تقليل صوت الموتور

**mostafabakry** · 26-08-2010 04:29 PM

المشاركة الأصلية كتبت بواسطة johnny82

أنا اعرف ان زيت الموتور total ودة خفيف, لو أتغير الصوت اتوقع انة يقل زى زيت ....l او mobil

انا بفكر اعمل كدا استخدم زيت يكون تقيل شوية و اجرب هل الصوت هينعم و لا زي ما هو

انا عامل بالعربية 46000 كم لغاية دلوقتي و بحس بعلو صوت الموتور بعد ال 100 كم/س خصوصا لو التكييف شغال و الكباس محمل علي الموتور محمل
العربية هادية جدا لغاية 100 كم/س و م تسمعش اي صوت و انت جواها و لا هزة و لا ا حاجة ما شاء الله ناس كتير شكرت فيها
بس بعد ال 100 الهدوء اللي في الصالون بيقل شوية و بتسمع صوت الموتور و الصوت بيوصل لذروته عند 3500 ار بي ام و بعدها بيبتدي ينعم من تاني بس بيبقي مسموع في الصالون بس لو انا مشغل الراديو او الكاسيت صوت الموتور مش بيتسمع لكن لو انا سايق في سكون بسمع الموتور و خصوصا و انا ودني حساسة جدا بالذات و انا سايق العربية ببقي مطرطق وداني

انا العربية ما شاء الله عليها مريحاني جدا و كل يوم بحس انها انسب اختيار ليا و الحمدلله ماشفتش منها اي حركة ندالة و انا ملتزم في الصيانات الدورية و بعتني بس نفسي الاقي حل لموضوع صوت الموتور دا غشان تبقي كلمة المعاني

**lastknight** · 28-08-2010 03:27 AM

أنا عامل حوالى 800 كيلو ...الموتور صوته عالى سواء من بره أو فى الصالون ودى نقطة ملحوظة يا جماعة .بس ناوى أسوق فيرنا أو لانوس عشان أقارن خصوصا الصوت من جوه.

**Super_Star_h** · 28-08-2010 10:19 AM

انا بفكر اعمل كدا استخدم زيت يكون تقيل شوية و اجرب هل الصوت هينعم و لا زي ما هو

ابعد عن موبيل نهائيآ ده بيعلى صوت الماتور ومش نضيف
عايز زيت بيقلل فعلآ صوت الماتور
زيت شل ... لانى سمعت فعلآ انه تصنيعه كده تقليل صوت الماتور وتقريبآ بيبقى مكتوب عليه
وانا بستخدم شل 5 الاف وصوت الماتور بيبقى ناعم فعلآ عن موبيل وتوتال والعك ده كله

**Moh_Ibrahim** · 30-08-2010 02:44 PM

المشاركة الأصلية كتبت بواسطة super_star_h

ابعد عن موبيل نهائيآ ده بيعلى صوت الماتور ومش نضيف
عايز زيت بيقلل فعلآ صوت الماتور
زيت شل ... لانى سمعت فعلآ انه تصنيعه كده تقليل صوت الماتور وتقريبآ بيبقى مكتوب عليه
وانا بستخدم شل 5 الاف وصوت الماتور بيبقى ناعم فعلآ عن موبيل وتوتال والعك ده كله

ممكن اعرف هو اسمه ايه بالضبط و بكام و بتجيبه منين اصل انا سامع ان الزيوت بيضربوها دلوقتى

**elsherif_2000** · 30-08-2010 04:00 PM

من المهم جدا عزل الصوت او تقليل كمية الضجيج داخل السيارة ..
لان كل السيارات القديمة ينعدم فيها العزل ومعظم سيارات الفئة المتوسطه الجديده العزل فيها مش كويسنوعا ما وممكن نقسم اسباب الضجيج الناتج داخل العربيه الي سببين رايسيين ..
صوت الضجيج الناتج من الشارع واحتكاك الكاوتش وصوت الضجيج الناتج من الماتور..
والحل لمثل هذه المشكله هو تركيب نظام عزل ,
وهذا النظام يختلف حسب كميه العزل المطلوبه ..
وهو يتكون من مواد عازله للصوت وتلزق في عده اماكن داخل السياره وتحت الكبوت ..
وهذه بعض الصور التوضيحيه :

ويمكن الحصول على الانظمة العازله دي من احد المواقع التاليه :
dynamat.com
او
b-quiet.com
او
cascadeaudio.com

وشركه b-quiet حاطه بعض الامثله لتركيب انظمة العزل الصوتي ف العربيات ..
فمثلا ..

