الموضوع: و بدء موسم سقوط الجهد

المشاركة الأصلية كتبت بواسطة ashouhdy

ربنا يستر ع ولادنا الواحد بيحوش لأبنة تمن الشقة اللى حيتجوز فيها من دلوقتى مع انى لسة متجوزتش

ههههههههه عندك حق الواحد مش عارف يقول ابه
[QUOTE]

المشاركة الأصلية كتبت بواسطة A7MED_PHARMA

واضح إن القبطان
كان حالف إنه مش هيسيب السفينة إلا لما تغرق
وأديه هيسيبها
وبيغرقها
...........
تخيلوا لو أمريكا قررت تدخل مصر
تخيلوا
كتير مننا هيفرحوا والله

زمااان من اكتر من 5 سنين دكتور جامعة قالى الكلام ده و بقيت مستغرب منه..قالى ياريت أمريكا تيجى تنضف

المشاركة الأصلية كتبت بواسطة maka

يا باشا انا اسف جدا جدا على التاخر فى الرد لظروفى

المحول ممكن يشيل البيت كله او تركب محولات صغيرة منفصلة مع الاجهزة المهمة فقط و طبعا كلا حسب قدرته

و فرق المحول عن الاستبليزر ان المحول بيرفعلك الجهد فقط كنسبة و تناسب من الدخل اما الاستبليزر فهو معقد شوية لانه بيحول ال a.c. الى d.c. ثم الى a.c. تانى علشان ينظف الكهرباء من الهرمونكس و يخرج جهد ثابت القيمة حتى لو الجهد الداخل ليس ثابت

الاسعار مش هقدر اخدمك فيها دلوقتى لكن بكره هسالك فنى عندى شغال فى المولدات و اجيبلك التفاصيل باذن الله

+ ان اعرف واحد شاري محول من 15 سنة تقريبا خرجه 5000 ك . ف. ا او 22 امبير تقريبا كان ب 30 جنيه فقط

بس اكيد الاسعار عليت عن كده كتيير

أختلف معاك فى النقطة دي :)...المحول مش هيعمل حاجة لو الكهرباء جاية اساسا من المصدر ضعيفة...المحول بس بيرفع أو بينزل الجهد و فى المقابل بيعمل العكس فى التيار.
لكن أصلا المصدر من محطات الكهرباء جاي تعبان .. عليه أحمال كتير Overload و القدرة اللى بتوصل للمنازل ضعيفة (جهد و تيار مع بعض) و المحول ملزم بالقدرة اللى بتجيله مش بيزودها و لا ينقصها. على كلامك انت هتجيب محول رافع Step up Transformer هيرفع الجهد بس خرج التيار هيكون أقل و اللى هو أساسا جاي من الشبكة تعبان. الكيلو وات اللى جاي من الشبكة أصلا قليل و برضه هتلاقى الأجهزة مش شغالة مضبوط على التيار العادي بتاعها

المشاركة الأصلية كتبت بواسطة n_i_t_e

أختلف معاك فى النقطة دي :)...

اختلاف الراى لا يفسد للوز صنية


المحول مش هيعمل حاجة لو الكهرباء جاية اساسا من المصدر ضعيفة...المحول بس بيرفع أو بينزل الجهد و فى المقابل بيعمل العكس فى التيار.
لكن أصلا المصدر من محطات الكهرباء جاي تعبان .. عليه أحمال كتير Overload و القدرة اللى بتوصل للمنازل ضعيفة (جهد و تيار مع بعض) و المحول ملزم بالقدرة اللى بتجيله مش بيزودها و لا ينقصها. الكيلو وات اللى جاي من الشبكة أصلا قليل و برضه هتلاقى الأجهزة مش شغالة مضبوط على التيار العادي بتاعها ]

يا باشا فيه نقطة بتغيب على كتيير منا و هى ان المعظم فاكر ان المحطات بتبعت التيار الكهربى للشقق

و لكن العكس هو اللى بيحصل يعنى هما بيبعتوا جهد و احنا بنسحب تيار و كل جهاز بيسحب تيار على قد احتياجه

و كلامى ده طبقا لمبداء سريان التيار الكهربى و تعريف الجهد وفرق الجهد اللى اكيد حضرتك عارفهم

يعنى بالبلدى اى فيشة فى شققنا عليها جهد فقط و يبداء يبقى عليها تيار عند توصيل اى جهاز

اما حوار ال over load بيحصل نتيجة ان تشغيل اى جهاز بيعمل voltage drop على الشبكة بيزيد بزيادة عدد الاجهزة المستخدمة فى المنطقة او الحى

وطالما الباور المنتجة ثابتة القيمة و التيار المسحوب بيزيد فبالتالى بيبداء الجهد يسقط و ليه حلول وسيطة غير زيادة الباور و ده مش موضوعنا

على كلامك انت هتجيب محول رافع Step up Transformer هيرفع الجهد بس خرج التيار هيكون أقل و اللى هو أساسا جاي من الشبكة تعبان.

