زيت الفتيس الللي محيرني

**nice_bird** · 25-08-2010 02:36 PM

عربيتي عملت 50000 كيلو ولم يتم تغيير زيت الفتيس (لانسر 1600 اوتوماتيك) انا من سوهاج ومفيش توكيل قريب اغير فية زيت الفتيس والاعضاء حذروني من اني اغير زيت للفتيس غير في التوكيل فهل في بديل مجرب او زيت معين اغيرو زي موبيل او شيل ولا هتعملي مشاكل في الفتيس... وهل ممكن اشتري الزيت الاصلي من مكان غير التوكيل واغيرو في سوهاج...........

**hesham22822** · 25-08-2010 02:51 PM

+++++111111

**Adham** · 25-08-2010 03:06 PM

ماتقلقش انا برضة مغير زيت اللانسر برة التوكيل (بيتغير على 40 الف كيلو) عادي مش محتاج غير ميكانيكي نضيف و فاهم او عامل في محطة بنزين برضة فاهم و يكون بيغير للعربيات دي كتير

تشتري زيت من محطة و ماتشتريش ابدا من محل زيوت علشان معظمها بتبيع زيوت مضروبة و متعبية تحت السلم

تجيب زيت : شل دوناكس (علبة سوداء و عليها تكت اخضر و صناعه كندي)
او ترانس ماكس من محطات امارات مصر
او موبيل

و يلزم ان السيارة تكون سخنة و ماشية مشوار كويس

و العربية مبطلة يتم تفضية الزيت من الطبة التحتانية و لما يفضى خال تقفل الطبة كويس

يتم تزويد الزيت من الفتحة العلوية (حوالي 4 ليترات مش متذكر بصراحه) حتى يكون منسوب الزيت على العلامة العلوية في المقياس

اقفل الفتحه العلوية و دور السيارة و سخنها شوية و بعدين حرك السيلكتور من ال باركنج لل 1 مرورا بكل غيار و تقف في كل غيار 10 ثواني

قيس الزيت تاني و السيارة دايرة

لو ناقص زود شوية

و اوعي تخللي الزيت فوق الماكسمم

**nice_bird** · 26-08-2010 03:00 AM

الف شكر ليك يا استاذ ادهم وانا نويت اغير موبيل او شيل دوناكس بس هل اغيرو كل اربعين بعد كدا ولا ايه ؟

**Adham** · 26-08-2010 11:01 AM

ايوة كل اربعين الف كيلو متر و تقيس كل 5000 مثلا

**SeKoMaRo** · 27-08-2010 04:12 PM

المشاركة الأصلية كتبت بواسطة adham

ايوة كل اربعين الف كيلو متر و تقيس كل 5000 مثلا

اقيس ايه بالضبط ؟؟

**Adham** · 27-08-2010 04:21 PM

تقيس زيت الفتيس

علشان تطمن انة تمام و مافيش اي تسريب

لان لو حصل تسريب من خرطوم تبريد الزيت او من جوان او غيرة حايبقى انت بتضحي بالفتيس

**SeKoMaRo** · 27-08-2010 05:02 PM

طب انا شارى العربية عاملة 90 الف كيلو
اعرف منين الزيت اتغير ولا لأ ؟؟

**Adham** · 27-08-2010 05:09 PM

تغيرة اضمن لو كان متغير مش حايضر في شيء

زي لما بتشتري عربية مش بتغير كل اليوت و السيور و الفلاتر بجديد علشان تبقى متطمن, الا لو اللي اشتريت منة كان بيصين في التوكيل و ادالك فواتير و هيستوري الصيانة بالمستندات

و ممكن تشوف لونة لو احمر فاتح يبقى جديد ولو غامق يبقى مستهلك بس مش مضمونة لانة ممكن يبقى فاتح و يكون بقالة ال 90 الف كيلو لو الاستعمال نضيف من غير اهلاك في الفتيس

و العكس صحيح