مشكلة في عربية بومة 1600

**elahly** · 26-08-2010 04:05 PM

الاخوة الاعزاء
معايا عربية لانسر بومة 2006 عامله 94 ألف كيلو ... عندي مشكلة إن العربية مش بتدور من أول مرة بتاخد حوالي 4 - 5 ثواني عشان تدور وصوت الموتور بيعلى على 2.5 rpm وسحب العربية مش أد كدة. في ناس نصحتني أعمل تنضيف داخلي للموتور من الكربون و ناس تانية قالوا أنضف الإنجكشن مع العلم اني لسة عمل صيانة 90 ألف فالتوكيل من 3 شهور وغيرت البوجيهات وفلتر الهوا و البنزين وزيت الفتيس . أرجو الإفادة

**mr_vampire** · 26-08-2010 04:57 PM

اولا غياب 4 او 5 ثواني فالدوارة مش كتير خصوصا لو الصبح والعربية باردة. ثانيا ابدء بتنظيف بوابة الانجكشن عن طريق الاسبراي وجرب كدة شوف النظام عامل ازاي وعرفنا بالنتيجة.

**Dr Ahmed** · 26-08-2010 05:07 PM

إيه أخبار البطارية؟

**elahly** · 28-08-2010 02:07 AM

ال-4 5 ثواني تأخير دول مش الصبح بس دول ديماً أنا لم باسيب العربية نص ساعة وارجع أدوار تاني بتتأخر بردو بس لو سبتها 5 - 10 دقائق بتدور على طول .... وياترى فين ممكن أنضف بوابة الإنجكشن

بالنسبة للبطارية أنا معرفش احدد حالتها ازاي