اعتقد والله اعلم مش هتخرج عن حاجتين
اما عاملة حادثة ومركبة ربع خلفى (لا قدر الله)
او المطبات
ممكن تكون العفشة مثلا ناشفة شوية او المساعدين خفيفة او اخدت مطب عنيف شوية خلت الصاج ينثنى بالشكل دة
اعتقد والله اعلم مش هتخرج عن حاجتين
اما عاملة حادثة ومركبة ربع خلفى (لا قدر الله)
او المطبات
ممكن تكون العفشة مثلا ناشفة شوية او المساعدين خفيفة او اخدت مطب عنيف شوية خلت الصاج ينثنى بالشكل دة
بجد حاجة غريبة جدا جدا و تحير !!!
و ازاي موجودين بنفس الشكل علي الناحيتيين كدا !!
السلام عليكم و رحمة الله و بركاته
المطبات ممكن فعلا تعمل كده ,و فى الناحيتين , بس مش هيبقى فى نفس المكان بالمللى كده , أدام فى نفس المكان , يبقى هيه خارجة من المطنع كده و الأخ الفاضل صاحب العربية ماخدش باله منها و هو بيستلم :120146b:120146b.
على العموم , اللى هيقدر يفصل فى الموضوع ده:3_3_102[1]: , هيبقى التوكيل بس مش أى حد تانى .
مازيراتى كواتروبورتيه
اعرضها علي سمكري بره التوكيل ممكن يكون المساعدين الخلفي محملين علي حاجه غلط والمطبات عملت كدا
رحت التوكيل امبارح وشافها مهندس السمكره وكان مستغرب منها جدا وما قاليش ممكن يكون سببها ايه
دخلت لمهندس الضمان وهو راجل محترم وسمعنا بكل ترحيب قعدت معاه حوالي ساعه وقالي انهم فعلا لما رحتلهم من 4 شهور صوروها وبعتو تقرير لليابان ولسه لغاية دلوقتي مفيش رد !!!!!!
قلتله ازاي يعني 4 شهور ومفيش رد ؟؟؟؟؟؟ قال عشان الحاله دي فرديه وهما لازم يدرسوها كويس اوي قبل مايردو خصوصا ان الحاله دي ما اتسجلتش عندهم قبل كده وانها حاجه مش مؤثره عن الامان او الاداء عشان كده بيدوها وقتها !!!!!
وقال ان فيه مهندس من التوكيل ( تقريبا مسؤول عن خدمة مابعد البيع او حاجه كده ) في اليابان دلوقتي ولما يرجع هو اللي هيرد عليا عن التصرف اللي هيحصل وده خلال اسبوعين ( قبل العيد )
خلاصة الكلام ... انهم واقفين معايا ومهتمين بالموضوع وعايزين يعرفو العيب ده سببه ايه ( اتمنى فعلا يكون فيه اهتمام حقيقي عشان واضح كده ان ده عيب صناعه وانا مش هسكت عن حقي )
فيه بقى تفسيرات من مهندسي التوكيل ( مجرد توقعات ) لسبب العيب ده ... ممكن يكون عيب في استامبت الرفرف نفسه وهو بيتعمل ( لكن في الحاله دي العيب هيكون في ناحيه واحده صعب يبقى في الناحيتين الا لو انا منحوس هههه )
وممكن تكون العربيه اتحشرت ( اتضغطت من الجناب ) وهي في المصنع قبل ما تترش
عموما انا مستني ردهم وربنا يقدم اللي فيه الخير
بالمناسبه انا عملت امبارح صيانة ال 20 الف كم
والتوكيل امبارح كان زفت من الاخر وكل الناس بتتخانق معاهم
ماحدش هناك فاهم كويس في العربيه
مفتاح الزجاج الكهربا قدام يمين كان مش شغال من ناحية السواق .. ما اتصلحش .. لما سالت قالو انه عايز يتغير ومش موجود دلوقتي والله اعلم هييجي امتى
