رجة في العربية اللادا سمارة 2004 انجكشن عند اول تدويرة في اليوم

**gebreel** · 20-02-2009 11:08 AM

انا معايا لادا سمارة 2004 انجكشن و لاحظت في الفترة الاخيرة ان العربية لما اجي ادورها اول اليوم خالص بتدور ماشي لاكن الrpm بيبقى على اقل من 10 و بتفضل ترج لحد ماتطفي و اعملها مرة كمان مع تزويدة بنزين تدور عادي شكيت في البوجيهات فغيرت الطقم كله مفيش فايدة بردو انا خايف لحسن تكون حاجة في الرشاشات او حاجة
و فيه سؤال تاني الrpm المناسب اللي انقل عليه و ميكونش بقرص على العربية ايه؟ انا بنقل في رينج 3 الى 3.5 بس العربية بيبقى صوتها عالي قوي في الفترة الاخيرة ممكن يكون بسبب الزيت
و شكرا مقدما على الردود

**samirayad** · 20-02-2009 11:21 AM

- أنت راجعت كويس على أتصال كبلات البوجيهات بالبوجيهات نفسها وأطمنت أن مفيش سلك فاصل............

- بالنسبه لسرعة النقل اللى بتنقل عندها فهى كويسه وأنا بأعمل زيك بالضبط............

**gebreel** · 20-02-2009 02:34 PM

شكرا استاذ سمير بس انا بصراحة مكشفتش على الاسلاك دي لان بكل بساطة الميكانيكي غيرهم و قالي كدة تمام و بعد مركبنا البوجيهات و دورت العربية الRPM بتاعها بدأ عالي تقريبا 15 و بعد كدة لما سخنت نزل ل10 و كله تمام لكن مكشفتش على الاسلاك شكرا على ردك السريع

شكراayabooy انا نضفت فلتر الهوا لكن الحساس معرفش فين ده و ازاي انضفه

**samirayad** · 20-02-2009 07:40 PM

أعمل أعادة تأكيد على توصيلات فيش الحساسات.......وأتأكد من جودة الأتصال الأرضى للبطاريه ووحدة التحكم.....وراجع على رباط الأيدل كنترولر وشوف حالة الجوان بتاعه وبرضه أكد على رباط قفيز خرطوم الهواء الواصل من الفلتر لمجمع الهواء ....وشوف النظام الأول......قبل ماتحط العربيه على الأسكانر...........

**gebreel** · 20-02-2009 11:33 PM

شكرا يا جماعة على ردودكم و ان شاء الله احاول اظبطها بس انا عاوز اعرف الكهربائي هو اللي يعملها و لا الميكانيكي؟!

**samirayad** · 21-02-2009 12:00 AM

المشاركة الأصلية كتبت بواسطة superiorboy

شكرا يا جماعة على ردودكم و ان شاء الله احاول اظبطها بس انا عاوز اعرف الكهربائي هو اللي يعملها و لا الميكانيكي؟!

اللى حيراجع على الأتصال الأرضى وتوصيلات الفيش (الكهربائى)......واللى حيراجع على جوان المانيفولد والقفزان بتاعة الهواء وخلافه (الميكانيكى).......وممكن لو كهربائى شاطر يعمل الحاجتين