الموضوع: ياريت اللى بيفهم يساعدنى فى الموضوع دة

انا اعرف واحد محمد البداوي والورشة بتاعتو عند اوتو سمير ريان
ودا el facebook بتاعو Mahamed El Bedawy | Facebook

المشاركة الأصلية كتبت بواسطة mada_d12

هو انا سؤالى صعب اوى كدة ... ماحدش هنا يعرف حد بيعمل شغل فايبر نضيف ؟؟؟؟؟؟
انا والله العظيم ماجيبت سيرة على العربية انا عايز شغل الفايبر والسؤال واضح .. ماسالتش على قطع الغيار ولا العربية كانت فى فيلم ايه
عايز اعرف مين بيعمل تنفيخ فايبر زى اللى انا حاطط صوره وهيتكلف كام

ههههههههههههه انتا كدة قصدك عليا انا بكلمة ( ولا العربية كانت في فيلم ايه ؟؟) عموما انا مقدر لهفتك عشان نفسك فيها وربنا يوفقك ولما ربنا يرزقك بيها ان شاء الله تبقي تفرجنا عليها ومتبخلش انتا بقي.

الاخ الفاضل
انا مريت بتجربه مشابهه للى انت حتواجهه و من الامانه انى احذرك قبل الدخول فى هذه التجربه
من حوالى سنه انا اشتريت عربيه فيات 124 سبور كوبيه لانى معجب بها جدا من صغرى علما انى عندى 42 سنه حاليا و العربيه حالتها كانت جيده جدا و طبعا انا تصورت ان مافيش اى محاذير بخصوصها باعتبار انها اولا فيات و ثانيا موتورها بتاع 132 كامتين 1600 cc و كل ده كان جميل لكن و اه من لكن......
اللى اكتشفته بعد كده و مع الاستخدام ان موضوع التشابه مع موديل تانى فى عائله الفيات ينفع فى حاجات معينه و بسيطه زى الموتور و الات الجر و احيانا العفشه يعنى بالاصح اساسيات الاساسيات لكن خش بقى على اى حاجه فنيه و فريده فى موديل العربيه و ابقى قابلنى لو عرفت تلاقيها و انا شخصيا لما نزلت ادور على شاسيه لزجاج الشراعه اللى بتكون فى الزجاج بتاع الابواب لفيت وكاله البلح و عزبه شلبى ولا الهوا و الظريف ان من كل 20 واحد اسالهم على اى حاجه للعربيه واحد بس يعرف شكل العربيه اللى اقصدها ( واحد ظريف من بتوع الوكاله قال لى يا بيه انت لازم تشترى عربيه تانيه اخت عربيتك علشان تاخد منها قطع غيار)
ناهيك بقى لو حبيت تلاقى انوار اماميه او خلفيه ولا حاجه فى التابلوه او العدادات او حتى الصاج لا قدر الله فى حاله عدم امكانيه سمكره جزء مخبوط
و فى الاخر بعد ما تكون ابتديت حلمك بعربيه سبور شكلها فريد و الناس كلها بتشاور عليك حتلاقيك انتهيت بعربيه راكبلها وش 131 و فوانيس خلفيه 128 و اكر ابواب شاهين و تابلوه 127 ....الخ
اعذرنى على الصوره السوداويه دى لكن حقيقى كان لازم اوصلك اللى انت حتواجهه مع الوضع فى الاعتبار ان ال 124 السبور كان عددها فى مصر اكثر قوى من اللى العربيه اللى عاجباك يعنى مفترض الاقيلها حاجات فى الوكاله بنسبه اكبر من فرصك
و شكرا لسعه صدرك

تعقيبا للكلام ده. واحد صاحبي كانت عجباه عربية بعينها مع شخص معين في المنطقة بتاعتنا من ايان الاعدادي ودلوقتي عندنا 26 سنة وكل فترة يروح لصاحبها يقولها بايع يرد يقوله لاء وهكذا لحد ماصاحبها قرر يبيعها او ( يتخلص منها ) صاحبي ماصدق واشتراها ودلوقتي بيكالكي منها ومن العذاب اللي شايفه بسببها. بس اتعلمنا درس مهم ( احلام الطفولة متنفعش للشيخوخة ) بس ممكن تتايف وتتظبط كدة عشان تمشي ( زي مثلا وش 131 وكشافات 128 واوكر شاهين.)