يا باشا المحول الرافع للجهد خافض للتيار بستخدمه لو عاوز انقل كمية ما من الطاقة من نقطة أ الى نقطة ب زى الربط ما بين مصر و الاردن و طبعا بيرفع الى قيمة عالية 220 او 500 كيلو فولت

و احنا كده كده قولنا انا اللى بسحب تيار من الشبكة مش هى اللى بتجبرنى على تيار معين


و فى حالتنا هنا اللى هيحصل :: هنقول الجهد ساقط الى 190 ~ 200 فولت فانا محتاج محول يرفع الجهد 20 ~ 30 فولت بكتيره و طبعا المحول هيبقى ليه قدرة خرج ( تيار ) مقدرش احمله اكتر منها علشان ميتحرقش

يعنى لو انا عندى جهاز بيسحب 10 امبير فانا محتاج محول بيرفع 30 فولت و خارجه 10 امبير او اكتر

اسف على الاطالة فى الشرح و تحت امرك فى استفسار لو فيه حاجة مش واضحة من كلامى

المشاركة الأصلية كتبت بواسطة pro_samir

يا ريت الله يكرمك

عايز اشغل عليه تكييف 2 حصان + كمبيوتر ديسكتوب بدون الشاشه و ممكن الأكسيس بوينت بس كده

شكرا جزيلا

للاسف هو طلع شغال فى المولدت فقط و ايجارها و ميعرفش اسعار المحولات

لكن وعدنى النهاردة انه هيحول يعرف اى داتا عن اسعارهم و يجبهالى بكره باذن الله

المشاركة الأصلية كتبت بواسطة karim_monir

انا عندي في البيت الراوتر بقى لعنة
ورغم انه من انضف نوعيات الراوتر(نت جير)
لكن بيعمل ريستارت بطريقة مش طبيعية بسبب انخفاض الحهد
خاصة في وقت الذروة من 5 عصرا الى 12 مساء
نادرا لو اشتغل
غير كدة شغال بالمودم على طول بسبب انه مش بيثبت
الاجهزة حدث ولا حرك
العمارة نفسها ممكن تلاقي نور عندنا والاسانسير مش لاقي جهد يقومه

هل فعلا في حل اني اظبط الجهد وماينخفضش الانخفاض المريع ده
وهل هايكون عملي
ويتركب فين بالظبط في الشقة

حلين :

الاول : استبليزر و عيبه انه هيكون غالى يعنى الاستبليزر النص كيلو الصينى اللى ضربه السلك بيعمل 200 جنيه او ازيد و بالتالى لو هتجيب استبليزر 3 كيلو وات لتكييف 2.25 حصان و يكون نوع محترم فتمنه ممكن يقرب من تلتين تمن التكييف او ازيد , قياسا على كده باقى الاجهزة

التانى : نجيب محول رافع للجهد بقيمة صغيرة 20 فولت تقريبا و نراعى ان قدرته تكون اعلى من الحمل ب 20% و يحبذ ان يكون معه مؤشر لقراءة الخرج و طبعا تكلفته هتكون ارخص من الاستبليزر بكتيير

اما التركيب فى الحالتيين اما تركب لكل جهاز وحدة منفصلة او للاجهزة المهمة اما تركب على الشقة كلها بعد الخرج بتاع العداد

نصيحة اخيرة عند تركيب محول يرجى تركيب سكينة باتجاهين علشان تقدر تشغله فقط لما الجهد يسقط و تريحه لما الجهد يكون كويس , و اى كهربائى شاطر هيقدر يضبطلك الدنيا زى ما انت عاوز

فيه حاجة اسمها variac و ده محول رافع بس على نظيف شويتين

و دى صورته



هو ميزاته انك تقدر تتحكم فى الفولت الخارج بالزياده او النقص + مؤشر للجهد الخارج

انا اشتغالت عليه ايام الكلية و كان كويس جدا

اما الاسعار فباذن انا عن قريب نازل السبتية علشان مش قادر استحمل قرف الكهرباء اكتر من كده