اولا كل سنه و انتي طيبه
و كان نفسي جدا اتعرف عليكي لما كنت في الاسكندريه و نعمل مقابله سريعه جدا بس يالا خيرها في غيرها ان شاء الله
-كيف تعرفتى على نايل موتورز ؟
انا اشتركت في كذا منتدي للسيارات في بداية بحثي عن عربية مستعملة و ما عجبني اي منتدي اخر غير نايل موتورز و موقع اخر فقط و اتعرفت عليه من خلال بحثي في النت
-ما سبب انضمامك للمنتدى ؟
زي ما قلت علشان عايزه عربيه مستعمله و لاني بدور عليها لوحدي و لاني اول مره اشتري مستعمل كان لازم اسال اهل الخبره و فيه كتييير ساعدوني هنا جدا جزاهم الله كل خير
و البحث مازال مستمر ادعولي بئي الاقي عربيه جين تو حلوه :)
-ما سبب استمرارك وتفاعلك المستمر فى المنتدى ؟
المنتدي ما شاء الله اعضائه متعاونين جدا جدا جدا و محترمين كلهم و كمان ادارة المنتدي بالرغم من ان البعض ممكن يشوف انها قوانينهم جامدة و فيه كتير بياخدوا وقف لكن انا في راي ان دا سبب ان ما فيه اي شئ ممكن يضايق اي سيدة انها تشترك في منتدي مختلط
مع العلم ان انا مشاركه في ادارة منتدي نسائي فقط مشاركة الرجال فيه جدا قليله و عمري ما حاولت اني اشترك في منتدي مختلط لما فيه من مخالفات فظيعه و دا اللي ما لقيته في نايل متورز
بالعكس هنا الكل محترم و بيعاملوا السيدات كانهم اخواتهم
-ماهو انطباعك لوجودك فى منتدى معظم اعضاؤه من الرجال ؟
اكيد لازم يكون فيه حدود سواء من العضوات او الاعضاء و يكون التعامل بناء علي الاحترام و الفائدة المتبادله و الحمد لله دا متوفر هنا في المنتدي
يعني انا لما احتجت لنقاش كتبت هنا موضوع و فيه كذا اخ فاضل ارسلولي نمر نقاشين و اتصلت بواحد منهم و اهو شغال دلوئتي في الشقه الحمد لله و لما بحب استفر عن اي عربيه قبل ما استقر علي الجين تو كان لو سالت اي عضو الصراحه كلهم محترمين و ما كانوا بيتأخروا ابدا
-ما هو افضل الاقسام من وجهة نظرك ؟
قسمي المفضل طبعا البيع و الشراء و اللي استفدت منه جدا ازاي اشتري عربيه مستعمله لاني زي ما قلت دي اول مره و كان قسم الفيات لما كنت بفكر في الفيات بونتو بس دلوئتي طبعا بئي قسمي المفضل هو برتون لاني دوبت في حب الجين تو و ادعولي بئي الاقي عربيه حالتها كويسه و يكون لوننها اسود
-ماهى اقتراحاتك لتطوير المنتدى ؟
نفسي العضوات يكونوا اكتر لاني اتعرفت هنا علي عضوات رائعات منهم اللي شوفتهم زي نور القمر و ايس و اسراء و نور علي نور و زوجة استاذ كريم منير و كنزي زوجة الاستاذ احمد تي في و منهم الي كلمتهم في التليفون فقط زيك انتي يا بسكوته و كمان مسلمه و ان شاء الله اشوفكم قريبا
و بالنسبه للتطوير مافيش حاجه في دماغي محدده بس بالنسبه لي انا شخصيا نفسي اعرف اي عطل في العربيه بمجرد ان اسمع الصوت او اي تغير في العربيه مش اقعد اسال و يا يطلع صح او غلط
بس كده :)
المفضلات