سبحان الموفق : جنط 16 و البالونة

**ALSHARIEF** · 23-08-2010 11:42 PM

المشاركة الأصلية كتبت بواسطة normal

أتبرع بفرده كاوتش :)))
هو مش عيب صناعه أى كاوتش جنط 17 وكمان لو بروفايل لازم يحصله كدا مع النقر
ودا مش مع السيراتو بس :)
سمك الكاوتش قليل فالسلوك هى الى بتمتص التشوك فتتقطع

المشاركة الأصلية كتبت بواسطة computerking

صج كلامك عيب الكاوتش ده ولا هوا صناعة ولا هوا عيب سيراتوا :) مهوا الفيرنا الي ماشية بجنط 17 صيني مبقلله برضه و البي ام جنط 17 مبقلله :) الدنيا كلها بقاليل !

مش عارف ليه حاسس من كلامكم شكلكم كده عايزين تملصوا من حملة التبرع وللا لازم أعمل إعلان فى التليفزيون يعنى ؟ هتتبرعوا يعنى هتتبرعوا مش إنتوا إللى دبستونا فى العربية ده و لا إيه . ( معذرة ممنوع إشتراك أعداء السيراتو و ده مش خناقة ولا حاجة و ماصارين البطن بتتخانق و أنا مبسوط بالعربية و بحبها و بحب إخواتى الكبار أصحاب السيراتو بس برده هتتبرعوا هتتبرعوا

**M.Osman** · 24-08-2010 12:34 AM

المشاركة الأصلية كتبت بواسطة amr a.salam

الفردة ال16 يا باشا تعمللها 350 جندي

والعربية معايا من سنة جنط 16 (شاريها رمضان اللي فات)

من 6 شهور كدة أخدت نقرة بنت حرام في طريق مصر اسماعيلية

فردة اتقطعت وفردة جالها بالونة صغيرة

غيرت الفردة وخليت اللي فيها بالونة استبن من ساعتها

بس أنا حاسس ان لو كان عندي جنوط 17 كنت غيرت فردتين كل شهر

يا باشا السعر مش بالمقاس بس ... بالنوع كمان

طب مانا جايب بريدجستون 15 الفردة ب480

ممكن تجيب ارخص من كدا طبعاً
بس انا بعتبر الكاوتش من اهم الحاجات في العربية

**Wily** · 01-09-2010 03:50 AM

أخي العزيز... أنت عاوز تبرع و عندك بالونه واحده... أمال أنا أعمل إيه و أنا عندي بلاليين في الأربعه و جنوط 17 يا معلم و أديني مستاني زكاه الفطر يمكن يوزعوها كاوتشات السنه دي.... يا رب

**night_phoenix** · 01-09-2010 04:38 AM

اعتقد ان ده مش عيب صناعه ولو عرفوا في كوريا موضوع البلالين ده ممكن يجيلهم صرع و حول وفصام ذهاني لان اكيد الكاوتش ده نموذجي للطرق الادميه اما طرق الامؤاخذه الي عندنا فممكن تكون محتاجه كاوتش صب زي الموبيل الصب بتاع ستي اطاطه او تكون عربات مجنزرة او هوفر عشان تطير من المطبات
حبيبي اذا ال 17 جاب 10 بلالين بعد مشوار 10 كلم و ال 15 طلع عينه و طلعت بلالينه واحنا طلع ......يبقي انت اكيد اكيد في مصر

**ALSHARIEF** · 01-09-2010 04:43 PM

المشاركة الأصلية كتبت بواسطة wily

أخي العزيز... أنت عاوز تبرع و عندك بالونه واحده... أمال أنا أعمل إيه و أنا عندي بلاليين في الأربعه و جنوط 17 يا معلم و أديني مستاني زكاه الفطر يمكن يوزعوها كاوتشات السنه دي.... يا رب

باشا هنبتدى النفسنة و لا إيه و بعدين التبرع دا لينا كلنا ماتخفش مش هنساك . ( كلام هزار طبعا )

نيجى بقى للكلام إللى بجد : بجد و الله قلبى معاك و أنا تحت أمرك و الله و مين عارف أكيد ربنا هيفرجها إن شاء الله

بس أنا ربنا هدانى لواحد إبن حلال بتاع كاوتش لقيت عنده حل للبالونة بتاعة كاوتشى و أنا هاعمل تقرير عن الموضوع دا إن شاء الله

**ALSHARIEF** · 01-09-2010 04:50 PM

المشاركة الأصلية كتبت بواسطة night_phoenix

اعتقد ان ده مش عيب صناعه ولو عرفوا في كوريا موضوع البلالين ده ممكن يجيلهم صرع و حول وفصام ذهاني لان اكيد الكاوتش ده نموذجي للطرق الادميه اما طرق الامؤاخذه الي عندنا فممكن تكون محتاجه كاوتش صب زي الموبيل الصب بتاع ستي اطاطه او تكون عربات مجنزرة او هوفر عشان تطير من المطبات
حبيبي اذا ال 17 جاب 10 بلالين بعد مشوار 10 كلم و ال 15 طلع عينه و طلعت بلالينه واحنا طلع ......يبقي انت اكيد اكيد في مصر

لا لا لا لا معلش يا دكتور الكلام دا مش فى صالحنا ضد هانكوك و بعدين إزاى واحد من العصابة يخوننا ..... يبقى أكيد فى جاسوس بيننا .

