ربنا يستر
:ma:
عرض للطباعة
مبدايا اكيد شوفت الي حصل مع استاذ كريم
بس ده مش موضوعنا دلوقت
انتا اتكلمت بخصوص القوانين وان الاعضاء المفروض تشارك بالراي في اي قانون يتغير
مبدايا في شرط من الشروط (الي انتا وافقت عليها عند التسجيل)
بيقول ان الاداره مش ملزمه انها ترجع للاعضاء عند تعديل اي بند او اي عقوبه
تمام كده؟؟؟ !!!
هترد هتقولي رجعنا لنفس النقطه وان الاعضاء برضه مش بيشاركوا في تعديل القوانين وده مش من الديموقراطيه
هقولك دلوقت طيب احنا عددنا كام؟؟؟؟
حاليا تقريبا 80.000
تمام؟؟؟
طيب دلوقت علشان الاداره تعدل قانون لازم موافقة اكتر 40.000 من الاعضاء (نسبة الـ 50%)
طيب ازاي والاعضاء النشطيين حوالي 15.000 بس؟؟؟؟
والـ 15.000 دول مش هيكمل معاهم النصاب القانوني لاجراء عملية التصويت من الاساس
(ده بفرض ان الـ 15.000 كلهم صوتوا)
يبقي كده العمليه شبه مستحيله
فا الي بيحصل كالاتي
انتا دلوقت مش بتقول ان الاداره محترمه وحياديه جدا جدا لابعد الحدود؟
الي بيحصل ان التصويت بيحصل داخل غرفة الاداره
بمعني ان القانون الي هيتعدل مش بيجي حد من الاداره يعدله وخلاص
لا ده بيتعمل عليه تصويت وبيتحدد علي اساسه التعديل هيتنفذ ولالا
فهمت دلوقت اسباب استحالة العمليه ؟؟؟
A.Yakout
موضوع جميل بس فعلا انا مش شايف اى حاجه تضايق فى المنتدى وموضوع الاعلانات ده والله انا مش باخد بالى منه غير لما اكون بدور على اعلان معين وانا شايف ان كل المشرفين والمسئولين يشكروا
طيب تخيل انك لازم تدخل كل يوم تقرا كل الردود بتاعه الاعضاء بتركيز وتحاول تتماشى مع قوانين المنتدى وكل ده بدون مقابل بجد ساعتها هتحس الناس دى ازاى بيقوموا بمجهود جبار بس علشان استمرار الموقع
دا احنا لما الموقع بيقف يوم ولا حاجه الناس بتحس ان اليوم وقف ونبارك لبعض لما يرجع
احيك يا ياقوت على موضوعك المميز وكل عام وانت بخير .
من فترة كنت كتبت موضوع شبيه لموضوعك ولنفس غرضك ايضا وهو افادة المنتدى ولكن وقتها الناس كانت مشغولة باشيأء اخرى ....ولكن اهم من الكلام تنفيذ الكلام وموضوعك جمع بكل الاشياء التى كانت تدور فى المنتدى فى الفترة الاخيرة وعلى ما اظن ان الحمد لله فى ديمقراطية بمعناه المعروف بالخارج وليس بالداخل وموضوعك ابسط رد على كلامى .
ولكن تذكرت مشهد فى فيلم السادات عندما قال بطله احمد زكى ( الديمقراطية لها انياب ) وهذا ما تفعله الادارة واحيها على هذا وانا معها قلبا وقالبا .
احيانا كثيرا كنت بلوم الادارة فى داخلى على السماح للاعضاء بمناقشة كيفية ادارة المنتدى على الملا وكيفية السماح بحدوث هذا...
لانه ليس مطلوب منها ان تدافع او تبرر شى ....ومع ذلك لاازلت تسير على نفس النهج .....طب دى مش دمقراطية .
المنتدى ليس جمعية عمومية او شركة مساهمة وكل عضو ليه جزء فيه .....يوجد قائد واحد فقد فى كل سفينة ولا ينفع ان يكون هناك اثنين لانها ستغرق وقتها .....
ومع دخولنا على العام الرابع للمنتدى اثبت هذا القائد انه جدير بالاحترام لانه جعل اشخاص لاترى منهم سوى كلمات من خلال شاشة امامك الى اشخاص تتمنى ان تراهم وتسعد بهم ....
جعل الحب يجمع بين اناس بعيدا عن بعضهم البعض غرضهم الوحيد هو خدمة شخص لا يعرفوه لا من قريب ولا من بعيد وهو انا وانت .
