شكر واجب للأستاذ أحمد مصطفى ahmed.tv

**د.أحمد السعيد** · 23-08-2010 05:23 PM

بسم الله الرحمن الرحيم
السلام عليكم ورحمة الله وبركاته
اللهم صل على محمد وعلى آله وصحبه أجمعين

كل سنه و انتو طيبن

شكر واجب للأستاذ أحمد مصطفى ahmed.tv و طبعا دا أقل شىء الواحد يرد بيه على الاستاذ أحمد اللى هو شعلة نشاط المنتدى و اللى قسم نيسان ازداد نور بيه

اكيد الكل موافقنى فى كلامى و الواحد معجب جدا برجالة قسم نيسان

و معلش فيه تعليق "نيسان سياره محترمه جدا جدا زى أصحابها " فالواحد مبهور من احترام و زوق و اخلاق اعضاء منتدى النيسان خصوصا و نايل موتورز عموما و على رأسهم استاذ أحمد مصطفى ahmed.tv جزاه الله كل خير و جعل هذا العمل فى ميزان حسناته

وطبعا مش هقدر اوفيك حقك يا ابو حميد فى السطور مهما كثرت فأنت مكسب حقيقى لقسم النيسان و للمنتدى ولا تترك فرصه للخير و للمنفعه الا طرحتها والسعي في قضاء حوائج الناس من الأخلاق الإسلامية العالية الرفيعة التي ندب إليها الإسلام وحث المسلمين عليها، وجعلها من باب التعاون على البر والتقوى الذي أمرنا الله - تعالى -به فقال في محكم تنزيله: " وَتَعَاوَنُوا عَلَى الْبِرِّ وَالتَّقْوَى وَلَا تَعَاوَنُوا عَلَى الْإِثْمِ وَالْعُدْوَانِ وَاتَّقُوا اللَّهَ إِنَّ اللَّهَ شَدِيدُ الْعِقَابِ (2) سورة المائدة.
ولا يقتصر السعي في قضاء حوائج الناس على النفع المادي فقط، ولكنه يمتد ليشمل النفع بالعلم، والنفع بالرأي، والنفع بالنصيحة، والنفع بالمشورة،

و طبعا نفسى اشوفك واقعد معاك بس للاسف عندى ظروف اتمنى ان تنتهى .

وفى النهايه اشكر القائمين على المنتدى و على رأسهم استاذ كريم منير و كل عام و انتم بخير

**sabryfouad** · 23-08-2010 06:48 PM

فعلا الاستاذ احمد يستاهل كل خير ومجهوده باين جدا ف المنتدى ومن اكثر الناس اللى قدمت الاستفاده للاعضاء والشكر شويه عليه ولابد من تكريمه من اداره المنتدى رمضان كريم وكل عام وانتم بخير ومن نجاح لنجاح

**Samah AbdAllah** · 23-08-2010 07:10 PM

بداية لازم اشكر دكتور احمد على الموضوع الجميل ده
وده اقل حاجة يستحقها احمد
احمد مجهوده واضح جدا فى القسم يمكن هومن اهم اسباب دخولى قسم نيسان بسبب النشاط الملحوظ اللى عمله فى القسم
اجمل ما فى هذا النشاط هو الحب الواضح جدا فى كل مشاركاته وموضوعاته للاعضاء وللمنتدى
انا يمكن معرفش اتكلم عن احمد على المستوى الخدمى الخاص بالسيارات والمنتدى
لكن ممكن اتكلم عن احمد عالمستوى الانسانى والشخصى
مقابلة فايد كانت اول مقابلة ليا بأحمد وزوجته لكنها لم تكن الأخيرة
كانت اول مقابلة احضرها وبشكر ربنا انه اتاح ليا فرصة حضورها
لانها كانت السبب فى معرفتى ب احمد وزوجته
اللى حسيت كأنى اعرفهم من سنين
والحمد لله بقينا اكثر من الاخوات كمان ووعدنى بزيارة لااليكس واوفوا بالوعد وكان التعارف على نطاق اكبر
واتعرف ب والد احمد ووالدته ووالد ووالدة زوجته
بجد بجد مهما اتكلمت عنهم ما فيش كلام يوفيهم حقهم
العيلة كلها تتحب وتشعر معاهم بالامان وكأنهم عيلتك بالظبط من اول مرة تشوفهم
واولادى اتعلقوا بيهم جدا ونفسهم يشوفوهم كل يوم
ومزهقنى كل شوية اتصلى بيهم اتصلى بيهم ويلا نخرج
وعاوزينهم ييجوا يعيشوا فى اليكس كلهم
وجدو ونانا قبلك يا احمد
شكرا ل نايل موتورز انه عرفنا بيك يا احمد وبالمدام حبيبتى قبل منك كمان معلش يعنى
شكرا لنيسان اللى كانت السبب فى اتاحة الفرصة لكل الحب والعطاء اللى بتقدمه للاعضاء
شكرا لكل الاعضاء اللى بحبهم واحترامهم وترابطهم اشعلوا النشاط فى قسم نيسان نايل موتورز واشعلوا الحب والعطاء فى قلب احمد تى فى
لو سيبت نفسى اتكلم مش هبطل كلام
بس هسكت عشان ادى فرصة لباقى الاعضاء
وعشان ما نتحسدش

