أغير الزيت كل أد ايه حيروني ؟؟؟

**msaleh_353** · 26-08-2010 02:38 AM

يا شباب أنا بحط زيت موبيل الأبيض اللي هو أبو 65 جنيه الميكانيكي قاللي أنزله علي ال 1500 بتاع الزيوت قاللي لأ كتير نزله علي 800 بالكتير 1000 وبقيت بعمل كدة فعلا ..
امبارح رحت أغير زيت بس المرة دي في بنزينه موبيل المهم جبت الزيت من عندهم ووأنا بتكلم مع المسؤل عن البنزينه قاللي انت لاقي فلوسك ولا ايه الزيت ده مينزلش أقل من 1500 وممكن 2000 كمان ايه الصح أفيدوني بالله عليكم

**karimfahmy99** · 26-08-2010 05:09 AM

عوامل تغير الزيت بعد اد اية دى تختلف من عربية لعربية . بمعنى حالة موتور العربية اية ؟ و ايضا طبعا على نوع الزيت المستخدم . ياريت لو توضح اكتر حالة موتور العربية اية ؟ عاملة كام موديل كام عشان نفيدك اكتر

**walidadel81** · 26-08-2010 05:27 AM

المشاركة الأصلية كتبت بواسطة msaleh_353

يا شباب أنا بحط زيت موبيل الأبيض اللي هو أبو 65 جنيه الميكانيكي قاللي أنزله علي ال 1500 بتاع الزيوت قاللي لأ كتير نزله علي 800 بالكتير 1000 وبقيت بعمل كدة فعلا ..
امبارح رحت أغير زيت بس المرة دي في بنزينه موبيل المهم جبت الزيت من عندهم ووأنا بتكلم مع المسؤل عن البنزينه قاللي انت لاقي فلوسك ولا ايه الزيت ده مينزلش أقل من 1500 وممكن 2000 كمان ايه الصح أفيدوني بالله عليكم

انا كنت بستخدم الزيت ده وكان كل الناس بتقول 1500 بس انا كنت بنزله علي2500 وكنت عارف انه انه غلط بس انا كنت بعمل 2500 بالاسبوعين بالكتير اوي بعدها عرفت من الزملاء هنا بالمنتدي علي زيت فيسكو وبصراحه جربته وعجبني اوي بالذات ان صوت العربيه هدي كتير وكمان سعره حلو يعني لودفعت 80 بتكلفه غيار الزيت علي زيت بيقعد معاك 10000 كيلو وجودته ممتازه يبقي شي ممتاز جدااا طبعا انصحك تجربه مش هتخسر حاجه بالذات لان الزيت اللي بتسال عنه بالالف كيلو بتلاقي انه للزوجه بتاعته ضعيفه جداا

**karimfahmy99** · 26-08-2010 05:44 AM

المشاركة الأصلية كتبت بواسطة walidadel81

انا كنت بستخدم الزيت ده وكان كل الناس بتقول 1500 بس انا كنت بنزله علي2500 وكنت عارف انه انه غلط بس انا كنت بعمل 2500 بالاسبوعين بالكتير اوي بعدها عرفت من الزملاء هنا بالمنتدي علي زيت فيسكو وبصراحه جربته وعجبني اوي بالذات ان صوت العربيه هدي كتير وكمان سعره حلو يعني لودفعت 80 بتكلفه غيار الزيت علي زيت بيقعد معاك 10000 كيلو وجودته ممتازه يبقي شي ممتاز جدااا طبعا انصحك تجربه مش هتخسر حاجه بالذات لان الزيت اللي بتسال عنه بالالف كيلو بتلاقي انه للزوجه بتاعته ضعيفه جداا

كلام سليم 100% بس برضة لازم نعرف حالة العربية اية و كمان لية صاحب الموضوع بيحط زيت لازم يتغير بعد 1000 و لا 1500 كم مع ان مكتوب العربية موديل 2005 !!!!!!!!! لية مكنش بيحط بتاع شل مثلا

**M.almaghraby** · 26-08-2010 05:52 AM

ارمي الموبيل فالزبالة و جيب فيسكو 2000

**bakkarahmed** · 26-08-2010 06:10 AM

المشاركة الأصلية كتبت بواسطة DR.almaghraby

ارمي الموبيل فالزبالة و جيب فيسكو 2000

خلاصه الكلام ...وكمان موبيل الابيض بيفقد لزوجته بسرعه في الجو الحر ده
انا بصراحه اؤيد استخدامه للموتوسيكلات والتكاتك

**dentist2future** · 26-08-2010 08:00 AM

المشاركة الأصلية كتبت بواسطة msaleh_353

يا شباب أنا بحط زيت موبيل الأبيض اللي هو أبو 65 جنيه الميكانيكي قاللي أنزله علي ال 1500 بتاع الزيوت قاللي لأ كتير نزله علي 800 بالكتير 1000 وبقيت بعمل كدة فعلا ..
امبارح رحت أغير زيت بس المرة دي في بنزينه موبيل المهم جبت الزيت من عندهم ووأنا بتكلم مع المسؤل عن البنزينه قاللي انت لاقي فلوسك ولا ايه الزيت ده مينزلش أقل من 1500 وممكن 2000 كمان ايه الصح أفيدوني بالله عليكم

أنا بستخدم نفس نوع الأخ ده
وبغيره على الف او الف ومية او الف ومتين بالكتير
وسمعت نفس الكلام ان خليه على الف ونص
بس انا بغير زى ما قلت
لانى بغير كل 3 شهور الي اربع شهور

**karimfahmy99** · 26-08-2010 08:25 AM

المشاركة الأصلية كتبت بواسطة dentist2future

أنا بستخدم نفس نوع الأخ ده
وبغيره على الف او الف ومية او الف ومتين بالكتير
وسمعت نفس الكلام ان خليه على الف ونص
بس انا بغير زى ما قلت
لانى بغير كل 3 شهور الي اربع شهور

اللى فهمتة من كام رد ان الزيت دا وحش مش كويس لية حضرتك لو الموتور حالتة كويسة متستعملش زيت فيسكو 2000 و بيقعد من 8000 كم الى 10000 كم و ب 75 جنية . او 3000 و بيقعد من 12000 الى 15000 كم و ب 115 جنية

انا بستعمل ال 3000 مع ان ممكن استعمل ال 5000 اللى بيقعد من 20000 الى 25000 كم بس فضلت ال 3000 عشان اجدد زيت الموتور

و خد بالك ان زيوت فيسكو زيوت تخليقية احسن 100 مرة من الزيوت الخليط او المعدنية