في شريف في شارع البحر الاعظم بتاع فيبر وكان معاة نفس العربية وعامل فيها شغل كويس ممكن تروح وتسالة علي سعرها
بالمرة &وياريت لو حد قدامة عربية من العربيات دية يقولي
Pontiac trans am & Renault feugo&fiat x-9&pontaic fiero
لانى بصراحة بدور علي عربية من العربيات دية علشان اعدلها كلها بنفسى &لاني درست موضوع التعديل وبرامج التصميم وخامات الفبير وطرق تصنيعة ونفسى اجرب علي عربية من العربيات دية بس تكون عربيتى علشان لسة هتبقي تجارب

السلام عليكم ورحمة الله وبركاته, انا بس حبيت اسال حضرتك هو موجود من العربيه دى تانى فى مصر اصل انا كمان عايز اشترى زيها لان شكلها عجبنى جدا :) ارجو الافاده من سيادتكم

الحمد لله لقيت ردود ... اولا انا باشكر الكل على الردود والافادة وهارد على الكل

انا اعرف واحد محمد البداوي والورشة بتاعتو عند اوتو سمير ريان
ودا el facebook بتاعو Mahamed El Bedawy | Facebook

الف شكر يا باشا وانا عملتله add ولو كدة هابعتله صور العربية والبودى كيت ونشوف هيقول ايه

ههههههههههههه انتا كدة قصدك عليا انا بكلمة ( ولا العربية كانت في فيلم ايه ؟؟) عموما انا مقدر لهفتك عشان نفسك فيها وربنا يوفقك ولما ربنا يرزقك بيها ان شاء الله تبقي تفرجنا عليها ومتبخلش انتا بقي.

والله ابدا ومش عايزك تكون واخدها على انى باتريق بس بجد انا كان كل همى اعرف شخص معين يكون كويس واكون عارف تقريب للتكلفة .. ومرة تانية انا بعتذرلك لو كان كلامى دايقك وان شاء الله لو ربنا كرمنى وجيبتها اكيد هيكون ليها موضوع هنا بالصور .. وعموما هى كانت فى فيلم المرأة الحديدية بتاع نجلاء فتحى

روح الحرفيين ......دول ما شاء الله قرود يعملولك اي حاجة .......متهيألي بودي كيت كامل و بالحجم ده مش حيعدي 2500 جنيه

متشكر يا معلم والسعر كدة تمام اعتقد.. بس اتمنى تكون بنفس الجودة اللى فى الصور بس المشكلة انى مش عايز انزل اتسوح فى الحرفيين لان اكيد اى حد هيقولى انا اللى اقدر اعمل الشغل دة ... وانا طبعا على عمايا ماعرفش حد دة اللى مخلينى اسال الناس

الاخ الفاضل
انا مريت بتجربه مشابهه للى انت حتواجهه و من الامانه انى احذرك قبل الدخول فى هذه التجربه
من حوالى سنه انا اشتريت عربيه فيات 124 سبور كوبيه لانى معجب بها جدا من صغرى علما انى عندى 42 سنه حاليا و العربيه حالتها كانت جيده جدا و طبعا انا تصورت ان مافيش اى محاذير بخصوصها باعتبار انها اولا فيات و ثانيا موتورها بتاع 132 كامتين 1600 cc و كل ده كان جميل لكن و اه من لكن......
اللى اكتشفته بعد كده و مع الاستخدام ان موضوع التشابه مع موديل تانى فى عائله الفيات ينفع فى حاجات معينه و بسيطه زى الموتور و الات الجر و احيانا العفشه يعنى بالاصح اساسيات الاساسيات لكن خش بقى على اى حاجه فنيه و فريده فى موديل العربيه و ابقى قابلنى لو عرفت تلاقيها و انا شخصيا لما نزلت ادور على شاسيه لزجاج الشراعه اللى بتكون فى الزجاج بتاع الابواب لفيت وكاله البلح و عزبه شلبى ولا الهوا و الظريف ان من كل 20 واحد اسالهم على اى حاجه للعربيه واحد بس يعرف شكل العربيه اللى اقصدها ( واحد ظريف من بتوع الوكاله قال لى يا بيه انت لازم تشترى عربيه تانيه اخت عربيتك علشان تاخد منها قطع غيار)
ناهيك بقى لو حبيت تلاقى انوار اماميه او خلفيه ولا حاجه فى التابلوه او العدادات او حتى الصاج لا قدر الله فى حاله عدم امكانيه سمكره جزء مخبوط
و فى الاخر بعد ما تكون ابتديت حلمك بعربيه سبور شكلها فريد و الناس كلها بتشاور عليك حتلاقيك انتهيت بعربيه راكبلها وش 131 و فوانيس خلفيه 128 و اكر ابواب شاهين و تابلوه 127 ....الخ
اعذرنى على الصوره السوداويه دى لكن حقيقى كان لازم اوصلك اللى انت حتواجهه مع الوضع فى الاعتبار ان ال 124 السبور كان عددها فى مصر اكثر قوى من اللى العربيه اللى عاجباك يعنى مفترض الاقيلها حاجات فى الوكاله بنسبه اكبر من فرصك
و شكرا لسعه صدرك

