رمضان كريم
و أنت طيبة يا جميل و بصحة وخير وسلامة
بما اننا عضوات فى منتدى نايل موتورز للسيارات
وحيث ان معظم المهتمين بهذا المجال من الرجال
ونحن قلة قليلة مقارنة بهم
وده طبعا واضح بالارقام
اتمنى منكن مشاركتى فى هذا الاجابة على هذه الاستفسارات البسيطة
لمزيد من التعارف على اسباب اهتمامنا بهذا المجال
_
_
_
-كيف تعرفتى على نايل موتورز ؟
تعرفت عليه وأنا بدور على أسعار السيارات و على عربية صغيرة أتعلم عليها
-ما سبب انضمامك للمنتدى ؟
عشان أعرف أعمل مشاركة واستفسر من الزملاء عن الفروق بين بعض الموديلات و ايه اللى يناسبنى
-ما سبب استمرارك وتفاعلك المستمر فى المنتدى ؟
تقريبا فى مغناطيس هنا فى نايل موتورز كل اللى بيقرب منه بيلزق ، أنا حاولت أحلل ليه نايل موتورز مع أنى ما بحبش المنتديات عموما ولا الشات على النت
بس حقيقى إدارة نايل موتورز سر تميزه ودا مش نفاق والله
هنا فى قواعد سليمة لا تسمح بالانحطاط و الإنحراف وفى مساحة من الحرية والإختلاف فى حدود الإحترام المتبادل ، و التزام وعدالة فى تطبيق القواعد و الجزاءات على الأعضاء
كمان روح الإدارة فى إشاعة مبادئ التعاون و الترابط و التكافل بين الأعضاء فى حدود المسموح و تشجيع اعمال الخير خلق روح من المودة والرحمة الناس محرومة منها
-ماهو انطباعك لوجودك فى منتدى معظم اعضاؤه من الرجال ؟
لما بيكون فى احترام وحدود مفيش مشكلة والرجالة معانا فى البيت والشغل و الشارع وهما أباءنا وأخواتنا و زملاءنا و اولادنا إن شاء الله
-ما هو افضل الاقسام من وجهة نظرك ؟
كل الأقسام حلوة لكن الاجتماعى له طابع خاص جدا تحسى فيه بالرحرحه كدا وإنك مع اخواتك فى البيت ، والتعليمى والمقارنات والبيع و الشراء مفيدين جدا
-ماهى اقتراحاتك لتطوير المنتدى ؟
كان نفسى يكون فيه قسم ثقافى لزيادة الوعى والمعرفة و يكون فى القسم دا مواضيع هادفة و مناقشات تزيد من تبادل الخبرات فى التخصصات المختلفة بين الأعضاء
المفضلات