متابع
متابع
في كبوت استارلت للبيع ٩٢ لون احمر استراد
السلام عليكم
ازيكم يا جماعة
انا لسة شاري تويوتا ستارلت 91
بصراحة اول مرة اشتري عربية وروحت السوق وكان معايا ميكانيكي كويس ووالدي
وكنا ناويين علي اكسنت او لانوس 1
لقينا دي حلوة وحالتها ممتازة , بصينا عليها واتوكلنا علي الله واشتريناها
وقولت بقي اسجل في المنتدي اشارك معاكم واستفاد من خبراتكم الحلوة
والسلام عليكم ورحمة الله
الله يبارك فيك
جبتها ب 34 الف بس حالتها تمام
اول ما اشترتها غيرتلها زيت الامارات 20/50 ال 3000
ومواصفاتها طبعا 1000 سي سي مانوال كلها وتكييف فقط
التانك بياخد 40 لتر ,, استهلاك البنزين حوالي 14 كيلو في كل لتر
فيها جمال وتكنولوجيا الياباني بس علي ابسط عشان سنة الموديل
وماشية معاية جميلة الحمد لله
الله يبارك فيك يا محمد
وانت اكيد بقي ليك خبرة في الاستارلت كويس ,, يا ريت لو تقولي علي شوية حاجات كدا
1- انسب زيت للعربية ولزوجته كام
2- انا عندي اربع لمبات تحذيرية فقط بينورو ( بطارية وزيت وفرامل يد وواحدة تانية ) هل في عداد البنزين المفروض فيه لمض بتنور لان ليها مكان بس مش بيبان فيها حاجة
3- انا الراجل الي اشتريت منه العربية بيقولي حط ليها زيت الف كيلو بس ,, هل دا منطقي ولا مش صح ؟
4-عداد درجة الحرارة عندي بيطلع سنة بسيطة اوي هل دا طبيعي عشان مش بتسخن اوي ولا كدا ممكن فيه حاجة
5- لما اجي ادور الصبح وهي باردة لازم بعد الدوارة ادوس شوية بنزين ولو نص دقيقة عشان تفضل دايرة ,, هل دا عادي ولا فيه حاجة مش مظبوطة
طبعا العربية موديل 91 الف سي سي مانوال وتكييف فقط
وربنا يبارك فيك وفي باقي الاعضاء كلهم
ويا ريت يا محمد سمير
تقولنا عناوين ( الصوابي - التوفيقية - الحرفيين )
وافضلهم للستارلت وارقامهم او اي بيانات عنهم ومواعيدهم وايام العمل والاجازة وكدا يعني
وربنا يبارك فيك