باركولي حجزت شاهين 1600 وعايز اعرف الاشياء التي تسلم مع العربيه وما يجب مراجعته وهل تنصحوني بالتأمين عليها ام لا وما هو مبلغ التأمين
عرض للطباعة
باركولي حجزت شاهين 1600 وعايز اعرف الاشياء التي تسلم مع العربيه وما يجب مراجعته وهل تنصحوني بالتأمين عليها ام لا وما هو مبلغ التأمين
مبروك على العربية الجديدة و ربنا يباركلك فيها.
بص يا سيدى انا معايا شاهين 1600 نفس عربيتك بالضبط بس موديل 2006, و لما اشتريت العربية كان معاها الأتى :
- كتالوج فيه مواصفات السيارة و مواعيد الصيانة و دليل الاستخدام.
- كتالوج منفصل للكاسيت.
- كوريك و مفتاح عجل و مفك و مفتاح صغير.
- علبة تحط فيها الكاسيت لأنه وشه بيتشال.
العربية سريعة جدا و محركها قوى جدا, و تكيفها لا بأس به رغم انو الكمبرسور صغير و هتعتاد بعد شوية ازاى تبعد الهواء عن "ركبتك" و توجهه اليك بشكل صحيح لان الهوايات تحت, الباور مريح و العربية عفشتها رائعة و ثباتها مقنع جدا خاصة فى المنحنيات, متنساش انو العربية دى 96 حصان على وزن خفيف جدا 960 كيلو و دفع خلفى, يعنى العربية شبه رياضية. و الانجيكشن ملوش أى مشاكل بشهادة معظم الميكانيكية و العربية بقالها معايا دلوقتى حوالى 42ألف من غير أى مشكلة.
دى تجربه أنا كتبتها عن الشاهين ممكن تفيدك :
http://www.nilemotors.net/Nile/showthread.php?t=5655
بالنسبة للمراجعة أو مشاكل التصنيع فأنا سمعت من الكثير نصيحة بتغيير المساعدين الأماميين , بالنسبة للعربية عندى أنا مغيرتش أى حاجة, لأن المساعدين عندى كويسين جدا و مش محتاجين للتغيير, أعتقد انو مشكلة مساعدين الشاهين انتهت عند نصر, و محصلش عندى أى مشكلة تصنيع الا الكلاكس الى كان صوته ضعيف شويه و رحت غيرته تبع الضمان, و مفيش أى مشكلة تانية ظهرت معايا.
و طبعا أنصحك بالتأمين عليها ضمانا للمستقبل و خصوصا انو التأمين مش هيكلفك كتير, بصراحة أنا مش فاكر المبلغ بالضبط بس مكانش مبلغ كبير.