هل دهان السيارة byd f3 رديء حقاً ؟

**ابو ياسمين** · 31-08-2010 08:34 PM

المشاركة الأصلية كتبت بواسطة mmmmgogommmm

hguالعزيز ابو جيسى تحياتى واسف لانى لم ارى رد سيادتك الا الان ولكناعجبنى اعجبنى اعجبنى تعليقك وتحليلك لسيارات الانوس والافيو والسؤال يوجة للسائل مرة اخرى--------- اذاكان مبا الجودة مقابل النقود هو مبدا عادل لاخلاف علية فاين الجودة فى سيارات ذات محرك 8 صباب لم يعد ينتج فى اى سيارة --واين الجودة فى انظمة فرامل عقيمة-------- -واين الجودة فى معدلات استهلاك بنزين تصل 160/170 كيلو فى الصفيحة- كيف ادفع نقود مقابل تكنولوجيا عام1994فى عام 2010 بهدوء شديد اوئيد وجهة نظر ابو جيسى

أخى الفاضل .. أشكرك لأهتمامك بالرد .. وقد أوجزت ولكنك أحطت بأهم ما فى الأمر .. وأسعدنى أتفاقنا فى وجهات النظر .. وبارك الله فيك ..

**x512** · 08-09-2010 10:12 PM

و الله بص...انا هقولك اللي شوفتو بعيني في المصنع...هو الناس بتحاول تعمل اللي عليها بس خط الدهان بدائي شويه في بعض مراحله..و اسواء مرحله هي الFinish لان لو في عيب خطير و ظاهر مراحش بالبوليش ولا بالصنفره...بيشيلو الدهان و البرايمير مكان العيب و ريجعو يصنفرو الصاج ثم يرشو برايمر و دهان تاني مكان العيب و طبعا دا شغل ورش و بيبوظ الفابريكه بتاع الدهان...بس للامانه دا مبيحصلش في كل العربيات(عني 1من 10 مثلا)...وهما بيحاولو علي قد ميقدرو علاج العيوب بعد خروج السياره من خط الدهان عن طريق البوليش و التسخين و السحق...و برضو بعد ما العربيه تخلص خاااااالص في منطقه اسمها الاوزي في المصنع دي بيعالجو فيها ايي خربشه او حك في جسم السياره...و علي الفكره ال BYD بتندهن هي و اللادا في نفس الخط...ومع ذلك الBYD بتخرج بعيوب دهان اقل من اللادا معرفش ليه..بس كنت بحسها انضف..فانت و حظك و انت بتشتري...ممكن تقع في عربيه كويسه و ممكن تبقي وحشه لكن مش الكل سيء..انت بس دقق قوي في الدهان و بصلو من قريب و من بعييد..و حاول الاضاءه و اللمعان ميضحكوش عليك و يخفو العيوب...يعني حاول تدقق علي قد متقدر...بس هي عربيه ممتازه بالنسبه لسعرها

**elmanahry** · 08-09-2010 11:36 PM

انا هقولك اللي شوفتو بعيني في المصنع

بصراحة اول مرة اشوف شاهد شاف حاجة اشكرك جدا على التعليق ولكن نفسى اعرف شئ ماهى الطريقة المثلى لدهان السيارة الزيرو فى المصنع عندما كنت ارى فيلما عن دهان سيارة اوربيه مشهورة فوجئت ان عامل يرش السيارة وكان الامور تتم فى ورشة مع انى توقعت ان روبوت يقوم بهذه المهمة اريد ان يعرفنى احد ماذا تفعل الشركات الكبيرة فى موضوع دهانات السيارة المنتجة زيرو

**x512** · 09-09-2010 05:54 AM

المشاركة الأصلية كتبت بواسطة elmanahry

انا هقولك اللي شوفتو بعيني في المصنع

بصراحة اول مرة اشوف شاهد شاف حاجة اشكرك جدا على التعليق ولكن نفسى اعرف شئ ماهى الطريقة المثلى لدهان السيارة الزيرو فى المصنع عندما كنت ارى فيلما عن دهان سيارة اوربيه مشهورة فوجئت ان عامل يرش السيارة وكان الامور تتم فى ورشة مع انى توقعت ان روبوت يقوم بهذه المهمة اريد ان يعرفنى احد ماذا تفعل الشركات الكبيرة فى موضوع دهانات السيارة المنتجة زيرو

بص حضرتك ...كون ان عامل بيرش السياره او روبوت دا مش هيفرق كتيير قوي في الدقه و جوده الدهان...انما بيفرق اكتر في الوقت و التكلفه اللي علي المصنع...الروبوتات دي غاليه جدا جداااا..فاما شركه زي الامل تجيبها يبقي بيقضي علي نفسو...لانو لو قعد طول عمره يبيع العربيات اللي ب 60 الف عمرو ما هيجيب تمن روبوت او 2..و اعتقد ان مصانع بي ام و مرسيدس اللي في مصر هنا مفهاش روبوتات برضو..دا مجرد تخمين.....
هي بتفرق في حاجه اسمها Elbow دا حضرتك لما بيجيو يرشو طبقه فسفات علي العربيه عشان الصدأ و كدا في مصانع فقيره شويه زي بتاع شركه الامل بييرشو من خلال رشاشات Nozzles_ انما في المصانع الغنيه و دا حضرتك ممكن تشوفو علي اليو تيوب هتلاقيه بيغطس العربيه كلها في حووض كبيير هو دا ال Elbow و دا بيضمن ان العربيا تتشبع بالفوسفات....كذلك برضو البرايمر..في BYD عامل بيرشو..انما في المصانع المتطوره العربيه بتتغطس في البو .... الفكره كلها ان العامل لو عليه ذره تراب هتتطاير في غرفه الرش و ممكن تلزق علي العربيه و بتبان في النهاااايه خالص في صوره بروز في الدهان يمسي Dirt و دا هو احد عيبوب الدهان اللي بيعالجوها كما سبق ذكره في الرد السابق...فهو موضوع اللي بيرش روبوت او عامل دا مش هيفرق قوي ...قد وجود البو ودا موجود في مصر هنا في الجنرال موتورز و بي ام و مرسيدس...و اي استفسار انا تحت امر حضرتك..انا عرفت المعلومات دي من خلال فتره تدريبي في مصنع ال BYD لمده شهر لان انا هندسه قسم ميكانيكا