الموضوع: لماذا نايل موتورز (خاص بالعضوات)

بسكوتي المميزة دايما مميزة بموضوعاتك....

-كيف تعرفتى على نايل موتورز ؟

معرفتي للمنتدى كانت من خلال جوزي كان بيدور على سيارة فكنت اقرأ معه مواضيع السيارات




-ما سبب انضمامك للمنتدى ؟
انضمامي كانت رغبة شديدة مني اني اعرف سر تعلق وانشغال جوزي بالمنتدى اللي كان من وجهة نظري منتدى متل باقي المنتديات رغم اني مالي بالسيارات بس طريقة طرح المواضيع في اقسام السيارات وبالذات نيسان طبعا انا متحيزة بتخليكي تندمجي معاهم وتحبي اتابعي معهم..وطبعا مش حنسى بعد مقابلة فايد والجو الاسري والمحبة اللي لقيتها بين الاعضاء حسستني انه القصة مش قصة مصلحة بتاخديها وبتطلعي لا الموضوع طلع اكبر من هيك انك تعطي معلومة وتساعدي غيرك من غير مقابل الا بس انك تفيدي غيرك وتكسبي مجموعة اخوة واخوات
اعتقد ساعتها الموضوع بيستاهل انك تنضمي لنايل موتورز



-ما سبب استمرارك وتفاعلك المستمر فى المنتدى ؟

استمراري معكم خلاص صار قضاء وقدر وبالذات انه احمد ناويين نجيب تؤام يسميهم نايل وموتورز

طبعا المواضيع المميزة هي اللي بتجبرك اتك تردي وتتفاعلي وفي مواضيع بتكتفي بقراءتها.. بس بشكل عام في سر في الانتساب للمنتدى مجرد ما تنتسبي بتحسي انه الموضوع اتحول لادمان ولازم تدخلي يوميا اكتر من مرة بس تشوفي شو في جديد
وانا والله لولا ظروف النت عندي في الهرم كان لقيتي تواجدي اكتر من هيك



-ماهو انطباعك لوجودك فى منتدى معظم اعضاؤه من الرجال ؟

انا لاحظت هون ما في اي تمييز عنصري بمعنى الموضوع بينفتح بيتشارك الجميع بالحوار باسلوب راقي .. وما تنسي انه في منا بنات بيسوقوا ومن حقهم يدخلوا ويستفسروا و ويستفيدوا من خبرات الاعضاء ...وهدا الشي ما اعطاني اي احساس بان اي وحدة فينا راح تكون منتقدة في موقع للسيارات



-ما هو افضل الاقسام من وجهة نظرك ؟

المنتدى العام حلو لانه بتعرفي من خلاله الشغلات الجديدة اللي بتحصل واحنا مو دارين عنها...
وطبعا قسم نيسان لازم اكون ع دراية بسيارة الغالي
والمنتدى الاجتماعي بس في المواضيع الهادفة مو اي موضوع سطحي



-ماهى اقتراحاتك لتطوير المنتدى ؟

طبعا اكيد بتقصدي اي اقتراح بس يكون بعيد عن اقتراح انشاء قسم خاص للبنااااااات
طبعا بمزح... لانه احنا بنلعب ع ارضهم..
ما حقدر اقولك اقتراح معين بس بتمنى اعضاء كل قسم انهم يتكاتفوا بانهم ييطرحوا افكار لتطوير اقسامهم ووينفذوها تحت مظلة الادارة طبعا واذا اتحقق هدا الشي انا واثقة انه المنتدى راح يبقى له شكل جديد تماما