الموضوع: اصعب قرار ومش هاتعرف تختار!. Honda Civic 92_(Vs)_Bmw E30

المشاركة الأصلية كتبت بواسطة semsem kane

معلش ياباشا انت شكلك كارهة اوى اليابانى وبالذات الهوندا بس انا هرد على مشاركتك فى :

1: مافيش حد فينا بيحاول يثبت انة صح انا بنقول اللى للعربية واللى عليها ومافيش عربية كاملة

2: مافيش حد بيفهم اكتر من كل الناس فى العالم ولا حد حاول يثبت دة ممكن ترجع للمشاركات وتتاكد

3: شراء عربية رخيصة ( ماعتقدش ان الهوندا يتقال عليها رخيصة عربية على كلامك زى الsir بتبدأ من 55 الف الى 60 الف مبلغ مش هين انت مش جايب عربية ب10,000 جنية وبتقومها

4: ماتور عفى علية الزمن : معلش ياباشا انت ماتورك موديل 2010 وبتيربو وبيخرج 170 حصان بس
تخيل بقى ماتور اقدم منك وقوتة 170 حصان وبدون تيربو ( ابقى سلملى على التكنولوجيا )

5: B16a اول انتاجة سنة 1988 الى 1991 الجيل الاول وقوتة 160 حصان بس بدون تيربو , الجيل التانى بدأ من سنة 1992 الى1998 بقى بيخرج 170 حصان ( كويس فية تطور اهوة ) كل دة 1600 سى سى
وبعد كدة b16b بيخرج 185 حصان من ماتور بردة 1600 , ثم b18c بيخرج 200 حصان من ماتور 1800 سى سى

واضح فعلا انها مواتير عفى عليها الزمن , وتوقفت انتاجها , والشركة مش عارفة تطور الماتور , اصل اللى عمله فقد الذاكرة بعد ماعمل الماتور عشان كدة مش عارفين يطوروة

6: هو مين اللى كل يوم يروح الحرفيين الهوندا اكيد لأ طبعا الهوندا موديل 92-95 اعتمادية اكتر من اى عربية موجودة زى حال كل الهوندا

ومين اللى يسوى واللى مايسواش كل واحد لية ميكانيكى بيتعامل معاة واغلبيتهم شغالين فى التوكيل , عشان يقدروا يشتغلوا فى الهوندا
على الاقل احسن من انى اكون تحت رحمة التوكيل ويدفعنى اسعار مالهاش لازمة وقطع غيار مش محتاجة تتغير بيغيروها

معلش اركب هوندا وانت تعرف كلامى

لاتعليق خلص الكلام بس اللى أقدر أقولهولك إن عربيتى البيجو rc ممكن بيها أطلع منك بالنقلة الخلفية

المشاركة الأصلية كتبت بواسطة semsem kane

حضرتك واثق من الكلام دة هههههههه

عموما انا من اربع شهور كدة عربيتك دخلت القائمة بتاعتى وهية اة ادائها شديد والمنافسة كانت شديدة جدا بس بردة بعد ال160 انا اللى فرقت بمسافة قليلة لحد ماجيبت 210 والطريق وقف

حضرتك ممكن تجرى بالريفرس مع اى عربية تانية بس ماتقلقش لو لقيت البوابة مكان العداد

انت كدة اثبتلى فعلا انك عمرك ماركبت هوندا عموما وSiR خصوصا عشان لو ركبتها عمرك ماكنت هتقول كدة

أولاً واضح من الكلام إنى بأهزر

ثانياً اللى طلعت منه ده يبقى سواق مش عربيتى (يعنى عيب سواق) وأظن إنت عارف يعنى إيه سواق فاهم عربيتة كويس .

ثالثاً أنا بأشترى عربيات أوروبى فقط بقالى أكتر من 20 سنة (يعنى خبرة والحمد لله)

رابعاً أنا ما بشتريش يابانى وعمرى ما أفكر حتى أشترية لو ببلاش لأنى مش مستغنى عن فلوس وعمرى .

خامساً ما فيش SIR Stock فى مصر فمش كل واحد سقطله موتور فى عربية بقالها 20 سنه يقول أنا راكب SIR

المشاركة الأصلية كتبت بواسطة otefa

دي حتي الهوندا راحت عليها من زمان وأكبر مثال للقياس السوق الأمريكي

كل ماركة ليها إحترامها ومحبيها وعاشقيها ما فيش مشكلة فى كده
لكن اللى يعمل مقارنات ما بين ماركتين عمرهم ما ينفعوا يتنافسوا مع بعض فى كل الدنيا (مدرستين مختلفتين تماما ، مدرسة بتصنع بتكنولوجيا وخامات عفى عليها الزمن ومدرسة بتطور مواتير وتكنولوجيا كل 5 سنين) وكل الماركات الأوروبية هتلاقيها نفس المدرسة بالظبط مع إختلاف الشرايح

يعنى الماركات الأوروبى مثلا ما ينفعش أقارن Audi A3 مع Golf 6 و ما ينفعش أقارن Jetta مع Audi A4 مع إنهم من نفس مجموعة VAG لأنهم شرايح سعرية مختلفة لأن جودة الخامات والإسم مختلف مع إن المواتير واحدة لكن العربية مش موتور بس (يا رب الناس تفهم)

لكن ممكن أقارن ال BMW 1 Series مع Audi A3 وينفع أقارن Audi A4 مع BMW 3 Series

المشاركة الأصلية كتبت بواسطة egyptiantune

كل ماركة ليها إحترامها ومحبيها وعاشقيها ما فيش مشكلة فى كده
لكن اللى يعمل مقارنات ما بين ماركتين عمرهم ما ينفعوا يتنافسوا مع بعض فى كل الدنيا (مدرستين مختلفتين تماما ، مدرسة بتصنع بتكنولوجيا وخامات عفى عليها الزمن ومدرسة بتطور مواتير وتكنولوجيا كل 5 سنين) وكل الماركات الأوروبية هتلاقيها نفس المدرسة بالظبط مع إختلاف الشرايح

يعنى الماركات الأوروبى مثلا ما ينفعش أقارن audi a3 مع golf 6 و ما ينفعش أقارن jetta مع audi a4 مع إنهم من نفس مجموعة vag لأنهم شرايح سعرية مختلفة لأن جودة الخامات والإسم مختلف مع إن المواتير واحدة لكن العربية مش موتور بس (يا رب الناس تفهم)

لكن ممكن أقارن ال bmw 1 series مع audi a3 وينفع أقارن audi a4 مع bmw 3 series

+111 اخيرا !!! يا ساتر !!! روح شوف بقى فى قسم المقارنات اللى بيقارن audi a8 ب bmw 3 series مش عارف اقول اية بجد