اصعب قرار ومش هاتعرف تختار!. Honda Civic 92_(Vs)_Bmw E30

**bob12345** · 14-09-2010 05:48 PM

اكمل و لا كفاية

**cOrn** · 14-09-2010 05:53 PM

No Comment

**i_Am_Legend** · 14-09-2010 06:01 PM

طيب...كلنا عارفين ان الناس بدأت تتجه للأتوماتيك بسبب الزحمة المشهودة_طيب_هانقارن مابين العربيتين من ناحية الفتيس الأوتوماتيك- مين اقل اعطال_اسرع فى الاستجابة_إعتمادى_تكنولوجي ا اعلى لمين_عدد النقلات_الصوت والنعومة_العزم فى الطلعات والغرز والتحميل_انا خايف بى ام تخسر فى النقطة دى_لانى سمعت عن فتيس الهوندا.

**SAMEH_FOUAD** · 15-09-2010 12:33 AM

المشاركة الأصلية كتبت بواسطة bob12345

متهيالى انا فى كل مرة بقولك يعنى اية اسم بى ام دبليو وعارف كويس مقارنة بتبقى فيها بى ام دبليو ببقى متاكد ان 99% منها محسومة للبى ام دبليو

بس انا هاقولك حاجة انت لية ماردتش على سباق الM6 والNSX

ودية بردة مع الAUDI RS4

YouTube - Honda NSX-R vs Audi RS4

حضرتك جايب صور للفئة الثالثة مقابل السيفيك

ماشى معاك ان الفئة الثالثة تحفة بس لو حضرتك ركبتها هتلاقى :

1: السيارة ضيقة جدا من الخلف مقارنة بالسيفيك

2: ماتور السيفيك اقوى سواء ال1600 , 1800 , 2000 سى سى وكفاية ان ماتورها بيخرج 197 حصان من ماتور 2000 سى سى القوة دية عشان تخرج من ماتور بى ام دبليو لازم ماتور 3000 سى سى

3: السيفيك تكييفها اقوى

4: اوفر فى استهلاك الوقود

5: قطع غيارها ارخص فى مقابل انها معمرة جدا وكفاية انها السيارة اليابانية الوحيدة التى لاتجدها عطلانة على الطريق الا بعد .........( يدينى ويديك طولة العمر )

لو جينا لنقاط التفوق للبى ام دبليو

1: صاج اقوى

2: عوامل امان اكتر

3: فرامل احسن

4: رفاهية وخامات مستخدمة افضل من الهوندا بس لو بصيت على البى ام المصرى هتلاقى الهوندا احسن بكتير لان مافيش 316 غير عندنا احنا بس حتى ماتورها قديم بيخرج بس 115 حصان طبعا حرام جدا على وزن العربية دة

عرفت لية السيفيك تكسب البى ام 316 بالرغم من وجود امكانيات ورفاهية فى البى ام اعلى من السيفيك

كفاية كدة ونخلص العربيتين دول وننتقل للفئة الخامسة والاكورد

**ahmedsadek82** · 15-09-2010 02:23 AM

المشاركة الأصلية كتبت بواسطة EgyptianTune

لا تعليق وحسبى الله ونعم الوكيل - مقارنة لا تصلح وعمرى ما شفتها فى أى حته فى الدنيا

اضم صوتي لصوتك ....بي ام لا تقارن بأقل من مرسيدس و أودي !!!!!!!!!!!!!!!!!!!!!!!!!!!!!!!!!!!!!!

.......قالك اكورد و الفئة الخامسة

.....يانهار اسودددددددددد

**PoweRPassioN** · 15-09-2010 03:00 AM

المشاركة الأصلية كتبت بواسطة semsem kane

الصراحة انا ركبت البى ام 2002 مش بحس بقوة الثبات غير فى العربية عندى

وفعلا السياراتين حلوين جدا ودية ليها نقاط ضعف وقوة كذلك الهوندا

معلش مع احترامي..
انت متحيز جدااااااااااااااااااااااا ااااااا
دا كلام يا راجل !!!!!!!!!!!!!!!

**bob12345** · 15-09-2010 03:32 AM

المشاركة الأصلية كتبت بواسطة semsem kane

متهيالى انا فى كل مرة بقولك يعنى اية اسم بى ام دبليو وعارف كويس مقارنة بتبقى فيها بى ام دبليو ببقى متاكد ان 99% منها محسومة للبى ام دبليو

بس انا هاقولك حاجة انت لية ماردتش على سباق الm6 والnsx

ودية بردة مع الaudi rs4

youtube - honda nsx-r vs audi rs4

حضرتك جايب صور للفئة الثالثة مقابل السيفيك

ماشى معاك ان الفئة الثالثة تحفة بس لو حضرتك ركبتها هتلاقى :

1: السيارة ضيقة جدا من الخلف مقارنة بالسيفيك

2: ماتور السيفيك اقوى سواء ال1600 , 1800 , 2000 سى سى وكفاية ان ماتورها بيخرج 197 حصان من ماتور 2000 سى سى القوة دية عشان تخرج من ماتور بى ام دبليو لازم ماتور 3000 سى سى