**TAME** · 23-08-2010 11:56 PM

فعلاً الأستاذ أحمد أنسان خدوم ومحترم جداً ، ومن الناس اللى أنا سعيد جداً أنى عرفتهم فى حياتى . وديماً هو سباق فى السؤال وخدمة و نصيحة أى حد . جزاه الله خير و ربنا يباركله فى صحته وأسرته أن شاء الله .
أنا بشكره جداً على الأستكر . وأنى أديته كذا ميعاد وفى كل مره كنت بأعتذر علشان ظروف شغلى . ولا مره زعل أو قالى مينفعش .
فعلاً أنا بشكر المنتدى لأنى كسبت أخ ليا وأن شاء الله نشوفك قريب يا أستاذ أحمد على خير .

**م.محمد علاء** · 24-08-2010 12:05 AM

مفيش منه إتنين...
والواحد لو إتكلم...مش حيوفيه حقه...
هو وناس كتيير الواحد عرفها هنا

**Ahmed.TV** · 24-08-2010 12:07 AM

اخي الكريم دكتور احمد

والله لساني عجز عن الكلام اول ما دخلت القسم وشوفت موضوعك

حضرتك انسان في قمة الذوق والاخلاق وكفاية انك افتكرتني بتقديرك الجميل رغم اننا في زحمة رمضان

وصدقني اانا لوحدي ماكنتش حاقدر اعمل حاجة دول رجالة نيسان اللي شرفونا واللي دايما تلاقيهم معاك في اي استفسار او مساعدة ما بيقصروش ابدا وده هو سر نجاح قسمنا التفاعل الجميل والود والمحبة اللي جمعتنا واللي بقت علاقات اخوية وباذن الله تدوم على طول

وفعلا المنتدى جمهورية وقسم نيسان هو البيت اللي بيجمعنا وجيرانا هما باقي الاقسام التانية وكلنا قلبنا على بعض
وده اللي بميزنا عن باقي المنتديات الاخرى

**Ahmed.TV** · 24-08-2010 12:21 AM

وشكرا على شعور كل الاعضاء المحترمة وشكرا على حبكم ودعمكم وتقديركم الغالى ده , وكل كلامك ده غالى عندى وبيحفظنى اكتر للاجتهاد وخدمة كل الاعضاء

وشكرا استاذ صبرى على شعورك الطيب

وشكرا الى tame استاذ تامر , يا خبر ابيض انت انسان محترم جدااااااااااااااااااااااا ااااااااااااااااااااااااا اااااا فوق الوصف والخيال , وماشوفتش ذوق زى ذوقك ده وادبك , بجد انت انسان محترم , وانا اللى يشرفنى انى اكسب صديق واخ زيك بجد يا تامر باشا , ونفسنا تكون عضو معانا فى فرقة الكوماندوز
وشكرا الى حبيبى بيشوى , فاكهة القسم , بذوقه وادبه وخدمته للناس , وانا سعيد بصداقتى بيه جداا , والحمد لله على وجودى فى المنتدى ده اللى عرفنى باصدقاء مثلكم , ومتقلقش فكرة اقتراح التكريم حنعملها بعون الله , لان فعلا محتاجين ترابط اكتر بينا , ومحتاجين وجودة موضوعات حيوية ومهمة كتير
وشكرا اخويا وحبيبى محمد علاء باشا , انا عارف انك مشغول عشان تظبيط مستقبلك , وربنا يوفقك باذن الله فى حياتك , ومفتقدينك دايما , ووحشنا بجد

**A.Saad** · 24-08-2010 12:24 AM

لنتوا بتشكروا فيه وانتم من قسم واحد
امال انا اقول ايه اللى فى مقابلة كيا كان واقف مع العضو ابو ليلى اللى نظم المقابلة اكتر مننا احنا
واللى برده عمل كدة فى الافطار السنوى
احمد مصطفى
مثال للشهامة والاحترام

-

-

الموضوع: شكر واجب للأستاذ أحمد مصطفى ahmed.tv

LinkBack

أدوات الموضوع

عرض

شكر واجب للأستاذ أحمد مصطفى ahmed.tv - انشر الموضوع فى :

-

-

-

-

-

المواضيع المتشابهه

شكر واجب لتوكيل عز العرب (مهندس مصطفى)

شكر واجب و تقدير للأستاذ أحمد مصطفى ( رساله للمحترم أحمد tv)

شكر واجب للأستاذ أحمد مصطفى

.. إعتذار رسمى لحبيبى أحمد مصطفى .. ahmed.tv ..

شكر واجب للأستاذ أحمد مصطفى

الكلمات الدلالية لهذا الموضوع

المفضلات

المفضلات

ضوابط المشاركة