الموضوع: ايه رايكو فى كريستاله 99

انا رديت عليك فى المنتدى وهانتواصل هنا اسهل ... انت بتقول اكتر حاجة فى رايك ممكن تجيبها 46 فى التسعير .. وانا رايى ان العربية دى ممكن تجيب 50 مستريح و 52 لو يد واحدة فعلا ومش متهانة ..وفيه ناس بتطلب 55 لما بتكون اتوماتيك بفتحة سقف .. بص التسعير بيكون ليه ظروف حسب البائع ممكن يكون مستعجل مثلا فى البيع لسفر او هايجيب زيرو مثلا لكن مش هاتفرق 4 الاف جنيه لو العربية نضيفة اوى احسن ماتجيب عربية وتلاقى ان فيها عيب تصرف عليه فلوس اكتر .. مادمت نويت تجيب عربية هات اللى تستريح ليها انت وفريق العمل المساعد ومش مهم الفلوس وماتسمعشى كلام حد انه مثلا يقوللك انه انضحك عليك فيها والله العظيم انا وجارى اشترينا فى اسبوع واحد انا ب 50 وهو 47.5 كريستالة اتوماتيك موديل 98 يعنى نظريا انضحك عليا لكن الحمد لله بعد سنة ونص انا عملت 40الف كيلو وصارف حوالى 2500 جم ........... هو صرف مايزيد عن 6 الاف جنيه والاتوماتيك مش مريحه وماعملشى يمكن 10 الاف كيلو والعربية معكننة عليه النهاردة انا لو بعت السعر العادل اللى هااطلبه 52 الف ( عشان انزل بعد الفصال للخمسين ) رغم انها زى ماقلتلك عاملة 270 الف كيلو وهو مستعد يبيع على 46 الف ولو بضغطة شوية يبيع ب 45 الف ....... هو ده الفرق بين عربية وعربية ....... ربنا يوفقك للى فيه الصالح

ده فى واحد عارض على 42 وعاملة 90000 بس وكاتب انها فبريكة جوه وبره واول يد تفتكر كدة فى حاجة مستخبية انا لسه مكلمتوش

انا شفت الاعلان ده من كام يوم على كونتاكت كار وشكيت فيه جدا وان شاء اللهان شاء اللهان شاء اللهان شاء الله اعلم..

مش عارف الكتابة ليه طلعت كدة .. المهم هى حاجة تحير فعلا ومهما كانت الظروف ماينزلشى للسعر ده ابدا

الله ينور عليك يا محمد خميس وارجو ان الاخ بليسبو يكون متابع .. الكلام النهائى لما تعمل فريق عمل محترم من ميكانيكى وسمكرى وتستريح للعربية نفسيا وتروح تكشف عليها كمان فى وجود فريق العمل وتستريح لها ( خش وماتقلقشى ) وفرق الفلوس الزيادة اللى هاتحس انك دفعته زيادة مش هايقلقك النضيف غالى فعلا وياسيدى لو جت فى الفلوس فداك المهم ربنا يوفقك لعربية كويسة وماتنساش الكلمة دى الكريستالة صديقة المطبات لازم تخلى بالك منها اوى وانت سايقها ولو شغلك على طرق طويلة ( كورنيش / دائرى / اوتوستراد ) هاتدعيلى بجد

ده كان ردى لبليسبو فى المنتدى العام :: عربية كويسة جدا طبعا بعد ماتعاين الاساسيات والعفشة والموتور وده بيكون مع سمكرى وميكانيكى او بعض محطات الخدمة زى الوطنية واستريحت لشكلها وان الصالون نضيف والتابلوه مش مشقق هاتظهر العيوب ( لا قدر الله ) بعد الاستخدام ، وتجربتى انى اشتريت كريستالة 98 مانيوال فى ابريل 2009 فابريكة دواخل وراشة برة وعملت بيها حتى الان 40الف كيلو ( رقم كبير لكن ظروف الشغل ) ومجموع اللى عاملاه حتى الان 270 الف كيلو وانا تالت يد المهم فى خلال سنة ونص صرفت فيها الاتى : تغيير كل السيور _ تغيير مروحة التكييف _ تغيير طقم الدبرياج - بطارية - كاوتش وغلطت غلطة انى جبت مقاس 14 والصح انك تجيب 13 طبقا لتعليمات الشركة - المهم انا اشتريتها طبقا لتوصية ميكانيكى جار ليا وهو امين جدا جدا ورغم انى شفت حاجات وقتها ب 44 الف لغاية 48 الف الا انه اقنعنى انها نضيفة جدا جدا وتستاهل الخمسين اللى دفعتهم فيها ( رغم انى وقتها كنت غير راضى لان العداد 230 الف كيلو لكن اكدولى انها سفريات ودى بتريح الموتور ( وكانوا صادقين ) .. انا طولت عليك بس عاوز اقوللك لازم يكون معاك واحد امين جدا جدا واهم حاجة ماتستعجلشى وربنا يوفقك للاصلح على فكرة اللتر معايا بيعمل 13.5 كيلو فى السفر يعنى عربية الله اكبر ولا الزيرو .. اكبر مشكلة فيها انها بالفعل واطية ع الارض وصديقة جدا للمطبات !!! غير كدة انسيابية متزنة بصراحة عربية ليها شخصية ع الطريق
اصنع المعروف فيأهلهوفي غيرأهله , فإن صادفأهلهفهوأهلهوإن لم يصادفأهلهفأنتأهله،،،،