الموضوع: ارجوكم مساعدة ضرورى جدااااااااااااااااا- اسعار قطع غيار حادثة

مشكومرين جدا يا جماعة على ال 15 مشاهدة و مافيش ولا رد واحد
كل سنة وانتم طيبين

يا باشا انا لسه جاي حالا
حمد لله علي سلامتك ودي اهم حاجة
الاول لازم اعرف انت منين يعني لو انا قلتلك علي الناس اللي بتاعامل معاهم هنا في طنطا وانت من القاهرة مثلا يبقي مشاركتي ملهاش لازمة
يا ريت تقولي مكان الاقامة ولو هنا في طنطا مستعد اجي معاك كمان نشتري كل حاجة سوا
وحمد لله علي سلامتك مرة اخري

مشكورين جداا على المشاركات وكل سنة وانتم طييبين ويتقبل منا ومنكم ان شاء الله
1- استاذ shooter الحمد لله على رجوعك بالسلامة
انا من القاهرة يافندم لكن زى ما قال الاستاذ sekomaro اذا عندك حد فى طنطا ارخص
حيبقى افضل لان الوضع الاقتصادى بتاعى بعد حادثة العربية تازم لانى بصراحة مش وقت خالص تكلفها
و يا سيدى اهو نتشرف بمعرفة حضرتك
2- دكتور محمد كل سنة و حضرتك طيب و الله الموضوع مش مقصود بية تقطيم ولا حاجة وربنا يباركلك فى صيامك ان شاء الله
ومتزعلش يادكتور لو كنت زوتها بس من عشمى مش اكتر وخصوصا انى بعتبر كل اللى بالمنتدى اخوات و اصدقاء
جداا رغم انى معرفتش المنتدى الا من فترة قصيرة لكن حقيقى لقيته منتدى محترم و اعضائة محترمين
والمشركات مش مزعلانى ولا حاجة بس انا سمعت اسعار غريبة جدا وغالية اوى بالنسبة للوضع الاقتصادى الحالى
وانا محتاج اصلح العربية قبل العيد و الفترة دى بتبقى رخمة لان الصنايعية بيبقوا مزنوقين ومزنقنها اوى
دة اللى خلانى( استغرب )عدد المشاهدات و مافيش ردود تدلنى لانى مش عايز اجيب حاجة غالية بدون ما تستحق
فبسال اهل الخبرة
شكرا ليكم مشاركتكم

معلش استفسار يا ابو إياد

اول حاجة انا اسمع ان خلع التامين بيكون حالة الإكصدام اقل من الأستيراد فهل ده صحيح

تاني حاجة ياريت لو تقولنا عناوين او تليفونات خلع التأمين في الحرفيين