الشاريد 1997 عربية تستحق التحية

**hossam_abdallah** · 25-08-2010 04:07 PM

كل سنة وانتم طيبين ومن ربنا قريبين
أنا كنت من مدة كتبت ان الدايهاتسو عربيات مش حلوة واني حاغير عربيتي الشاريد 97 وفعلا عرضتها للبيع وجالي لها زباين كتير وناس جادة جدا وكانوا حايخلصوا في حدود مانا طالب بس معرفش ليه حسيت انه لأ واني لازم ادي عربيتي دي فرصة تانية وفعلا خليتها و بجد اثبتت الايام انها عربية محترمة وبقيت مقدرش استغني عنها
هي 1300 سيدان كاملة اوتوماتيك وبانصح اي حد بيدور علي مستعمل يحظ الشاريد 97 أو 96 في اعتباره ومش حيندم فعلا

**amrseba** · 25-08-2010 04:56 PM

طب ليه اصلا مكنتش عاجباك فى الاول و لما ادتها فرصه عجبتك ايه الى عجبك و ايه الى معجبكش

**refoo** · 25-08-2010 06:31 PM

المشاركة الأصلية كتبت بواسطة amrseba

طب ليه اصلا مكنتش عاجباك فى الاول و لما ادتها فرصه عجبتك ايه الى عجبك و ايه الى معجبكش

**slim_shika** · 25-08-2010 08:57 PM

مستني التفاصيل.

**hossam_abdallah** · 26-08-2010 12:50 AM

بصوا ياجماعة
أنا كان معايا قبلها رينو ميجان موديل 2000 وكنت بحبها جدا بس للأسف الشديد اخدت عين وحشة قضتن عليها واضطريت ابيعها بسبب اسعار قطع الغيار وبعدين عجبتني حالة العربية دي بس بعد ما جبتها الناس كرهتني فيها و ايه ده؟؟ دي صغيرة اوي الله يرحم الميجان والكلام اللي ينرفز ده
المهم...
العربية كانت محتاجة وش نظافة لأنها اصلا سوداء اللون وأنا كنت مشغول ومينفعش اوقفها واقعد من غير عربية فقلت ابيعها وخلاص واجيب حاجة كبيرة وفعلا بدأت أدور لغاية ماجالها كذا زبون وأي حد بيجي يشوفها كانت بتعجبه فقلت أصبر عليها شوية وفعلا في يوم الزجاج الكهربا علق مني و روحت للسمكري بتاعي عشان مش فاضي اروح للكهربائي وسيبتها له يعمل هو الزجاج وروحت الشغل وفجأة قررت اديها وش الدوكو وفعلا طلعت كالزيرو وغيرت لها 2 رومان بلي أماي العربية رجعت زيرو
نيجي للمميزات و العيوب....
العيوب أولا:
- الاوتوماتيك عموما غبي شوية خصوصا لو كنت دكتور زي العبد لله وبتنزل كتير علي تليفون وعاوز تلحق مريض لأن زيت الاوتوماتيك لازم ياخد وقته ويسخن
- الثبات مش زي الميجان طبعا وده كان مضايقني جدا (هي أحسن كتير من الدايو والاكسنت بس مش نص الميجان حتي)
- صغر العربية الخارجي بيخلي الناس متفهمش دي ايه وبيقلل من قيمتها واحترامها من الاحوة سائقي المشروع (مرة بأدي كلاكس لسواق مشروع قعد يضحك)
المميزات:
- عربية ناعمة جدا
- حجمها لطيف أوي للسائق بتتركن في اي حتة و واسعة من جوة وشنطتها كبيرة
- مفيش حرارة
- قطع غيار معمرة
- عربية مش متعبة يكفي انها معايا من اكتوبر اللي فات ولحد دلوقتي معملتش فيا فصل بايخ
- موتورها سهل جدا مش معقدة اي عيل صغير يقدر يصلحها
يارب مكنش طولت عليكم وكل سنة وانتم طيبين وشكرا علي الاهتمام

**mohamed_rhem** · 26-08-2010 10:38 AM

مشكور علي النصيحة

ربنا يديك خيرها ويكفيك شرها

**hossam_abdallah** · 17-09-2010 10:39 PM

أنا قبل ما اجيبها سألت واحد بتاع قطع غيار صاحب والدي وبنتعامل معاه من حوالي 12 سنة وهو محل مشهور في اسكندرية (الشريف لقطع الغيار) وقال قطع غيارها متوفرة وفعلا جبت تيل فرامل ب 75 جنيه و 2 رومان بلي ب 110 الواحد يعني اسعارها كمان معقولة بالنسبة للياباني وبعدين انتشارها معقول ع فكرة لأن في وقتها دي كانت غالية جداااا بالنسبة للاكسيل الزيرو ف طبيعي مش حتبقي في انتشار الاكسيل بس موجودة الميكانيكية بيفهموا فيها وعارفينها عادي

**x100** · 18-09-2010 03:17 PM

انت ابن حلال والله انا معروض عليا عربية زيها النهاردة كاملة مانيول بس هى اسعارها كام

**hossam_abdallah** · 19-09-2010 02:21 AM

بص ياباشا ده علي حسب الحالة وهل هي 1000 ولا 1300 بس المانيوال مش بتزيد عن ال 30 الي 32 علي حسب الحالة وربنا يوفقك واسف علي التأخير بس ظروف الشغل والله

-

الموضوع: الشاريد 1997 عربية تستحق التحية

LinkBack

أدوات الموضوع

عرض

-

-

-

-

-

المواضيع المتشابهه

من قسم اخبار السيارات اسماء تستحق التحية

فن غير عادي ، بجد تستحق التحية

camaro hpe 700 2010 بجد عربية تستحق انك تشوفها

الياريس بعد حدثة الموت والجرار اثبتت انها عربية تستحق الاحترام فى عوامل الامان

الكلمات الدلالية لهذا الموضوع

المفضلات

المفضلات

ضوابط المشاركة