الياريس بعد حدثة الموت والجرار اثبتت انها عربية تستحق الاحترام فى عوامل الامان

**body** · 22-12-2008 11:43 PM

السلام عليكم ورحمة الله وبركاتة

ياجماعة نصيحة من اخوكم اللى شاف الموت بعينة انا وواحد صاحبي جرار زراعى اتقلب والعربية طلعت عالحديدة اللى وراة
والعربية ادمرت وربنا يعوض عليا واجيب اللى احسن منها طول مالواحد ماشى على رجلة وسليم بتوفيق ربنا

بعد كل احترامى على اللى اتقال عالياريس وانها عربية معدل الامان بتاعة 0 اقولة بعد احترامى انت مابتفهمش حاجة
واللى مش مصدقنى يجى يصور العربية وهو هيقول الناس كلها بتستغرب ازاى ان انا وصاحبي طلعنا

لولا الايرباج والامان فالعربية دى بعد ستر ربنا كنت زمانى ميت والله
اتوكلو على الله وهاتو الياريس ومش مشكلة غالية غالية عوامل الامان اللى فيها بجد بسم الله ماشاء الله
وربنا يسترها معاكوا جميعاً ويحرصكم ويرجعكو بيتكو بسلام وفى امان الله

**Rsarabia** · 23-12-2008 12:01 AM

الحمد لله انك بخير دا اهم حاجة و مين قال ان عوامل الامان فيها ضعيفة بالعكس الامان فى اليارس عالى جدا و اعلى من عربيات كتير جدا لها اسم فى السوق

**أبو كنوز** · 23-12-2008 12:26 AM

حمدلله علي سلامتك إنت و صاحبك و فداك أي شي

**محمد ابراهيم 1** · 23-12-2008 12:27 AM

الحمد لله على سلامتك وربنا يعوض عليك

**ame85red** · 23-12-2008 12:28 AM

انا نفس الكلام حصلى حادثه موت باليارس صدام من قدام بشجره ومقطوره من ورا العربيه طبعا ادمرت تماما بس الحمد لله وبفضل عوامل الامان فى العربيه دى الحمد لله نزلت منها سليم هى فعلا عربيه محترمه

**funnylolo** · 23-12-2008 01:13 AM

الحمد لله سبحان من بيخرجنا و يمشينا في شوارع مصر و يرجعنا بيتنا بسلام :)

**ouba2** · 23-12-2008 01:21 AM

الف حمدا لله علي سلامتك و مش مهم العربية

**pharonicking** · 23-12-2008 01:45 AM

حمدالله عالسلامة
اليارس طبعا عربية محترمة قوى"""
اليابانى يابانى"

**mosayed** · 23-12-2008 01:48 AM

الحمد لله الكريم العظيم الرحمن الرحيم على السلامة لك و لصاحبك و هذا خير كبير و قضاء اهون من قضاء و ان شاء الله رب العالمين سوف يعوضك خيرا عنها ان شاء الله

**mahamedaraby** · 23-12-2008 01:53 AM

اولا حمد لله على السلامه وربنا يعوض عليك

ثانيا مش عارف ليه وانا بشوف الموضوع افتكرت فيلم محمد هيندى بتاع جاءنا البيان التالى لما ميرفت وعلاء عملوا حادثه بالاتوبيس والناس كلهم ماتوا الا هما ولما اتكلم علاء وعمل اعلان قال انصح اى شاب ان هو يحب يعمل حاثه يبقى يشرب قبلها باور فاملى

اتوكلو على الله وهاتو الياريس ومش مشكلة غالية غالية عوامل الامان اللى فيها بجد بسم الله ماشاء الله

الموضوع: الياريس بعد حدثة الموت والجرار اثبتت انها عربية تستحق الاحترام فى عوامل الامان

LinkBack

أدوات الموضوع

عرض

-

-

-

-

-

المواضيع المتشابهه

‏ ‏a113‏ فرامل تستحق الاحترام ‏

فعلا الالنترا تستحق الاحترام...

السيده دي تستحق الاحترام - سيدة التمبرا

الكلمات الدلالية لهذا الموضوع

المفضلات

المفضلات

ضوابط المشاركة