هذا هو النجاح الذى اتكلم عنه بعيدا عن مجال او تخصص المنتدى الذى يثبت كل يوم انه بالفعل اكبر منتدى سيارات مصرى وبنا وانا وانت وانتى سيكون اكبر منتدى فى الشرق الاوسط بأذن الله وكل ذلك يكون بداخل المنظومة التى اثبتت نجاحها بالفعل وليس بالكلام .
هذا المنتدى له قيمة كبيرة سواء ملموسة او معنوية ودورنا انا نحافظ عليه ولا نبخل عليه وهو دائما فاتح ذراعيه لافكارنا وموضواعتنا فعلينا دور كبير للارتقاء بهذا المكان .
كل منا يقول ان المنتدى بيتنا التانى .....مطلوب ان نثيت هذه المقولة بالفعل وليس بالكلام .
وكل عام وانتم بخير ورمضان كريم .
اولا احييك يا استاذ ياقوت على ادارة هذا الحوار الهادئ.انا متفق معاك في حاجات و مختلف في حاجات تانية,الناس اللي ماسكيين المنتدى ناس محترمة جدا و على مستوى عالي من حيث الاداء الفني و الاداري, و كرم اخلاقهم خلى الناس تطمع فيهم اكتر من حيث الطلبات و التوقعات, فلهم كل التحية.اما موضوع الديموقراطية دة, فدة اصلا مش مكانها, المنتدي ملكية خاصة و من حكم في ماله فما ظلم, و مش من حقي كعضو اني اطلب ان رآيي يفرق.طيب ليه الناس بتاخد برآينا؟ ده سؤال بيطرح نفسه, و الإجابه بسيطة, اصحاب المنتدى اكيد عايزين يستفيدوا منه, و مش لازم تكون الاستفادة دي مادية بس, الاستفادة الاكتر معنوية.و عشان يعظموا الاستفادة لازم يبقى فيه اعضاء موجودين و مبسوطين عشان كدة بتاخد رآيهم, للوصول لاحسن اداء و بالتالي رضا المستخدم و بقائه.نفس نظرية التسويق, بتبيع الحاجة اللي الناس عايزاها, بس بتفضل انت صاحب القرار الاول و الاخير, لأن الحاجة دي بتاعتك!نرجع لموضوعنا,اذن فاصحاب المنتدى و القائمين عليه ليهم الرآي الاول و الاخير لأنه محدش ليه الحق اصلاً انه يتدخل في الموضوع, مش عشان نظرية القائد الواحد او لأنهم الاعلم مع احترامي الكامل ليهم و لقدراتهم الفنية و الإدارية مع أني مليش اني اقيمهم اصلا.يبقى حضرتك بكلمة الديموقراطية دي ظلمت اصحاب المنتدى جدا لأنك وزعت ملكيتهم الخاصة على كل الاعضاء و بعدين بتحاول تقنعهم (الاعضاء) ان اصحاب المنتدى ناس كويسة و ياريت نسيبهم يشغلوا المنتدى.ارجو تقبل مروري
هو المنتدى لو اتقفل لان مالكه لم يعد يستطيع الانفاق عليه
-فمسؤليات الحياة كل يوم فى ازدياد وما نستطيعه اليوم ربما لانقدر عليه غدا-
من المتضرر من غلق المنتدى وانتهاؤه لذكرى يوما ما ستنسى
احنا كأعضاء
ده اكيد
هنتضرر لافتقاد مكان اجتمعنا فيه واتعرفنا واصحبنا عيلة واحدة وكونا صداقات حقيقية
هنتفقد منتدى محترم تسوده الحرية والاحترام والديمقراطية
هنفتقد مصدر لحل مشكلاتنا ومصدر معلومات لكثير منا فيما يتعلق بالسيارت
وربما فى بعض الامور الاجتماعية الأخرى
لكننا يوما ما سنجد منتدى اخر نجتمع فيه وربما نتعرف على اخرين ونكون صداقات جديدة
ربما لن يكون على نفس المستوى ولكننا سنعتاد الامر
بينما من اسس هذا المنتدى واتفق عليه من جهده ووقته وماله
من استقطع من وقت عمله واهله وراحته للحفاظ على هذا المنتدى
سيكون هو الخاسر الأكبر
وبما اننا لن نشاركه يوما هذه الخسارة
ولن نسطتيع مهما حاولنا تعويضه عن خسارته والتى هى اكبر من المال بكثير
فلا يحق لنا ان نشاركه اتخاذ القرارات