3: السيفيك تكييفها اقوى

4: اوفر فى استهلاك الوقود

5: قطع غيارها ارخص فى مقابل انها معمرة جدا وكفاية انها السيارة اليابانية الوحيدة التى لاتجدها عطلانة على الطريق الا بعد .........( يدينى ويديك طولة العمر )

لو جينا لنقاط التفوق للبى ام دبليو

1: صاج اقوى

2: عوامل امان اكتر

3: فرامل احسن

4: رفاهية وخامات مستخدمة افضل من الهوندا بس لو بصيت على البى ام المصرى هتلاقى الهوندا احسن بكتير لان مافيش 316 غير عندنا احنا بس حتى ماتورها قديم بيخرج بس 115 حصان طبعا حرام جدا على وزن العربية دة

عرفت لية السيفيك تكسب البى ام 316 بالرغم من وجود امكانيات ورفاهية فى البى ام اعلى من السيفيك

كفاية كدة ونخلص العربيتين دول وننتقل للفئة الخامسة والاكورد

ياباشا انا لقيت الموضوع تحول من المقارنة مابين ال اي 30 الي بداية من 82 ل 90
مع الهوندا سيفيك 92 للمقارنة مابين بي ام كبراند و هوندا
يابشا البي ام و المرسيديس و الاودي دول ناس لوحدهم
بينفسهم سعات الكديلاك و اللكزس و الانفينتي الجاجوار
حتي لو سعات في بعض من الموديلات من المركات دي
ممكن تكون احسن في بعض النقاط الكمال لله وحده
بس بتفضل البي ام و المرسيديس ليهم مكانتهم
الهوندا حلوة كعربية اعتمادية متوسطة السعر
بتعمل مواتير كويسة علي عيني و علي راسي
لكن تكون من الكبار و سيارة احلام ده صعب
كل واحد و تخصصه و اعتقد رئيس هوندا نفسه مش هيقول انه بينافس
بي ام او ان السيفك بتقارن مع الفئة ال 3
مش بعيد يكون عنده بي ام فئة 7 اصلا
السيفك من فئة الكورولا و لانسر و الالنترا و السيراتو و الفوكس و الجيتا
لكن الفئة 3 و السي كلاس و الاودي ايه 4
حتي لو الحجم متقارب او في تفوق من ناحية لكن دي ناس
ودي ناس تانية خالص
مش محتاج اخش علي فئات تانية زي الاكورد
لان بردو الاكورد الفئة بتعتها الكامري و التيما و الفورد فيوجن والسوناتا و الباسات و الناس الحلوة دي

**i_Am_Legend** · 15-09-2010 03:49 AM

سمسم_انا مش عارف فى ايه_الناس الى دخلت فى الأخر_بتقول كلام غريب جدا_يا جماعةا انا احب اوضح_المنافسة بين بى أم دبليو_أى ثرتى_موديل 90_وهوندا سيفيك_موديل93_ولا جبنا سيرة_كورولا ولا لانسر ولا سيفيك 2010_احنا بنتكلم على عربيتين سعرهم فى السوق زى بعض-والناس بتتجنن لما بتيجى تشترى.ومابيعرفوش يختاروا لأن ال2 يهبلوا ويجننوا.

**i_Am_Legend** · 15-09-2010 03:57 AM

المشاركة الأصلية كتبت بواسطة egyptiantune

لا تعليق وحسبى الله ونعم الوكيل - مقارنة لا تصلح وعمرى ما شفتها فى أى حته فى الدنيا

حضرتك بتدعى علينا ليه_وبعدين_احنا فاهمين كويس احنا بنقول ايه_والمقارنة دى كانت لازم تتعمل من زمان.لانك بتقارن ما بين احسن عربيتين متاحين بالتمن دة فى مصر_نفس التمن يجبلك عربية كورى لو تحب.

الموضوع: اصعب قرار ومش هاتعرف تختار!. Honda Civic 92_(Vs)_Bmw E30

LinkBack

أدوات الموضوع

عرض

-

-

-

-

-

-

المواضيع المتشابهه

اصعب قرار_ومش هاتعرف تختار!Peugeot 405_Vs_Fiat Tempra.ايطاليا_Vs_فرنسا.

أصعب قرار!ومش هاتعرف تختار!..سيفيك 92 vs فيكتراا a&b....

أصعب قرار!ومش هاتعرف تختار!.بروتون ويرا 2000_vs_لانسر بطة_فرق 8 سنين ونفس السعر!

اصعب قرار ومش هاتعرف تختار!.. بيجو 205_رينو 5سوبر سينيك_ريتمو ريجاتا85...

أصعب قرار!ومش هاتعرف تختار!... سيفيك vs كريستالة....

الكلمات الدلالية لهذا الموضوع

المفضلات

المفضلات

ضوابط المشاركة