استاذ (على) انا مقدر خوفك من ان اى حد يمر بنفس التجربة اللى حضرتك مريت بيها وانا باحترم طبعا كلامك وفعلا موضوع قطع الغيار دة مخوفنى بس للاطمئنان انا مش هاخد اى خطوة الا لما اكون دارس كل حاجة فى العربية .. وكنت وضحت فى اول الموضوع ان قطع الغيار فى الميكانيكا دى هتكون بتاعت اللى هيكشف هو اللى هيقولى فيها حاجة نادرة ولا لا .. ومن ناحية اكسسوار وكدة فا العربية مالهاش شبكة اودام ولا فوانيس غريبة ورا و الفوانيس بتتصب دلوقتى

تعقيبا للكلام ده. واحد صاحبي كانت عجباه عربية بعينها مع شخص معين في المنطقة بتاعتنا من ايان الاعدادي ودلوقتي عندنا 26 سنة وكل فترة يروح لصاحبها يقولها بايع يرد يقوله لاء وهكذا لحد ماصاحبها قرر يبيعها او ( يتخلص منها ) صاحبي ماصدق واشتراها ودلوقتي بيكالكي منها ومن العذاب اللي شايفه بسببها. بس اتعلمنا درس مهم ( احلام الطفولة متنفعش للشيخوخة ) بس ممكن تتايف وتتظبط كدة عشان تمشي ( زي مثلا وش 131 وكشافات 128 واوكر شاهين.)

نفس الرد اللى فات وان شاء الله طبعا اول حاجة هافكر فيها قبل مادفع فلوس هى موضوع قطع الغيار
وللعلم العربية بسم الله ماشاء الله بحالة الفابريكة ... كراسيها و تابلوه وحتى الفتيس كل حاجة الحمد لله فابريكة

في شريف في شارع البحر الاعظم بتاع فيبر وكان معاة نفس العربية وعامل فيها شغل كويس ممكن تروح وتسالة علي سعرها
بالمرة &وياريت لو حد قدامة عربية من العربيات دية يقولي
Pontiac trans am & Renault feugo&fiat x-9&pontaic fiero
لانى بصراحة بدور علي عربية من العربيات دية علشان اعدلها كلها بنفسى &لاني درست موضوع التعديل وبرامج التصميم وخامات الفبير وطرق تصنيعة ونفسى اجرب علي عربية من العربيات دية بس تكون عربيتى علشان لسة هتبقي تجارب

اولا شكرا على المعلومة بتاعت شريف وانا بانزل هناك ولو كدة هاروحله ان شاء الله
ام بالنسبة للعربيات اللى انت قولت عليه انا ركبتهم كلهم معادا الرينو
الـ Trans AM كانت اودامى موديل 1995 وكانت تحفة حالة الزيرو لونها احمر .. وكانت على 85000 بس دة كان من سنة مش عارف اتباعت ولا لا .. لو عايزنى اسألك الراجل اللى كانت معاه اشوفهالك
وال Fiero اعرف واحد كانت معاه .. بس بصراحة انا ماشفتهاش فى مصر غير معاه هو بس و ال X1/9 بقى هتبقى معايا ان شاء الله ودى ممكن اشوفلك حد تانى يكون عارضها
وفى كمان عربية نفس الفصيلة دى موديل 1982 هى Mazda RX7 دى برضه انا اعرف صاحبها وهو يعرف واحد كان عايز يبيعها على 25000

السلام عليكم ورحمة الله وبركاته, انا بس حبيت اسال حضرتك هو موجود من العربيه دى تانى فى مصر اصل انا كمان عايز اشترى زيها لان شكلها عجبنى جدا :) ارجو الافاده من سيادتكم

من عينيا يا باشا هاشوفهالك والله