مختلف معاك تماما زمان كان راحه البال بجد
من زماااان كان كل اللى ال1 بيعمله يصحى الصبح ويطلع من الكهف ويصطاد سمكتين بالحربه التعبانه بتاعته ويرجع لمراته بعد مايستخبى من وحوش البريه وياكل هو وعياله مع القبيله ويعيش حياته الطبيعيه وبخ على كده
يعنى المجهود البدنى كبير شويه و المجهود العقلى فى الضياع
وبعدها مبقاش يرضى بالكهف الاهبل اللى فيه وبدا يبنى عشش واكواخ علشان يتخمد فيها بامان
شويه بدا يزرع ويحصد وياكل والحياه تدور
شويه حب يريح نفسه اكتر فاخترع العجله والات الزراعه علشان يقلل مجهوده البدنى الكبير ده وبرضه يريح عقله
شويه والقبايل بدات تكبر وبدات النفس البشريه الاماره بالسوء تلعب لعبها وبدات المعارك والقتل علشان كل واحد بدا يكبر الحته اللى كان مرزوع فيها والغلابه اللى كانوا فى حالهم اطحنوا بالسهوم والبنادق والمدافع بعدها
وبعدها ياحبايب بدات الثوره الصناعيه وبدا العلم يعمل عمايله وبدا تطور الطب والعلوم والهندسه بسرعه الصاروخ وبقى كل يوم فيه جديد واللى كان بيمشى مع نفسه زمان علشان يوصل لمشواره وبعدها ركب البغال وبعدها عربيه بحمار وبعدها عربيه بخاريه وبعدها عربيه مكيفه جميله علشان الحر وحش وبعدها طياره
وبعد اشارات الدخان ثم التليفون ابو مانفلا نهايه بالموبايل التاتش
النتيجه
فعلا وصل الانسان للى كان عايزه وهو الوصول للمجهود البدنى الى الصفر تقريبا مبقاش زى زمان ياكل ويشرب وينام و *&^%) وشكرا
بس ده كل انعكس على المجهود العقلى يعنى يقعد مرتاح فى مكتب مكيف قدام اللاب بتاعه وعقله شغال زى المحرك التوربينى مبيهمدش والعصبيه زادت والضغوط على اخرها والرفاهيات بقت اساسيات ورتم الحياه بقى سريع وبقى يوم الاجازه بالنسبه له عيد
طبعا ناس هتقوللى يعنى انت عايز البنى ادم يعيش زى الحيوان وخلاص ؟ اقوله لا طبعا بس بص على نمط الحياه اللى الناس عايشينها دلوقتى وهتعرف ان الكل بيدور فى الساقيه ونسى نفسه ووقته بيتسرق منه من غير مايحس واسال نفسك فى الاخر هل دى الحياه اللى المفروض الانسان كان يعيشها؟هل دى الحياه اللى كانت عباره عن مجرد بوابه للامتحان الصغير ونتيجته هتتعرف ساعه الحساب
ياريت محدش يقولى انت فيلسوف او متقوقع على نفسك وعايش جوه برميل وزاهد للحياه لا طبعا انا زيي زيكم اللى خلانى اكتب البقين دول لما جيت اشوف انا عملت ايه فى 4 سنين شغل لقيت النتيجه تخض وتجيب الحسره على العمر اللى بيطير واحنا مش حاسين بيه على حاجات ماديه ملهاش اى عازه غير انها تاكلك وتشربك بس. يعنى رجعنا ندور زى الحيوانات فى ساقيه الحياه
المفضلات