بص يااحمد الموقع دة بتاع(جهاز حماية المستهللك) فية كل المعلومات
ط¬ظ‡ط§ط² ط.ظ…ط§ظٹظ‡ ط§ظ„ظ…ط³طھظ‡ظ„ظƒ
بص يااحمد الموقع دة بتاع(جهاز حماية المستهللك) فية كل المعلومات
ط¬ظ‡ط§ط² ط.ظ…ط§ظٹظ‡ ط§ظ„ظ…ط³طھظ‡ظ„ظƒ
احمد باشا كل سنة وانت طيب أخبارك ايه يا زعيم يارب تكون بخير ان شاء الله .
عايز اجيبلك خبر يفرحك
المهم يا سيدي وانا مروح امبارح وماشي فوق كوبري 15 مايو لقيت عربية أخت عربيتك لونها نبيتي المهم بصيت على المنطقة اللي المفروض اننا متوقعين انها عيب والمفاجأة لقيت نفس العصب اللي موجود عندك في عربيتك بالضبط وانا متذكر تماما يوم ما قابلتك وقلتلك عليه المهم انا مقتنعتش قلت انا ههدي سرعني واجي ناحية الجنب التاني من العربية وكانت المفاجأة لقيت نفس العصب بردو في نفس المكان يعني الحز او العصب ده على الجنبين وبنفس الطول ونفس الشكل بالضبط زي عربيتك .
وحاولت اطلع الموبايل عشان اصور العربية واطمنك بس للأسف الدنيا كانت زحمة اوي ومعرفتش أصور خالص
انا عايز بئة تحط في بطنك بطيخة صيفي كده وتستمتع بعربيتك وتتأكد بعد اللي انا شفتو ده انو أعتقد والله أعلم كانت حاجة مقصودة في العربية وفي الموديلات الأحدث من عربيتك بعد كده شالوها لأن حسوا ان ملهاش منظر يعني .. والله أعلم بس انا بطمنك شفت عربية تانية فيها نفس اللي عندك ده بالملي
وليك تحياتي
السلام عليكم و رحمة الله و بركاته
أنا آسف لأنى كنت منقطع عن متابعةموضوعك لمدة 3 أسابيع اللى هى مدة الايقاف ,بس انا كان عندى حل تانى ممكن تقترحه على التوكيل و تشوف ايه اللى هما هيقولوهولك:
أدام العربية طالعة من التوكيل و أدام العيب عيب مصنع و ادام أنت كنت شارى العربية عالزيرو , ممكن تتفاوض معاهم على الآتى :
أنهم يبعتولك من اليابان بودى ( كورسليه ) نفس لون عربيتك و عليه نفس رقم الشاسية بتاع عربيتك , زى أى قطعة غيار بتيجى من المصنع فى اليابان للتوكيل هنا فى مصر و فى التوكيل , كل المطلوب أنهم يفكوا كل اللى فى عربيتك بمافيهم الموتور و يركبوه فى الكورسليه الجديد و خلاص و كفاية أنك مش هتطلب تغيير العربية بواحدة جديدة لأن ده لو كان حصل فى أى دولة تانية محترمة , كانوا ادوا للعميل عربية تانية جديدة و تعويض و فوقهم بوسة كمان !!!!!!
و ده هيكون حل وسط و مريح ليك و للشركة لأنك هتحل المشكلة و العيب اللى مضايقك فى عربيتك و فى نفس الوقت هتكون وفرت على الشركة عربية جديدة .
قوللهم كده و شوفهم هيردوا عليك بايه و أنت مش خسران حاجة at all .
مازيراتى كواتروبورتيه
الف شكر يوسف باشا تاعبك معايا ... ربنا يباركلك :satelite:
ازيك يا محمد باشا اخبارك ايه
اول امبارح قابلت واحد معاه عربيه اخت عربيتي سيلفر 2009 وماكنش فيها العيب ده خالص ... بس هو اكيد هيكون موجود في عربيات تانيه عشان مش معقول ابقى الحاله الوحيده في العالم اللي كده :ma: بس هو قالي ان مش معقول تكون خرجت من المصنع كده لأن مهما كان العربيه ياباني وفيه كواليتي كونترول والعربيه قبل ماتخرج لازم بتتفحص كويس خصوصا انه عيب ظاهر بالعين المجرده مش حاجه ميكانيكيه ولا الكترونيه لكن ممكن الصاج كان فيه مشكله ظهرت مع الوقت ... هو نصحني ابعت بنفسي ايميل لسوزوكي اليابان بالصور واستنى عليهم شهر ولا حاجه لو مفيش رد يبقى اشتكي في حماية المستهلك .. وده غالبا اللي هعمله ان شاء الله
ربنا يكرمك ويباركلك على اهتمامك ده :ask:
عليكم السلام ورحمة الله وبركاته
اولا .. حمد الله على سلامتك للمنتدى ..
الحقيقه انا مش مستوعب الاقتراح بتاعك ( معلش انا على قدي في العربيات ) عمري ماسمعت عن حد عمل اللي بتقوله ده
وبعدين ده انا غيرت تيل الفرامل في التوكيل والله لغاية النهارده حاسس انهم مركبينه غلط وعايز اروح للميكانيكي يشيك عليه ... ازاي بقى هغامر انهم يجمعولي العربيه من اول وجديد !!! ولما بغير زيت وفلتر بقعد عندهم نص يوم ... هياخدو وقت قد ايه بقى عشان يعملو القصه دي على كده هستلمها السنه الجايه :ma:
عموما ربنا يقدم اللي فيه الخير ... لو قدرت اطلع منهم بتعويض مادي هيكون ده افضل الحلول عشان نتجنب المثل اللي بيقول جه يكحلها عماها