علبة الدركسيون فيها صوت تخبيط في المدقات والشوارع المكسره جربوها وقالو عادي عشان باور كهربا هي تصميمها كده
اللي رجلش الفرامل رجلشها بغباء .. الهاند بريك بقت تقيله جدا
العربيه خارجه مشحمه من بره وجوه
على بال ما العربيه خلصت كان الباشا المحاسب روح بيته ... قام مهندس الاستقبال هو اللي محاسبني ... تخيلو اني ماخدتش وصل بالفلوس ولا خدت فاتوره ؟؟؟؟؟؟؟؟؟ كتبلي على صورة امر الشغل انه استلم مني 550 جنيه تمن صيانة 20 الف ومضى
كل اللي اتعمل فيها تغيير زيت وفلتر وتيل فرامل امامي وتربيط عفشه .. كتر خيرهم .. وواخدين مصنعية 220 جنيه
على فكره انا جبت تيل الفرامل من بره ... اصلي من توكيل سوزوكي في الكويت ... ب 340 جنيه ... في التوكيل ب 600 جنيه بالضريبه ... من شهرين كان ب 750 جنيه من غير الضريبه !!!!!!!!
حسبي الله ونعم الوكيل والحمدلله على كل حال
يا جماعه التوكيل كلموني اول امبارح ... مهندس الضمان
بيقولي ان المهندس اللي كان في اليابان بيقول ان سوززوكي اليابان ماسجلوش اي حاله تانيه زي حالة عربيتي وحاليا بيعملو سيرش عشان لو فيه حالات تانيه ... وماقالوش رد بخصوص السبب او طريقة الاصلاح
لكن هما في التوكيل عايزين يحلوا المشكله دي من نفسهم
فيه اقتراحين :
1- انهم يغيروا الرفرفين الخلفيين باتنين جداد نفس اللون ؟؟
او
2- يعالجو المشكله دي من غير مايفكو الرفارف ( سمكره ورش ) !!
والمهندس بيقول ان من رأيه بينصحني بالحل التاني عشان هيكون اسهل من فك الرفارف وتغييرهم وهياخد وقت اقل
-------
دلوقتي يا جماعه عايز نصيحتكم اتصرف ازاي ... وعندي كذا استفسار
1- هل الرفارف الخلفيه ممكن فكهم وتغييرهم عادي كده زي الرفارف الاماميه من غير قص في اجزاء تانيه ؟؟؟؟؟
2- هل السمكره والرش لجزء زي ده مش هيعيب العربيه و اخسر لما ابيعها ؟؟؟؟؟
3- الحل الاول افضل ولا التاني ؟؟؟؟
4- المهندس بيأكدلي ان المشكله في الصاج فقط ومفيش اي مشكله في الشاسيه او العفشه ... أتاكد ازاي من صحة الكلام ده واتاكد ازاي ان العربيه مش عامله حادثه عندهم قبل كده ؟؟؟؟
5- هل لو اخترت حل من الحلول المقترحه دي ... مش من حقي اخد عربيه بديله اثناء وجود عربيتي عندهم للاصلاح خصوصا ان شكلها هتاخد وقت مش اقل من اسبوع ؟؟؟؟؟ ومش من حقي اطلب تعويض في حالة السمكره والرش لأنها هتسببلي خساره عند اعادة البيع ؟؟؟؟؟
---------
المفروض ارد عليهم بعد العيد ان شاء الله
اسف للاطاله
كل سنه وانتو طيبين يا جماعه
كلو مشغول بكحك العيد ولا السنه دي مافيهاش كحك اصلا :120105~352:
اللى اعرفه ان الرفرف يتغير احسن لانه هايكون فابريكة وفى نفس الوقت تغيير الرفارف فى العربيات دى بيكون بمسامير او كلبسات يعنى بدون لحامات انما لو سمكرت ورشيت عمرها ما هاترجع اصلى