الموضوع: الشارك فين فى التسارع وسط ال 1600cc؟؟!!

المشاركة الأصلية كتبت بواسطة mahamedaraby

حضرتك جربت النيسان التيدا علشان بتطلع منها اذا كان التيدا بتسد مع السيفك لحد 140 يبقى ازاى بتطلع منها

وانا عن تجربه بالنسر شارك شايفها بطه لو فيها ناس وتكيف شغال

انا مجرب الصني ومعروف للكل ان الصني اشد من التيدا في السحب وانا بالشارك طالع من صني اوتوماتيك وبردو يا باشا التيدا عربية محترمة ونيسان ماركة غنية عن التعريف لكن الشارك قوية وبيبقى فيها 5 وتكيف شغال و ماشية 200 وبتفوتها كمان وسحبها كويس جدا

المشاركة الأصلية كتبت بواسطة kholio

الشارك تطلع من كل العربيات اللي انت قايل عليها دي كلها باستثناء الكورولا والسيفيك والفرق بينهم و بينها مش كبير اوي

بسم الله ما شاء الله

حضرتك معاك كل العربيات ديه ؟ لانسر
1600- مازدا 3 - تويوتا كورولا1.6 - نيسان صنى - نيسان تيدا- جيتا1.6 - سوبارو امبريزا 1.5- كيا سيراتو - هيونداى الانترا -bmw 116i - فورد فوكاس
ربنا يزيدك ... و حضرتك كمان عندك الوقت اللى تحسب التسارع بتاع كل العربيات ديه فى نفس الظروف الجوية و نفس الطريق و نفس حمل العربية؟ لأ بجد ربنا يباركلك .......................................... مش عارف اقول اية بجد

بص يا باشا الشارك تطلع على سرعة من 0-100 من ال 116i (مع انى بيمر) بس مش معنى كدة انى اتحيز لل بى ام // و السوبارو امبريزا (اللى فى مصر طبعا) // و السيراتو // و النترا غير كدة اقول لألألألأ // فورد فوكاس مش قادر اقولك على قوة تسارعها و موتورها // نيسان صنى و تيدا طبعا تسارعهم من 0-100 قوى جدا و كله عارف كدة // كورولا 0-40 زى الشارك و بعد كدة سلام // اما بقى بالنسبة للسيفيك فا عيب اوى انك تقول ان الشارك بتسد معاها لحد 120 لأن فرق تسارع كبير للسيفيك و فرق مواتير كمان و على فكرة انا شفت فيديوهات شارك و فوكاس ال فوكاس فرقت عنها و شوفت فوكاس و سيفيك و السيفيك فرقت ... و شوفت شارك و تيدا و التيدا فرقت جامد.... و شوفت بقى ب عينى على الطريق و اللى ممكن محدش يصدقها بس انا شفتها مش فيديو سيفيك و audi A4 و السيفيك طلعت منها و سلملى على الشارك قصدى ال (duck) دة غير طبعا ان كلنا عارفين الثبات بتاع الشارك و الناس كلها بتشتكى منه و انت بتقول ان فيها 5 و تكييف شغال و جايبة 200 انا اسف انى اقول ان (مفيـــــــش الكلام دة)

هيونداى ماتريكس مانوال زعلت شارك هاى لاين دراج ريس من صفر ل 100

كلمه حق زعلتها اوى مش قصدى حاجه ولا بقل من الشارك بس الهيونداى مواتيره مفتريه و يا سلام لو مانوال

المشاركة الأصلية كتبت بواسطة bmya

ما لازم تزعلها
حضرتك بتقول ماتريكس (مانواال) 1600 ومانوال
مع شارك هاي لاين يعني (اتوماتيييك) 1500 واتوماتيك
وداخلين دراج رييس
قولي انت النتيجه حضرتك

معلش يعني صاحب الشارك اللي وافق على الدراج ده اسف يعني ملووش فيهاااا

بالظبط كده
اول مرة اشوف حد يخش دراج ريس باتوماتيك!!!!

الشارك زيها زي الاوكتفيا و الجتا عربيه ركوبه بس لكن لو منيول بيبقا في كلام تاني خالص
لكن عموما متورها موتور محترم و لو تسارعها من ال0-100 ضعيف شويه بعد كدا بتفتح جامد
البومه 1.6 تعتبر اقوي اصدارات لانسر من الموتور للفتيس الcvt الي مفيش اي عربيه كانت بتاخد منه لا حق ولا باطل حتي 2007 و بردو دلوقتي مش سهل انك تطلع من عربيه بومه لو الي سيقها سواق لان تسارعها اصلا في 10 ثواني علي الDتخيلو علي الds ايه الي هيحصل

انا رئيي اقوي محركات في فئه ال1.6 استوك
الباسات و دي عربيه خرافيه و طياره بمعني الكلمه تسارعها في 11 ثوانيه اه لكن نقدر نجيبه في اد كدا لكن بعد الميه صاروخ لا سفك ولا كورولا بقا
بعدها السفك طبعا بعشقها عشق جنون
بعدها الكورولا mmt دي بردو صاروخ
و اسمع ان النيسان تيدا مجرمه في الجري بردو بس مجربتهاش الحقيقه
و بعدهم البومه 1.6
و مش هننسي الفكترا ال1.6 بعد ال100 بردو جرايه اوي لكن الميزه فأنها بتوصل لسرعات عاليه اي 215 يعني هتكون في ديل الباسات و هتعدي كل العربيات البقيه
اما الانترا فدي عربيه بتجري بس مفيش ثبات يعني الموتور مش هيفدني و انا علي طريق لاني بحداج اغرز و اخد ملفات بسرعه و ده لو حولت اعمله بالنترا هتقلب كالكثير من الناس
و الاوكتفيا و الجتا مواتيرهم خرافيه بس الوزن هو الي قتلهم يعني لو اتحطو في اي عربيه خفيفه هتشوفو منهم جري مفتري
اما البقيين كلهم فيهم مواتير محترمه لكن مش من التوب يعني
عموما كل عربيه ليها مميزاتها و عيوبها لكن انا ارجح ان الباسات هي عملاقه المحركات ال1.6 في مصر(محدش يقول c180دي دنيا تنيا)عن تجربه هي اقوي محرك 1.6 قبلته في حياتي و كمان ثبات و فخامه و كل الي انت عوزه موجود مفهاش حاجه نقصه