العشم لما يقلب غشم

**devilishtigers** · 24-08-2010 05:01 AM

حتى لو في عشم وعايزلك الاحسن المفروض يقولك رأيه وينصحك بيه بس الرأي الاول والاخير ليك انت.
يا إما تخليه يعملك اللي انت عايزه يا إما تعمله عند حد تاني. (دا رأيي)

**mesho_kimi** · 24-08-2010 05:10 AM

انت تحطه قدام الامر الواقع تروح تشتري الطابلوه وتقوله ركب قالك حاجه قوله مش حينفع يرجع ومشي اللى فى دماغك ومتزعلش نفسك لأنك لو معملتش اللى فى دماغك حتفضل زعلان ومضايق نفسك

**haroun707** · 24-08-2010 05:26 AM

بص ياباشا انا حقولك كلمة حق مش اكثر الراجل ده مش عشمان فيك خالص بالعكس

الراجل ده بيحبك جدا وبجد على فكرة كلامه كله صح جدا زهو بيحاول يعملك الحاجة الصح

لانه لو مش بيحبك وعاوزلك المصلحة كان هاودك وعمل اللى انت تقول عليه وهو مش خسران حاجة بالعكس انت كل شويه حتروحلة علشان تظبط حاجة فى البويه او تنميل من اللى حيحصل فى الفايبر

وعلى فكرة انا عاوز اقولك على حاجة لو العربية اتعملت على اصلها وبنظافة حتكون رايقة جداً وانا شخصيا بتلفت نظرى العربيات دى

وحقولك على حاجة شخصية انا لو بشترى عربية وقدامى واحدة معمول فيها الشغل ده وعربيه تانية مظبوط على اصلها
انا حاخد اللى من غير شغل وده لانى حخاف ان العربية التانية تكون مفرومه
يارب تكون فهمت قصدى

**magyver** · 24-08-2010 06:33 AM

فعلا موقف رخم
بس هو المفروض ينصحك والاختيار الاخير ليك انت
يعني لما بكون عايز اعمل حاجة عند الميكانيكي بتاعي
هو معرفة اكتر من 10 سننين وبنحب بعض جدا
مثلا اروحلة عشان افير البوجيهات بدري
يقلي يامحمد لا ولسة شوية عليها ويقعد يقنعني بس يقلي في الاخر براحتك عايزني اركب ركب