مساعدين نيتروجين

**Adham** · 29-08-2010 11:21 AM

هي السست بتاعتها مش موجودة جديدة ؟؟

اللي في الوكالة حاتبقى مستهلكة و طرية و مش حاتبقى ماسكة نفسها برضة

**Adham** · 29-08-2010 11:22 AM

هي السست بتاعتها مش موجودة جديدة ؟؟

اللي في الوكالة حاتبقى مستهلكة و طرية و مش حاتبقى ماسكة نفسها برضة

**Opel_Rekord** · 29-08-2010 03:22 PM

والله مش عارف ياادهم بس هسال ولاونى مش متفائل انى الاقيهم جداد
لان العربيه زى مانت عارف نادره شويه وحاجاتها مش متوافره اوى

بس هاشوف سرور ولا طارق حموده وربنا يسهل ان شاء الله

**Adham** · 29-08-2010 03:31 PM

لو مالقيتهاش ممكن تشوف اي سستة نفس القطر و تكون اقل في الارتفاع عن اللي راكبة عندك وبس تكون عدد لفاتها اكتر

العفشجي اللي باتعامل معاه اكيد يعرف يوفقلك سستة بالمواصفات دي اصل عندة ييجي الفين سستة في المخزن

لو انت ممكن تروح الماظة اول طريق السويس قوللي اديلك وصفة مكان ورشتة عالخاص

**Opel_Rekord** · 30-08-2010 03:26 PM

كتر خيرك ياادهم والله على انك بتحاول تساعدنى بس معلش المشوار ده صعب اوى خصوصا انى فى سته اكتوبر

هاشوف الراجل بتاعى واقولو عالمواصفات الى انت قلتلى عليها دى وان شاء الله نلاقى

ده لو فى حالة مالقتش جديد منها

تقبل تحياتى ليك

**dadyday** · 26-09-2010 02:10 PM

ممكنتركب صدادات للمساعديين الى وارا

**Adham** · 26-09-2010 03:00 PM

المشاركة الأصلية كتبت بواسطة dadyday

ممكنتركب صدادات للمساعديين الى وارا

قصدك اية بصدادات؟؟ علايات !!!
ماهو دة سبب المشكلة اساساً

المشاركة الأصلية كتبت بواسطة opel_rekord

انا كل الى بشتكى منه دلوقتى ان العربيه عاليه من ورا وبتعوم منى عالسرعات العاليه
عشان كده بحاول اشوف طريقه انزلها تحت وفى نقس الوقت لما حد يركب ورا ماتهبطش اكتر يبقى ارتفاع ثابت

المشاركة الأصلية كتبت بواسطة abo_hosni

يبقى تشوف سوست عربية تانية تركب عليها و تكون أقصر + أنشف من اللي عندك. و لو مركب السوست عندك بعلايات يبقى تشيلها

المشاركة الأصلية كتبت بواسطة opel_rekord

هو انا مركب سوست فيات 132 وحاطط علايات

بس لو شيلت العلايات العربيه هاتنزل اوكى بس لو حد ركب بتلاقيها تحت فامش عارف بقه احط سوست تانيه ولا اعمل ايه ؟

المشاركة الأصلية كتبت بواسطة adham

اكبر غلط

العربية تعوم جامد

و العفشة تدب

و المساعدين تضرب زيت كل شوية

ركب سستة نفس ارتفاع السستة الاصلية بس تكون اكتر في عدد اللفات لفة او اتنين

او هات السستة الاصلية بتاعه العربية جديدة

حاتبقى انشف من المستهلكة و في نفس الوقت العربية مش حاتعلى

**Opel_Rekord** · 26-09-2010 08:22 PM

الصدادات دى كان احد اقتراحات واحد صحبى بردو ياادهم

وفكرتها عباره عن كاوتشه بتتركب عالمساعد نفسه بحيث ان المساعد ماينزلش مشواره كله للاخر

بتوقفو فى النص .. ودى نازله اصلا فى بعض الموديلات بس مش منتشره اوى

انا واحد عرض عليا الموضوع ده وقلى ان كاوتشات ال فولكس جولف وان تركب عندك كويس اوى وتريح المساعد وماتخلهوش ينزل للاخر

وكده بالنسبالى انا ممكن اشيل العلايات الى راكبه عندى عشان انزل العربيه من ورا بالاضافه انى احط الكاوتشات دى بحيث ان لما حد يركب ورا ماتنزلش العربيه للاخر

**Adham** · 29-09-2010 10:39 PM

ايوة عرفتها دي حتة كاوتشة بتركب في اكس المساعد

دي بتقل المشوار بحيث المساعد مايتكبسش للاخر و انما بتقلل حوالي 7 سم تقريبا

بس دي برضة مش حاتفرق زي مانت متصور لان العربية حاتوطي قوي مع تحميل الوزن لان مشوار المساعد ممكن يهبط 10 سم مرتاح و مايبقاش وصل للصدادة

الصدادة دي فايدتها حماية للمساعد علشان مايضربش لو اتكبس جامد الصدادة تمتص الصدمة بدل مالاويل سيل مايضرب