أنا عايز حضرتك تغير أقوالك و تخليها فى صالحنا علشان القضية ده تخلص على خير و ماتخافش مش هاننساك و كمان ليك نسبة من التبرعات و هاخلى والدتى تعمل حسابك فى الكحك و البسكويت

**ALSHARIEF** · 01-09-2010 04:53 PM

المشاركة الأصلية كتبت بواسطة m.osman

يا باشا السعر مش بالمقاس بس ... بالنوع كمان

طب مانا جايب بريدجستون 15 الفردة ب480

ممكن تجيب ارخص من كدا طبعاً
بس انا بعتبر الكاوتش من اهم الحاجات في العربية

فعلا أنا سألت على كاوتش لعربيتى بس بايريللى ب 650 جنيه الفردة و ساعتها كان نفسى أرزع الراجل قلم أفوقه بس قولت أكيد الصيام فارق معاه

**night_phoenix** · 01-09-2010 06:52 PM

المشاركة الأصلية كتبت بواسطة alsharief

لا لا لا لا معلش يا دكتور الكلام دا مش فى صالحنا ضد هانكوك و بعدين إزاى واحد من العصابة يخوننا ..... يبقى أكيد فى جاسوس بيننا .

أنا عايز حضرتك تغير أقوالك و تخليها فى صالحنا علشان القضية ده تخلص على خير و ماتخافش مش هاننساك و كمان ليك نسبة من التبرعات و هاخلى والدتى تعمل حسابك فى الكحك و البسكويت

اقر واعترف ان كل ما قد سبق قلته في لحظه صيام جامده ومن هنا انا بسحب كل كلامي . معلش يا هانكوك ده فيها تبرعات وحكك و بسكوت وبتي فور وطبعا الخواجه الكوري ملوش في البسكوت ومن هنا اعلن ان هانكو مزعلاني انا كمان وانا معاكم في القضيه المصيريه دي
وهذا اقرار منا بذلك.................

**ALSHARIEF** · 01-09-2010 07:00 PM

المشاركة الأصلية كتبت بواسطة night_phoenix

اقر واعترف ان كل ما قد سبق قلته في لحظه صيام جامده ومن هنا انا بسحب كل كلامي . معلش يا هانكوك ده فيها تبرعات وحكك و بسكوت وبتي فور وطبعا الخواجه الكوري ملوش في البسكوت ومن هنا اعلن ان هانكو مزعلاني انا كمان وانا معاكم في القضيه المصيريه دي
وهذا اقرار منا بذلك.................

أيوه كده يا باشا هما دول المصريين و هى ده وقفة الرجالة ..... أستلم الكاوتش الجديد منهم من هنا تلاقيهم فى البيت بيكلموك يقوللولك فيه واحد واقف على الباب معاه طرد كبير بيقول إنه مابعوتلك هدية نستلمه و لا لأ

بس ياترى البيتى 4 بتحبه ساده و لا بمكسرات و شيكولاته و لا فانيليا و لا الأتنين مع بعض .... باشا طلاباتك أوامر يا سيد الناس ........ أكتب الأوردر و سيب الباقى علينا بفضل الله و مدده

**Wily** · 01-09-2010 07:12 PM

المشاركة الأصلية كتبت بواسطة alsharief

باشا هنبتدى النفسنة و لا إيه و بعدين التبرع دا لينا كلنا ماتخفش مش هنساك . ( كلام هزار طبعا )

نيجى بقى للكلام إللى بجد : بجد و الله قلبى معاك و أنا تحت أمرك و الله و مين عارف أكيد ربنا هيفرجها إن شاء الله

بس أنا ربنا هدانى لواحد إبن حلال بتاع كاوتش لقيت عنده حل للبالونة بتاعة كاوتشى و أنا هاعمل تقرير عن الموضوع دا إن شاء الله

يا باشا والله عارف إنك بتهزر و ربنا معانا جميعا... يا ريت لو إتحلت تعملنا تقرير نستفيد منه جميعا و ربنا يجعلوه في ميزان حسناتك إن شاء الله...