الموضوع: أمان أمااااااااااااااااااااااا ااااااااااااااااااااااااا ااااااااااااااااان شكرا رينو

المشاركة الأصلية كتبت بواسطة M.Osman

ممممم

صح..
بس دا لأني اتعودت ان ده اللي بيحصل هنا في قسم الداسيا سانديرو

كل ما حد يتلكم او يقول رأيه يلاقي الرد ... (الرد المقنع اوي و الموضوعي) كالتالي:

ان الداسيا سانديرا احسن من الفيرنا اللي انت راكبها...

عشان كدا انا بلوم دكتور شهدي على الللي عمله :))

مش عارف انتوا شايفين إستفزاز فين ؟؟



and for people writing in English.... try reading about the worst sedan in the world first:
JDPower.com | Accent

"Most Dependable Subcompact Car"

استاذ محمد معلش بس علشان الموضوع ده ينتهي لأنو كدة اخد اكبر من حجمو اسمحلي ارد على اسئلة حضرتك
اللي حصل اننا كنا بنتكلم عن تجربة حصلت مع عضو معانا هنا و كنا بنتكلم على الفرامل و عادي جدا حاجة عاجبانا في العربية فبنقولها زي ما قلنا عيوبها قبل كدة 100 مرة دخل الاستاذ شهدي و قال

المشاركة الأصلية كتبت بواسطة ashouhdy

يا جماعة العربية حلوة اوك ماشى بس انت كدة over بزيادة حبة حبتين تلات حبات

ده ردو و حقوا ان يرد و ينقض العربية و احنا مابنمانعش في ده خالص بس هو دخل قال ان كدة over و خلاص و مشي موضحش بس وجهة نظره over من ناحية ايه
و بعدين حضرتك دخلت قلت

المشاركة الأصلية كتبت بواسطة M.Osman

طب استعد للهجوم يا مستر شهدي ...

انت راكب فيرنا و جاي تتكلم على داتشيا سانديرو ؟؟



لقد ارتكبت ذنبا فزيعا !!

اكننا مثلا اللي راكبين فيرنا و يدخلو عندنا بنعلقهم على باب منتدى رينو و خاصة القسم الخاص باللوجان !!! اكيد لأ و اكننا بنقول ان العربية دي مفيهاش غلطة و بنتكلم بعدم موضوعية و ده مش حقيقي

و بعدين استاذ شهدي قال

المشاركة الأصلية كتبت بواسطة ashouhdy

ههههههههههههه انا مش حرد ع ولا رد !!! عشان عارف اللى حيتقال بس العملية كدة افواريت دة انا كنت سايق جيتا 2009 هاى لاين وكبست فرامل من 160 العربية كانت يمين فى شمال لولا ستر ربنا قدرت اكلبش فى الدركسيون

اكيد اللوجان فراملها احسن من الجيتا عشان وقفت من سرعة 175 ل 30 فى خط مستقيم مع كبسة الفرامل !

وكفاية كدة لأحسن انا بقالى يومين بتنرفز فى كل المواضيع !

انا فاكر لما اول م اللوجان نزلت و ايام المقارانات كانت النتيجة محسومة من قبل حتى مأقرى مشاركة واحدة ... وطبعا انت عارف لمين ;-))))

مش هيرد علشان عارف اللي هيتقال طيب اللي هيتقال ده هيتقال علشان ايه مش علشان الهجوم الغير مبرر على العربية بالرغم من اننا مقلناش حاجة مش مظبوطة و مالناش مصلحة في كدة لو مفيش حد اشترى في مصر لوجان مش هتفرق معانا و لو كل مصر اشترتها بردو مش هتفرق معانا و بيشوي ملوش مصلحة في انو يكدب في اي كلمة هو قالها يبقى ليه نتهم واحد منعرفوش بالكدب و الناس اللي في رينو عارفين مين هو بيشوي
اما بالنسبة لموضوع الجيتا فانا وضحت السبب المحتمل للي حصل ده
بالاضافة لان رينو معروفة من زماااااااااان بالامان بتاعها و تقدر تلمس ده في كل عربيات رينو و خش على الEuro NCAP و شوف الRating بتاع عربيات رينو ايه

و بعدين يجي الاستاذ كامتشو و يشكك في شخص بردو ميعرفوش و يتريق و يقول

المشاركة الأصلية كتبت بواسطة kamatsho

انتا متأكد حضرتك انت كنت ماشى على 175 ولــا 75 وانتا كان بيتهيألك ؟؟

زي ما قلت انو ملوش مصلحة في كدة و هو كل اللي عملو انو مشكورا بينقل تجربة حصلت معاه مش اكثر ولا اققل

المشاركة الأصلية كتبت بواسطة kamatsho

Открытый из ваших слов, что автомобили Elvirna дал вам урок слишком жестким на дороге

واضح من كلامك ان عربيات الفيرنا مديالك درس جامد اوى على الطريق


(دى الترجمه . عشان عارف ان حضرتك اكيد مش هتفهم .... اللغه )

هوا كل واحد اخد كورس انجـ ... بـ500 ج فاكر نفسه برفكت ؟؟ ههههههههههه
النبى عربى ... واحنا دارسين اكتر من لغه مش انجلش بس

استاذ كاماتشو معلش اسمحلي اقول لحضرتك حاجة من خلال اكثر من مشاركة قريتها في اكثر من موضوع صادف انهم في نفس اليوم مش معنى اني بجري بالعربية و اعلم على عربيات كثير اعلى مني و اقفل عداد و الكلام ده ان ده يبقى تقييم للعربية من حيث الاداء و الاعتمادية الخ... و مش معناه بردو انو يفرق مع ناس كثير انا كثير يجي جنبي فيرنا لانوس صني و عربيات كثير و يجرو و يشدو و يحرقوا و انا مبيهمنيش بفضل مكمل على نفس سرعتي على حسب الطريق في الاخر العربيات كلها 1600 و في الاخر الطريق ميسمحش باكثر من 120 و تبقى ماشي قلقان من المفاجات اللي في الطريق و زي ما حضرتك قلت ان مش معنى انك اخت كورس بمش عارف كام تبقى برفكت و بالتالي الموضوع ينطبق عليك مش معنى انك عارف لغة احنا مش عارفناه ان ده يبقى مجال للتريقة على شخص اخر ده بالاضافة لأن الرد الانجليزي كان على جملة انجليزي بردو يعني عمرو مش داخل يتمنظر و يتكلم انجليزي و الموضوع كله ماشي عربي

انا مش عاوز حد يزعل مني بس بجد الموضوع كدة بدأ ياخد منعطف تاني خالص و كل الذنب اللي بيشوي عملو هو انو نقل تجربة حصلت معاه ايه الذنب اللي هو عملو علشان كدة

في حين ان لما عضو عمل موضوع بيتكلم فيه على ان العربيات الفيرنا طايرة دايما و قال عليها علبة سردين بردو استاذ شهدي و محمد و كاماتشو دخلو و محبوش حد يتكلم كلمة وحشة على عربياتهم و كان معاكم حق في بعض الكلام اللي اتقال هناك

احنا يا استاذ محمد موضوعيين الحمد لله في مناقشاتنا و بنقول اللي لينا و اللي علينا و مميزات و عيوب العربية و مميزات و عيوب التوكيل من الاخر

احنا مش مستفدين حااااااجة