فلتر رياضي للصني..

**Ahmed.TV** · 27-08-2010 11:30 PM

تركيب فلتر رياضى عمره حيضر بالعكس ده بيزود قوة العربية فعلا ولكن بيكون على حساب اشياء اخرى , يعنى حتلاقى استهلاك البنزين بقا زاد
وعلى العموم فى موضوعات قديمة فى المنتدى مش فاكر قرتها فين حدور عليها واجبهلكم عشان تقرؤها

**SeaShark** · 28-08-2010 08:24 PM

هنا في كل حاجة عن الفلتر الرياضي

http://www.nilemotors.net/Nile/109141-a.html

**Bishoy.Girgis** · 28-08-2010 09:29 PM

المشاركة الأصلية كتبت بواسطة mk682

هنا في كل حاجة عن الفلتر الرياضي

http://www.nilemotors.net/Nile/109141-a.html

اولا الف الف شكر يا استاذ mk682 علي تعبك في الحصول علي اللينك و اللي انا لاحظته فعلا و ده رايي الشخصي فقط ان موضوع الفلتر الرياضي فاشل جدا في العربية و ده للاسباب اللي اقتبستها من موضوع اللينك و هو ...

بالنسبة لأستهلاك البنزين ::::

المشاركة الأصلية كتبت بواسطة M_Nabil

لو بتحرق على النقلات وبتعدى الـ 4000 rpm و بتمشى سرعات عالية الاستهلاك هيزيد انما لو بتمشى عادى مش هيزيد وممكن يحسن الاستهلاك.

بالنسبة لعزم العربية جوا و خارج البلد :::

المشاركة الأصلية كتبت بواسطة MMamdouh

كتمة الهوا فى المنافولد بتساعد لعى توليد عزم دوران فى السرعات القليلة لكن على سرعات عالية المكنة مبتعرفش تتنفس كويس

لما بتركب الفلتر الرياضى العزم بيقل سنة على لفات قليلة لكن فى اللفات العالية المكنة بتفوق اوى
اذا من هنا يتضح انك لو بتسوق دايما على لفات قليلة و فى زحام و بتحتاج اكتر للعزم على لفات قليلة (سواقة جوة المدينة من الاخر يعنى) يبقى الفلتر حيخليك مش مبسوط من العربية... لكن لو انت بتمشى على طرق مفتوحة او دايا لفات موتورك عالية فا الفلتر حيفوق العربية جدا
MMamdouh

بصراحة انا جمعت الخلاصة بقدر الامكان عشان يبقي الموضوع اكتمل فيه جزئية كبيرة

**mony10** · 29-08-2010 02:57 PM

المشاركة الأصلية كتبت بواسطة peaceman

انا عن نفسي يا استاذ mony10 شايف ان العربية النيسان عمرها ما خزلتني ابدا ابدا علي الطريق اياً كان بتستجيب معاك فور ما تدوس علي دواسة الاكسلاتير و علي العموم جرب و قولنا و لو الموضوع طلع كويس و مش هيضر العربية في حاجه يبقي انت ضفتيلنا معلومة ممكن نستفيد بيها بعد كدا و شكرا

تخيل لو انك لما تدوس على دواسة البنزين تلاقي استجابة العربيه زادت معاك حوالي 30% يبقى احسن ولا لأ وعل العموم هو فلتر شغال زي الفلتر الاصلي للعربيه بس بيزود نسبة الهوا اللي داخل لغرفة الحرق و عيبه انه بيتوسخ بسرعه جدا ولازم يتنضف كل شويه او يتغير وانا مهمل جدا في الجزئيه دي علشان كدا مركبتوش

**Ahmed.TV** · 30-08-2010 03:07 AM

انا معاك ان فعلا بيعطى عزم شديد جدا لهواة الحرق والشد بس حيكون على حساب حاجات اخرى

وده لينك مهم بردوا عن الفلتر

http://www.nilemotors.net/Nile/309-a.html

افضل نوع معروف جدا وبيعطى حرق صح ومقاوم للحرارة هو k&n

وكمان عشان تاخد منه شغل صح يبقا لازم تغيره البوجيهات كمان وكان فى عضو معانا اسمه مروان قالى الكلام ده ايام ما كنت عاوز اشترى نيو اكسنت ومش فاكر اسم البوجيهات والله اللى كان قايلى عليها

بس موضوع تزويد الاحصنة وتركيب فلتر ياضى وتاخد منه شغل صح يبقا يتعمل صح الصح

**bmya** · 30-08-2010 03:54 AM

طيب انا هقول تجربتي في تركيب الفلتر الاسبور بس مش للصني لكن للعربيه التانيه دايهاتسو سيريون 2008 1300 سي سي اتوماتيك
نوع الفلتر k&n متوصل على ماسوره كاوتش مش استانلس وده بيقلل من قدره الفلتر

Uploaded with ImageShack.us

طبعا التسارع انا حسيته زاد خصوصا في الطلعه الاولى او السرعات تحت ال 100
الفلتر ملوش اي صوت وانت ماشي طالما ال rpm معداش ال 3000 لفه بعد ال 3000 يبدأ الصوت يظهر وصوته لذيذ اوي وتحب تسمعه كتيير وده اللي بيخليك تقرص على العربيه كتير
البنزين محستش بأي فارق في استهلاك البنزين !! الا لو بدأت اقرص على العربيه فوق ال 4000 ار بي ام وده طبيعي ان الاستهلاك للبنزين يزيد حتى لو مركب الفلتر الاستوك بتاع العربيه لما تقرص عليها جامد
الحاجه اللي تخلي الناس تحس ان الفلتر زود الاستهلاك هي ان صوته لذيذ بتخلي الشباب ترص كتيير بزياده عشان تسمع الصوت الرياضي وبكده الاستهلاك بيزيد لكن الفلتر الاستوك ملوش صوت فمحدش بيقرص على العربيه غير في احالات الطبيعيه مش عمال على بطال يعني بس كده

انا ركبته بتاع شهر وشلته
لان انا الجو عندي تراب بغبااااااااااااء وخوفت يأثر على الموتور دي وسوسه مني معرفش صحتها ايه

عيوبه انك بتحب تسمع الصوت كتير فبتفتري على العربيه (تفصيل + وشد مع ناس عمال على بطال )