نيتروجين

**aboezz44** · 29-12-2008 11:23 PM

السلام عليكم ورحمة الله وبركاته
الأخوة الأعزاء
تبعا لنصائح بعض الأخوه انا مليت العجل بتاع العربيه نيتروجين وظبط الطغط على 30 امامى وخلفى بس المشكله انى حاسس ان العريه ناشفه جداجدا جدا فأتمنى ان حد يفيدنى بالنسبه لموضوع الضغط المناسب للنيتروجين امامى وخلفى وجزاكم الله خيرا
اخوكم /احمد عز

لكى الله يا غزه

**hany79** · 30-12-2008 12:26 AM

و عليكم السلام يا استاذ احمد
اولا كل سنة و انت وجميع الاخوة طيبين بمناسبة راس السنة الهجرية
ثانيا موضوع ضغط العجل ده مكتوب على القايم اللي جنب السواق و هو 32 امامي و 30 خلفي بس في التوكيل قالولي اظبط الخلفي على 29 لو نيتروجين بس قدام لازم 32 انا عندي ظبطها حاليا على ال32 و 29
ثالثا العربية مع الوقت العفشة بتنعم فمتقلقش بس حاول تظبط الضغط كويس و الله المستعان

**aboezz44** · 30-12-2008 10:53 PM

[QUOTE=hany79;569299]و عليكم السلام يا استاذ احمد
اولا كل سنة و انت وجميع الاخوة طيبين بمناسبة راس السنة الهجرية
ثانيا موضوع ضغط العجل ده مكتوب على القايم اللي جنب السواق و هو 32 امامي و 30 خلفي بس في التوكيل قالولي اظبط الخلفي على 29 لو نيتروجين بس قدام لازم 32 انا عندي ظبطها حاليا على ال32 و 29
ثالثا العربية مع الوقت العفشة بتنعم فمتقلقش بس حاول تظبط الضغط كويس و الله المستعان[/
QUOTE]
جزاك الله خير الجزاء يا أخ /احمد
انا ان ان شاء الله اعمل بنصيحتك واضبط الأمامى على 32 والخلفى على 29
بس ادعيلى ربنا يكرمنى بورشة كاوتش فيها عداد محترم يقيس ضغط العجل صح
تخيل انا فى المنصوره فى يوم واحد شفت العجب كل ما اقيس ضغط العجل الاقيه مختلف وكلها ورش يشهد لها بالكفاءة 3مرات مره عداد يقراء الضغظ 32 ورشه تانيه يقولى انت ضابط على 28 ورشه ثالثه يقولى انى ضابط على 30 بس زى ماانت قولت الله المستعانز
انا اتوسم فيك الأحترام: ممكن تنصح اخوك الصغير الى هوه انا بمركز صيانه محترم لصيانة ال5000كم لأنى بصراحه روحت لأخوانا بتوع السبع الى فى المعادى مرتين فى صيانة الألف وللأسف خذلونى تخيل اروح مرتين علشان الزجاج بيسرب هواء ويعملوه مرتين ويرجع زى ماكان عندى خربطه فى العفشه من تحت وروحت ليهم مرتين وبرضوه لم تعالج فابالله عليك رشحلى مركز صيانة تانى عل الله ان يجعل الخلاص على اديهم
وجزاك الله عنى خير الجزاء
اخوك/ احمد عز

لكى الله ياغزه