انا عايز اعمل الموضوع ده بس على الكبوت و الشنطة والكرسي الخلفي .. بس مش عارف منين ممكن نجيب المواد المستخدمة.. ف لو حد يعرف ياريت يساعدنا .. وبفكر اطلبها اونلاين ..
http://www.nilemotors.net/Nile/38400-a.html#post409156

**elsherif_2000** · 30-08-2010 04:01 PM

ياااااااااااااريت كنت صورت وعملت الموضوع دى بس انا عملتة من سنتين كدى قبل ما اشترك فى المنتدى الجميل دى
انا عزلت الابواب والارضبة بس (عملت الموضوع من الاول الاخر بأيدى)
نفس نوع العازل اللى فى الصورة دة جبتة من عند بتوع مستلازمات السروجية لة وش فوم والوش التانى سلفر
1 الابواب سمك العازل 1/2 سم خفيف مش فاكر السعر وبيتلزق بلكلة
2 الارضية نفس نوع الابواب بس سمكة 2سم تخين للدواسات ولارضية بلكامل (بلكامل) (والاحسن هو اللباد التخين عامل زى البطنية وسعر المتر 30 جنية 2متر كفاية اوى للارضية والصدر)
كان ناقص خلف التبلوة والسقف والشنطة بس كسلت علشان فك التبلوة والسقف صعب ولازم كهربائى ووقت كبير
ودى الصورة الوحيدة اللى عندى دى الباب الامامى بعد العزل

هذه الصورة بحجم اخر انقر هنا لعرض الصورة بالشكل الصحيح ابعاد الصورة هي 1280x960 الابعاد 230KB.

http://www.nilemotors.net/Nile/38400-a-3.html

**fox198626** · 30-08-2010 06:00 PM

فعلا عزل صوت المتور حاجه ممكنه جدا...
وتحديدا حاجه إسمها hoodliner بتتحط تحت الكابوت
ودى موجوده على الموقع الحطه الأستاذ elsherif_2000 ب 110 $ وأدى اللينك
Hoodliner
ومع العلم اللوجان معزوله تمام...هو عزل الماتور بس المش تمام...والدليل لما تقفل الشبك وتشغل التكييف الصوت بيبقى هادىء جدا

**elsherif_2000** · 31-08-2010 02:43 PM

ايه يا جماعة مش هانجرب الموضوع دة ؟؟؟؟؟؟؟

**zkralla** · 31-08-2010 05:08 PM

المشاركة الأصلية كتبت بواسطة fox198626

فعلا عزل صوت المتور حاجه ممكنه جدا...
وتحديدا حاجه إسمها hoodliner بتتحط تحت الكابوت
ودى موجوده على الموقع الحطه الأستاذ elsherif_2000 ب 110 $ وأدى اللينك
hoodliner
ومع العلم اللوجان معزوله تمام...هو عزل الماتور بس المش تمام...والدليل لما تقفل الشبك وتشغل التكييف الصوت بيبقى هادىء جدا

+11111111111
عزل العربيه فوق الممتاز
انت جوه العربيه قاف القزاز مش سامع حاجه خالص من الى بره لا صوت ماتور ولا صوت قنابل
لو فاتح القزاز
صوت الماتور برضه مش مسموع
لو بره العربيه بتسمع صوت الماتور
الى عاوز عزل الماتور عشان لما يطلع بره هو ده الحاجه الوحيده الى ليها لازمه ولو انه بالنسبه ليه مش ممكن ادفع 700 ولا 800 جنيه عشان لما اقف جمب العربيه ما اسمعش صوت الماتور