و بدء موسم سقوط الجهد

**Abdo_Eldesokey** · 24-08-2010 06:48 AM

نصيحة يا جماعة ، لو لاحظتوا إن إضاءة اللمض ضعيفة ، افصلوا الأجهزة الكهربائية فوراً عشان متبظش

ولو عايز تحافظ على جهاز كهربائي ركب Stabilizer

وربنا يعدي الأيام دي على خير

**zaza_lanos** · 24-08-2010 12:39 PM

وجهة نظر

انا اول مرة اخد بالى من حوار الابادة
فعلاً بس الحرمية لو متنا هيشتغلوا على مين بس

**maka** · 25-08-2010 06:35 PM

المشاركة الأصلية كتبت بواسطة Abdo_Eldesokey

نصيحة يا جماعة ، لو لاحظتوا إن إضاءة اللمض ضعيفة ، افصلوا الأجهزة الكهربائية فوراً عشان متبظش

ولو عايز تحافظ على جهاز كهربائي ركب Stabilizer

وربنا يعدي الأيام دي على خير

+1

او ممكن تركب مخول رافع للجهد فى حدود 20 فولت هيبقى ارخص من ال Stabilizer

**m_car** · 25-08-2010 07:25 PM

انا خلاص بقدم على سفر برة يارب وفقنى فيه

انا بجد قرفت من البلد دى كنت بحب مصر كرهونى فيها والله والله كرهتها خلاص

نفسى اروح اعيش فى اى مكان اى مكان احس فيه انى انسان وليه حقوق وواجبات وحد يحترم تفكيرى وعقلى

والمشكلة الكبرى انك لما تسافر برة الغريب بيبص ليك انك حقير مصرى حقير مالوش تفكير ولا عقل ولا حكومة تسال عنه

**pro_samir** · 25-08-2010 07:46 PM

المشاركة الأصلية كتبت بواسطة maka

+1

او ممكن تركب مخول رافع للجهد فى حدود 20 فولت هيبقى ارخص من ال stabilizer

هندسه يا ريت معلومات اكتر عن موضوع المحول هل في منه يستحمل يقوم تكييف ؟ واسعاره تقريبيا

شكرا

**M.Osman** · 25-08-2010 10:25 PM

انا فاكر من صيفين فاتوا .... كان لما نيجي نشغل التكييف النور كله يطفي حوالي 10 ثواني على ما التكييف يقوم ...
بس ايامها بطلنا تشغيل التكييف لحد ما الدنيا اتظبطت

**M.almaghraby** · 25-08-2010 10:51 PM

انا عايز اقول كلمة واحدة بس

البلد دي محتلة يا رجالة والله

**abogogo** · 25-08-2010 10:52 PM

المشاركة الأصلية كتبت بواسطة ashouhdy

ربنا يستر ع ولادنا الواحد بيحوش لأبنة تمن الشقة اللى حيتجوز فيها من دلوقتى مع انى لسة متجوزتش

هههههههههههههه بصراحة تعليق ملهوش حل

الا ايه اخبار المفعل النووي اللى هيحل مشكلة الكهرباء نهائيا ...مفيش اخبار جديدة ولا مستنين رمضان يخلص عشان يلموا اكبر عدد من نوى البلح والقراصية والمشمش عشان التجارب النوويه .... ايضا موضوع الضبعة لسة مستنيه جوزها الضبع لما يرجع من بره عشان يوافقوا يعملوا المفعل في ارضهم !!!
انا عايز اعرف لما الواحد هيسيب شركة او مصنع اللى ابنه مش المفروض يسبهوله وهو شغال وناجح ولا يسبهوله وهو كله مشاكل وديون والعمال قربت تولع في الشركة والمصنع

**adel1212** · 26-08-2010 12:17 AM

اية يا جماعة انتو مسودين الدنيا لية
احنا فعلا دائما ننظر الى الجزء اللى فاضى فى الكوب
يعنى
انا بقيت معروف جدا فى شركات الصيانة من كتر مازرونى فى ال3 سنوات الماضية ودى ميزة جميلة لانهم بيجيبوا قطع الغيار معاهم ويغيرو على طول وانا عارف الحساب لان كل مرة السبب الكهرباء
شوفوا بقى كام اسرة عايشة من اهالى العاملين فى شركات الصيانة
وغيرو وغيرو كتييييييييييييييييير
اللهم اخرجنا منها سالمين

-

الموضوع: و بدء موسم سقوط الجهد

LinkBack

أدوات الموضوع

عرض

-

-

-

-

-

-

-

-

المواضيع المتشابهه

قانون " الجهد المعكوس

موسم العمرة

قوة العقل الباطن و الجهد المعكوس !!!!

الكلمات الدلالية لهذا الموضوع

المفضلات

المفضلات

ضوابط المشاركة