ارجو الرد للاهمية مشكلة سيارة اونو

**midoooooo** · 23-08-2010 02:59 PM

عندى عربية اونو مو 91 ايطالى وارد الخارج هاف انشجيكشن الموتور بيعلى ويوطه لوحدة والعربية بتنتش جامد جدا وتبطل عايز حد يكون كويس يصلحها لان التوكيل قاللى ان العربية قديمة وملهاش صيانة عندنا وانا معرفشى فيها ايه ارجو الرد للاهمية

**elewey** · 23-08-2010 05:22 PM

المشاركة الأصلية كتبت بواسطة midoooooo

عندى عربية اونو مو 91 ايطالى وارد الخارج هاف انشجيكشن الموتور بيعلى ويوطه لوحدة والعربية بتنتش جامد جدا وتبطل عايز حد يكون كويس يصلحها لان التوكيل قاللى ان العربية قديمة وملهاش صيانة عندنا وانا معرفشى فيها ايه ارجو الرد للاهمية

طيب يا ريت تحدد اكتر عشان الاعضاء تقدر تفيدك ايه اخبار الصيانات الدوريه قصدى بوجيهات فلاتر و سيور و كدة هلى غيرت الحاجات دى فى مواعيدها

**midoooooo** · 24-08-2010 02:36 AM

بالنسبة للبوجيهات الميكانيكى قاللى الوجيهات كويسة انا اخر مرة غيرتها من سنة تقريبا سير الكاتينة والدينامو غيرتهم من ست شهور الفلاتر مغيرتهاش من 3 سنين

**midoooooo** · 24-08-2010 02:38 AM

ارجو التواصل عبر الايميل m_ali1003@yahoo.com

**gazzar91** · 24-08-2010 06:25 AM

غير الفلاتر و اكشف على الـ Idle control valve

و طمنا....
في رعاية الله...

**midoooooo** · 24-08-2010 03:18 PM

ممكن اكشف فين انا معرفشى ايا مركز لو حد يعرف مركز كويس ياريت يقوللى

**moooha** · 28-08-2010 03:44 PM

مساء الفل .. لو انت غيرت فلتر الهواء والبنزين .. ولسه العربية بتنتش معاك غالباً الايدل idle actuture هو السبب فى المشكلة دى لأنه بيعمل الاعراض اللى انت بتقول عليها .. تنتش و صوت الموتور يعلى ويوطى .. وحاول كمان تكشف على حساس الشكمان .. لأنه ممكن يكون السبب واسمحلى أقولك على مركز خدمة كويس ومتخصص فى السيارت الفيات ومن ضمنها الانو .. مركز روكسان وده مكانه فى بنزينة التعاون اللى فى المطار القديم .. دخلة المطار القديم نفسه .. أمام فندق ليبروتيل ( موفينبيك سابقاً ) روح وماتقلقش هما شاطرين فى العربيات دى وكمان عنده قطع غيار وبيدى عليها ضمان .

**eng_ahesham** · 28-08-2010 10:14 PM

وفي واحد ميكانيكي في امبابه اسمه الاسطي صابر
ده اصلا شغال في التوكيل وماشاء الله عليه شاطر جدا
رحله وقوله انا من طرف المهندس احمد اللي معاه البونتو الفضي وهيظبطك وهتدعيلي

**midoooooo** · 29-08-2010 01:35 AM

شكرا جدا بس ياريت ارقام التليفون والعنوان تحديدا ومشكوووووووووووووووووور جددددددددددددددددا

**exact** · 30-08-2010 01:25 AM

المشاركة الأصلية كتبت بواسطة midoooooo

بالنسبة للبوجيهات الميكانيكى قاللى الوجيهات كويسة انا اخر مرة غيرتها من سنة تقريبا سير الكاتينة والدينامو غيرتهم من ست شهور الفلاتر مغيرتهاش من 3 سنين

ياراجل حرام عليك...3 سنين!!!!!!!!!!!!!!!!
والبوجيهات سنة بحالها؟؟

بص ياباشا
غير البوجيهات والفلاتر بالكامل وبعدين شوف
ولو لقيت العملية موجودة غير اسلاك البوجيهات
ولو لا قدر الله فضلت وغالبا ده مش هيحصل...ابقى ساعتها دور على ميكانيكي متخصص

للعلم البوجيهات لو من الانواع العادية تتغير كل 10000 كيلو
وفلتر الهوا انا بانضفه كل 5000 كيلو بالهوا المضغوط
وفلتر البنزين برضه كل 10000

سلوك البوجيهات على حسب كل 50000 الى 100000 كيلو

ما تهملش فالصيانة