الموضوع: خليها تصدى وموديلها يعدى (حملة الموسم)

المشاركة الأصلية كتبت بواسطة nour_safwan

لو جينا للموتسيكلات الأحجام الكبيره
cbr 929 - cbr 954 - cbr1000
يمكن دول متوافر تداولهم شويه في مصر بس مش لأي طبقه من المستخدمين تقريبا للطبقه المرتاحه ماديا والي عنده عربيه بديله للموتسيكل يعني مش كل مشاويره بالريس
أما الي بعد كده
سوزوكي بوليفارد وسوزوكي إندروودر1500 وياماها في ماكس1300 و هوندا vtx
فا الموتسيكلات دي صعب تنزل أسعارها على الأقل في الفتره الجايه دي أو على المدى القصير لأن عليهم كمية طلبات كبيره جدا والتجار مش عارفه توفيهم
وأنا عن نفسي عندي طلب لبوليفارد 2009 أو 2010 وطلب لفي ماكس ياماها وعايز أقولكم إني وفرتله ياماها في ماكس 2005 والأخر إتضح إنه هو لسه بايع 2007 علشان عايز ال 2010
وفي ناس عايزه سوزوكي إندروودر وناس عايزه هوندا فيوري 1300 "الغضب" 2010 والناس دي بتدفع مهما كان السعر لأن الموتسيكلات دي بتخطف الأنظار والمستهلك معاه ومرتاح ماديا
وعلى فكره الموتسيكلات الموديلات العاليه مافهاش مكسب كبير للتجار يعني مثلا الموتسيكل هوندا فيوري سعره تقريبا 13000$ في سعر الدولار 5,65 يساوي 73450 جنيه في تقريبا 40 % ضريبه وجمارك وشحن وخلافه تقريبا الناتج 102830 جنيه وبتتباع عند احمد فهمي بـ 105000 جنيه يعني مكسبه فيها 2170 جنيه
أنهي تاجر هايرمي 100000 جنيه علشان يكسب 2% ده يبقى مجنون أو مطلوبه منه أ, هو حوت وأحمد فهمي مجنون موتسيكلات ومطلوبه منه وكمان حوت موتسيكلات يعني التلات صفات فيه أبوحوه نفسه والي عايز يربط إسمه لكل ما هو له علاقه بالموتسيكلات في مصر مايخاطرش ويعملها لأنه حتى الأن بيشتغل في الموديلات القديمه أحدثها 2007 وسي سي عالي
مش الـ 250 والـ 400 والفاير ولعب العيال بتاعنا ده
أنا عندي ياجماعه 400 سي بي أر واخدها من المستورد بسعر تجاري بـ 18500 عشان أخرجها من الإستثمار ميناء بورسعيد وأدخلها مصر صرفت عليا 500 جنيه بقت بـ 19000 أبيعها بكام لما أتكلمت في 20000 مش عايز أقولكم الهجوم الي إتعرضتله على إحدى المواقع الدعائيه على النت وكمية سخريه مالهاش أخر كل ده علشان طلبت 20 علشان ترتاح لـ 19,5 في مكنه ماشتغلتش في مصر أكتر من ربع ساعه متقطعه دقيقتين دقيقتين والحاله أكيد بتبان
طيب أنا راجل أكل عيشي من الدراجات الناريه يعني مش هاوي وهاخسر تمن ماركبت لأ انا مابركبش أجيب بـ 19000 وأبيع بـ 17500 عشان نرضي الناس
أنا كان عندي موتسيكل 400 من فتره والله العظيم ما مشي في مصر أكتر من 15 دقيقه أنا جربته خمس دقائق وزبون جربه خمس دقائق والزميل خالد من المنتدى هنا جربها خمس دقائق والي إشتراها مرضيتش أخليه يجربها علشان مش كل الي هايجي يتفرج هايجرب إحنا في مصر بيبان من بيسوق ومين لأه ومين نفسه يسوق ومين عنده نية شراء ومين مصري صميم جاي يزيط وخلاص
وسلامي للزميل خالد وشكرا على ردوده الجميله
عايز أقولك يا خالد إني كرهت الشغلانه دي بسبب الميكانيكيه وحواراتهم
وبأتجه لقطع غيار الهوندا التقطيع وبردوا الميكانيكيه مش سايبني في حالي
وقربت أنتحر ولو إنتحرت مش عايز ولا ريس يمشي ورايا وانا رايح الترب عشان زهقت من كتر الحوارات والي معاه ريس يركنه ويمشي على رجليه هههههههه
لدرجة إن إتعرض عليا موتسيكلات من الإمارات والسعوديه
لكني رفضت لإن الميكانيكيه الي بيصلحوه في الخليج مصريين
وانا مش بشتري موتسيكل غير وارد اليابان او تايلاند او كندا او امريكا
أنا جالي موتسيكل 400 سي بي ار مره كان افراج الجمارك بتاعه مكتوب فيه سعر الموتسيكل 1200 جنيه وجماركه 400 جنيه يعني الموتسيكل لحد ما وصل مصر بقى سعره تقريبا 1640 جنيه
لكن مش هي دي الحقيقه لأن البيان بتاع الموتسيكل الي جاي من بره مش هو ده الحقيقي بس المورد مخرجه بفاتوره سعر 1200 جنيه لكن هو مش جاي بكده
الموتسيكلات دي بتيجي فعلا غاليه من بره بس بيريحولك الفاتوره علشان جمارك بلدك
والتجار في الجراجات الياباني بيدولك ال250 وال 400 والفايربليدات غاليه ولازم تاخد حاويه 24 موتسيكل بأحجامهم كبير وصغير وحاجات مش مطلوبه ريبل وجولدن وينج وسوزوكي سافاج وفزبه أطفالي قديم وكده علشان يديلك عليها 3 حتت 250 و400 وفاير
فا هما دول فاكهة الحاويه لازم سعرهم يكون غالي لأن المستورد بيشيل بلاوي بسببهم
ومش هايفهم كلامي غير الي دخل الميناء في بور سعيد أو الإستثمار وشاف المكن الياماها الفطوطه الي المستورد لابسه وراميه فوق بعضه وبيبيع الواحده بـ 3500 جنيه من كتر ما هم متكومين فوق بعض
فا مطحطوش أمل إن الأسعار ممكن تنزل الفتره الي جايه لأن تجار جراجات اليابان مش بيهتموا بالمستورد المصري
لأنه شحات أخره حاويه - حاويتين - 3 حاويات وبخخخخخ
العيال الزنوج بتوع أمريكا و جنوب افريقيا والكاميرون بيشيلو من اليابان بال 15 كونتنر " حاويه" يعني بيدفعوا بال5 مليون دولار مره واحده ماهي فلوس تجارة السلاح والمخدرات وغسيل أمواواحنا المستورد أخره بيسافر ب 500000 جنيه يعني 100 الف دولار وايش جابك يا صعلوك بين الملوك يجيبله حاويه نصها خرده ويرجع
الكلام ده مش من دماغي ده عن لسان أكبر مستوردين في مصر كل فتره في اليابان
وأكملكم الحكايه بعدين علشان انا خارج دلوقتي
والله الموفق
أخوكم /إبراهيم أسعد

ربنا يزيك من علمه ويعلمك بما تنفع الناس..........تقريبا كده الصورة وضحت لكل الزملاء.....عندك حق والله بالنسبة للميكانيكية الواحد يحسسك انو فاهم المكنة دى عايزة ايه وهوا اصلا لايفقه شيء