسمه بيت التويوتا الرجاله كانو بيتكلمو عليه بس مجربتوش
جديد اللي اعرفهم العالميه برضو و الصوابي بتاع شبرا وفي واحد في وسط البلد مش فاكر اسمه بس تليفونه هنا في الموضوع كان بيقول عليه استاذ عمرو
معليش دور في الموضوع علي ارقام التليفونات مش هعرف اجيبهالك دلوقتي :)
الفكره بس علي ما هتعرف الناس اللي بيجيبو حاجتها وخلاص هتلاقي الموضوع سهل
مقلتليش كابل السرعه بتاعها بالاسم ولا لاقيته مشترك مع موديل تاني ؟
كابل السرعة بتاعها الراجل قالى ده بتاع الاستارليت بس لقيت الكيس بتاعها مكتوب عليه كورولا و فى رقم عليه بس مش فاكره هبص علية و اكتبه هنا بس المشكلة الكابل ركب بس العيب طلع من العداد نفسة فشكلى هاروح الحرفيين اشوف لوحة عدادات كاملة بالـ rpm
عايز اشارك معاكوا بمعلومة عرفتها و عملتها النهاردة
جلب المقص الامامى عندى يمين كانت مقطوعة فكيت المقص و عملت زى ما استاذ سمير قال و ربنا يخليك لينا يا باشا :)
رحت لمحلات قطع الغيار عشان اشوف اقرب جلبة لها لقيت جلبة مقص كورولا موديل 87 هى اقرب واحدة
بس القطر الداخلى بتاعها كان محتاج يكبر رحت لخراط عشان يظبتها هى كانت 12 مم و المفروض تبقى 16مم عشان يبقى مقاسها مظبوط على الاكس بتاع المقص + الجلبة محتاجة زى تخشينة كاوتش عشان تبقى محكومة كويس على الافيز بتاع المقص
و الموضوع كله كلفنى 50 جنيه (30 جلبة + 20 خراط) + مصنعية فك و تركيب طبعا
احسن من انى كنت اجيب مقصات كاملة عشان جلبة
و الحمد لله ركبتها و بقت زى الفل و الدنيا ظبتت معايا
يا جماعة انا عملت 10 الاف كم لازم اغير بوجيهات ولا ايه رأيكم ؟
ولا هيه بتتغير علي كام ستارليت 91
يا جماعة عايز اعرف نوع زيت انا بحط زيت موبيل سوبر 5000 العربية عاملة 157 الف
لو سن البوجيه سليم مش متاكل يبقي مش لازم تغيره ممكن لو محتاج يتنضف بس تنضفه بصنفره ناعمه جدا وخلاص
انا بستعمل شيل الاصفر المفروض بيقعد 5 برضو بس بغيره 3500 وممتاز مش بينقص ، بس علي حسب حالة المكنه عندك لو سليمه هيبقي كويس معاك
مبروك يا باشا وشكرا للافاده :)
طيب ياجماعه اختي عايزه تبيع عربيتها وبصراحه هي مركونه بقالها 4 سنين مش بتستعملها هي ستارلت طبعا موديل 91 عامله 250000 كيلوا لونها احمر وفابريقه دواخل بس محتاجه تتظبط بعد الركنه الطويله دي يعني بويه وطبب مياه للموتور تغيير فلاتر وسيور و4 مساعدين لكن هي فابريكه وموتورها كويس جدا وصالونها جوه مفهوش خربوش وهي ماشيه فيها بطاريه جديده وكاوتشها حلو بس محتاجه اللي قولتلكوا عليه موتورها 1000 سيسي مانيوال للي عايز يشوفها يكلمني على 01002240808