سبحان الموفق : جنط 16 و البالونة

**ALSHARIEF** · 22-08-2010 07:29 PM

السلام عليكم و رحمة الله و بركاته ............

يا تلحقونى يا ماتلحقونيش النهاردة الصبح و أنا راجع من الشغل ( أصل محسوبكم كان عنده وردية ليلية لقيت العجلة الشمال قدام فيها بؤليلة ضغننونة بس أنا شوفتها و من ساعتها نازل عليا سهم الله و مش عارف أعمل إيه مع العلم إنى جايب الخليجى فتحة سقف و سمارت كى بس بجنط 16 مش عارف أعمل إيه ؟

محتاج نصايحكو يا إما هأعمل إعلان زى أبوليلى و هبدل العربية بمروحة أو شفاط

هى ملهاش أى حل يعنى و لا إيه ؟ مستنى وقفة الرجالة جنبى

**NoRmAl** · 22-08-2010 09:48 PM

هى أصل المشكله ان البلالين دى ملهاش حل :)
ركب الاستبن لغايه متشترى واحده بقى :)
عوضك على ربنا
أنا لسه أمبارح واخد نقره أعوذ بالله
ومستنى أنزل اشيك على العجل وربنا يستر

**Mshawky** · 22-08-2010 11:06 PM

ده اثبات ان النقر على العربيه موذيه بكل المقاييس ملهاش علاقه ب 17 ولا 16 كله يبتاذى والمقصات والكبالن

هى شوارع اصلا مينفعش حتى يمشى فيها حيوانات فمابالك ببنى ادمين زينا وعربيات زيرو

**ALSHARIEF** · 22-08-2010 11:37 PM

والله أنا مش عارف أعمل إيه بجد أنا حاسس إن البالونة طلعالى أنا و مأريف جدا و مش عارف هى جت منين :

1- نقرة جامدة يعنى .
2 - عيب صناعة فى الكاوتش بس الكوموهو أسمع إنه كويس مش عارف بالضبط .

بفكر أرجع الكاوتش ورا شمال و أجيب إللى ورا قدام و لا إيه رأيكم ؟

**ALSHARIEF** · 22-08-2010 11:53 PM

المشاركة الأصلية كتبت بواسطة normal

هى أصل المشكله ان البلالين دى ملهاش حل :)
ركب الاستبن لغايه متشترى واحده بقى :)
عوضك على ربنا
أنا لسه أمبارح واخد نقره أعوذ بالله
ومستنى أنزل اشيك على العجل وربنا يستر

حبيبى يا نورمال والله الموضوع خانقنى جدا و طبعا إن موضوع إن البلالين ملهاش حل ده خانقنى أكتر و أكتر .
أما بالنسبة للإستبن كان نفسى ماستخدمش االإستبن إلا بعد 4 أو 5 سنين كده زى ما بسمع من بعض الناس إنهم مابيستخدموش الإستبن إلا بعد سنين بس الحمد لله على كل شئ .

خلى بالك ياباشا و أنت ماشى فى شوارعنا المحروسة و إن شاء الله خير بس بالله عليك إبقى طمنى و السلام ختام

**NoRmAl** · 23-08-2010 12:08 AM

المشاركة الأصلية كتبت بواسطة mshawky

ده اثبات ان النقر على العربيه موذيه بكل المقاييس ملهاش علاقه ب 17 ولا 16 كله يبتاذى والمقصات والكبالن

هى شوارع اصلا مينفعش حتى يمشى فيها حيوانات فمابالك ببنى ادمين زينا وعربيات زيرو

لا هى على حسب النقره
يعنى ممكن نقره جامده جدا تطلع بلونه فى كاوتش 15 مهى قوه صدمه والسلوك يا تستحمها يا متستحملهاش
+
نوع الكاوتش بيفرق على فكره

**Deshahcoka** · 23-08-2010 01:18 AM

باشا الله يخرب بيت الحفر و يفتح حفر الي بيفتحلنا حفر في الشوراع في بيتهم !

انا عندي 3 فاردة بلالين و واحدة 5 خوابير :) انا عاوز طقم :) و ما ادراك ما طقم ال 17 :) 2000 للنوعية الزبالة و اخبط 4000 وش للنوعية النضيفة !

انا اتعقدت قوي :( انا كان نفسي في موبايل جديد كدة الواحد حيحوش و يكمل فوق تمن الموبايل علشان يجيب كاوتش يمشي على الزفت ده !

**som3aa** · 23-08-2010 01:19 AM

- عيب صناعة فى الكاوتش بس الكوموهو أسمع إنه كويس مش عارف بالضبط .

بفكر أرجع الكاوتش ورا شمال و أجيب إللى ورا قدام و لا إيه رأيكم ؟

لا طبعا خطر جدا تمشى بكاوتشة فيها بالونة سواء قدام و لا ورا , يعنى لا قدر الله لو الكاوتشة اللى ورة هى اللى انفجرت تفرق فايه؟

لازم تغير الكاوتشة علطول

**ldsaklf** · 23-08-2010 10:54 AM

اذن فا كل الكاوتش بيبقلل مش ال17 بس خليها استبن يا ريس لحد ما ربنا يفرجها

**som3aa** · 23-08-2010 04:37 PM

اذن فا كل الكاوتش بيبقلل مش ال17 بس خليها استبن يا ريس لحد ما ربنا يفرجها

كله بيبقلل بس ال17 عرضة اكتر للبقللة و عن تجربة

الموضوع: سبحان الموفق : جنط 16 و البالونة

LinkBack

أدوات الموضوع

عرض

-

-

-

المواضيع المتشابهه

تجربتي لمالكي مواتير مياه منازل و غيرهم و تخلص من مشاكل البالونة

سبحان الله بجد قصة حب غريبه بين القطط وكرولتى ... سبحان الله

سبحان الله وبحمده سبحان الله العظيم

بجد سبحان الله سبحان الله هااام جدااا

سبحان الله وبحمده .... سبحان الله العظيم

الكلمات الدلالية لهذا الموضوع

المفضلات

المفضلات

ضوابط المشاركة