الموضوع: انا عماد صاحب مقايسه ال22 الف

السلام عليكم جميعا :

أولا با جماعه الجنط والكوتش كانت حادثه منفصله

ثانيا البرابيز الامامي كان فيه زلطه وبدأ يعمل شرخ مع الشمس وكدا

يعني البرابيز والجنط مش في نفس الحادثه بس انا قلت كلهم يكونوا في نفس المحضر والمقايسه

الاصابات من الحادثه زي ما قلت عليها قبل كده

انا رحت التوكيل بتاع العامريه النهارده ( الاتنين 23-8-2010 ) زي ما اتفقت مسبقا مع مندوب التأمين

المهم وصلت عندهم في التوكيل الساعه 12 ظهرا ( مع اذان الظهر ) اتصلت بمندوب التأمين قالي انا خلصت المقايسه وروحت

دخلت علي قسم السمكره والدهان عند المهندس محمد ثابت وللأسف كانت معاه ست كان معاها عربيه ميجان محكوكه من الجنب الشمال وعاوزه تعملها مقايسه ( طبعا الست كانت جميله والباشمهندس محمد ثابت كان مبلم معاها علي الاخر )

المهم قلتله يا باشمهندس انا صاحب اللوجان اللي مخبوطه من قدام ( قلبني وقالي استناني في المكتب شويه ) علي ما يخلص مع ال...

المهم لطعني نص ساعه وبعدها انا اللي طلعت له لقيته لسه مع الهانم قلتله لو سمحت عاوز اشوف المقايسه واعرف العربيه هتخلص ايمته ؟؟ قالي الباشمهندس مصطفي جايلك

جه الباشمهندس مصطفي وقالي علي الحجات اللي مندوب التأميم مش موالفق عليها وقالي ادفع 5 الاف تحت الحساب وهتستلم العربيه في منت ( يعني علي بعد العيد كده باسبوع او اتنين )

طيبب كده ازاي قالي احمد ربنا دا احنا معدناش بنقبل عربيات عندنا زحمه جامده

المهم وانا كنت مستني م/محمد ثابت لقيت المقايسه علي المكتب قمت صورته بالموبايل

طبعا الحاجات اللي مندوب التأمين مش موافق عليها هي
1-فبره أسفل الرفرف اليمين
2-رومان بلي عجل أمامي يمين
3-قميص مروحه
4-مقاومه مروحه


في حاجات لسه بعد الاطلاع ممكن تتغير وممكن لا
1-الرداتير
2-مساعد أمامي يمين
3-شمعدان أمامي يمين


حاجات بقي علي حساب الزبون اللي هو انا
1- جالون مياه ريداتير


بصو بقي علي المصنعيات والفصال فيه

1- رسم استخدام زرجينه ( 350 بدل 500 )
2- السمكره ( 1000 بدل 1660 )
3-الدهان ( 1250 بدل 2800 )
4-الكهربا ( 150 بدل 450 )
5-ميكانيكا ( 150 بدل 300 )
6-لزق الزجاج( 150 بدل 250 )
7-العفشه ( بعد الرؤيه وملخص المقايسه )
8-ضبط زوايا ( 100 بدل 150 )


اه بالنسبه للجنط والوتشه دخلوا الجنط في المقايسه لكن الكوتش لا مش عارف ليه ؟

ده كان ملخص زياره توكيل العامريه النهارده

دعواتكم