كاسيت العربية تم سرقته اليوم

**amr100** · 23-08-2010 08:53 PM

تم سرقة كاسيت العربية النهاردة وأنا رايح الشغل النهاردة الساعة 9 الصبح عادي بأفتح العربية و مستعجل

ولسه بأدور العربية ولسة هشغل الكاسيت أدور عليه ملقيتهوش خدت كام ثانية لحد ما استوعبت ان الكاسيت

اتسرق والحمد لله على كل شئ أصلها أول مرة حاجة تتسرق من العربية والظريف في الحكاية أنهم بيركبوا

مواسير الغاز الطبيعي عندنا في الشارع ومكسرين الشارع فبركن العربية في حته بعيدة عن الشارع في حدود

50 متر و انا سايب العربية في حدود الساعة 12 باليل وشايف عمال شغالين والعمال شغالة في وعربية

المحافظ واقفة وعربية المرور وكذا العربية تبع المحافظ انا اساسا من اسيوط و العمال شغالين عندنا حتى في

رمضان في حدود 18 ساعة في اليوم علشان انا اعتبر ساكن في شارع رئيسي في المحافظة ولازم يخلصوه

بسرعة بس جت على دغامي انا في الاخر انابكتب مش علشان الكاسيت الحمد لله على كل شيئ بس

الواحد متغاظ ومتضايق قلت افضفض معاكم شوية

**dr-mohamed** · 23-08-2010 08:55 PM

الحمد لله انها جت على الكاسيت
فداك ومتزعلش نفسك

**wesam_salom** · 23-08-2010 09:00 PM

فداك الكاسيت

وربنا يعوضك خير ان شاء الله

الحمد لله انها كاسيت مش حاجه اكبر

**grumby78** · 23-08-2010 09:12 PM

حصلي نفس الموقف من 4 سنين كده وكانت العربيه متغطيه وقعدت ثواني مش مستوعب وراح الكاسيت والسيستم كله ماعدا السماعات والحمد لله كانت الرخص في علبة وش الكاسيت بس ماجاش جنبها ومن ساعتها ركبت انذار ومابشيلش الرخص في العربيه ابدا . هل حضرتك مركب انذار؟

**yassin_samir** · 23-08-2010 09:18 PM

اشترى كاست ابو 100 جنية و حرص بقة مدام الحكاية كدة و هاتلك عصا الدركسيون
و انا شوفت واحد بدون مبالغة حاطط 2 عصايا و احدة تنمع الدركسيون انه يلف و التانيه متوصله بال بننين اقصد بدال البنزين او الدبرياش و عوضك على الله

**maak333** · 23-08-2010 09:31 PM

انا بقي اتسرق مني الكاسيت ساعة اذان المغرب الاسبوع اللي فات والعربية كانت ركنة في شارع التحرير في الدقي جنب الشركة اللي بشتغل فيها لا وايه كسر ازاز الباب وخد الكاسيت وخد مانويل العربية وكتيب الضمان من التابلوه وكمان خد علبة مناديل من علي التابلوه معرفش ليه والعربية فيها انزار ولمبة الانزار باينة وبردو مهموش وسرق بجد حاجة تغيز جدا وتضايق جدا بس الحمدلله عرفت ارجع الكاسيت