احتكاك السيارة

**emad_banda** · 27-08-2010 12:59 AM

النهارة كنت مسافرواثناء السير
قابلنى مطب غريب اول مرة اشوفة
غالى من النصف وواطى من الجنبين وحك فى السيارة
ياترى حك فى اية تحت
وماتاثرة وكيف اتفادى هذا المطب

**محمد الشامي** · 27-08-2010 01:09 AM

المطبات دي في الغالب بتحك في علبه الشكمان , لأنها بتكون اقرب حاجه للمطب

وطريقه تفاديه هو انك تاخد المطب بزاويه 45 درجه , بحيث ان اثناء مرورك من فوق المطب يكون في عجله من ادام رافعه العربيه عن المطب وقبل نزولها تكون بدايه طلوع العجله التانيه ونفس الحال في العجلات الخلفيه

ولكن للاسف مش كل شوراعنا نقدر نعمل فيها الموضوع ده

**emad_banda** · 27-08-2010 01:31 AM

ممكن تتاثر اى حاجة من تحت
زى المساعدين او الكبالن

**محمد الشامي** · 27-08-2010 01:47 AM

المشاركة الأصلية كتبت بواسطة emad_banda

ممكن تتاثر اى حاجة من تحت
زى المساعدين او الكبالن

مع الإحتكاك العادي مفيش اي تأثير على المساعدين والكبالن

**SBkr** · 27-08-2010 02:26 AM

دي في علم شكل سطح الأرض و المعروف ب الطوبوغرافيا اسمها جبال وليست مطبات وغالبا ماتتسبب في التأثير علي احد اجزاء الشكمان لأنة منخفض ولكن بعض الجبال زي النوع الي انت مريت علية بيكون منخفض من موضع الإطارات ومرتفع من المنتصف بسبب انة معمول عك فالسيارات النقل الثقيل بتعمل النوع دة وهو النوع الأشد فتكا و القادر علي توجية ضربة قاسمة لأجزاء من المفروض ان لاتكون علي لائحة الإحتكاكات العادية مثل التانك المقصات وحاجات كتير ولمواجهة هذا النوع من التضاريس القاسية نسبيا يلزم الأمر ان ترتقي بسيارتك بحيث تكون الأطارات علي هذة البروزات وهذا يقلل احتمالية الإصابة كذلك ترتقي المطب ببطء شديد لدرجة ان الماشي ورائك يشك في انك هتركن فوق المطب اما الزاوية 45 تنفع مع المطبات التي لاتعاني من هذة الأعراض من التورم ببعض اجزائها واحيانا لو معاك حد غالي عليك وبتحبة ممكن تنزلة علشان العربية تعلي شوية تقوم الإصابة متبقاش قاتلة

**tarek_2005** · 27-08-2010 03:32 AM

المشاركة الأصلية كتبت بواسطة sbkr

دي في علم شكل سطح الأرض و المعروف ب الطوبوغرافيا اسمها جبال وليست مطبات وغالبا ماتتسبب في التأثير علي احد اجزاء الشكمان لأنة منخفض ولكن بعض الجبال زي النوع الي انت مريت علية بيكون منخفض من موضع الإطارات ومرتفع من المنتصف بسبب انة معمول عك فالسيارات النقل الثقيل بتعمل النوع دة وهو النوع الأشد فتكا و القادر علي توجية ضربة قاسمة لأجزاء من المفروض ان لاتكون علي لائحة الإحتكاكات العادية مثل التانك المقصات وحاجات كتير ولمواجهة هذا النوع من التضاريس القاسية نسبيا يلزم الأمر ان ترتقي بسيارتك بحيث تكون الأطارات علي هذة البروزات وهذا يقلل احتمالية الإصابة كذلك ترتقي المطب ببطء شديد لدرجة ان الماشي ورائك يشك في انك هتركن فوق المطب اما الزاوية 45 تنفع مع المطبات التي لاتعاني من هذة الأعراض من التورم ببعض اجزائها واحيانا لو معاك حد غالي عليك وبتحبة ممكن تنزلة علشان العربية تعلي شوية تقوم الإصابة متبقاش قاتلة

كلامك منطقي وجميل بس من الصعب برده تنفيذه والي هيصيبك من نصيبك

**SkyBird** · 27-08-2010 05:38 AM

لما اشوف مطب زي ده الف وارجع تاني من بعد ما اخدت مطب زيه بالظبط عوج صداد شاسيه العربية
لانه غالبا في شارع فرعي والناس هي اللي عاملاه منهم لله

**SkyBird** · 27-08-2010 06:25 AM

نسيت اقولك ارفع العربية وبص عليها من تحت انت او اي ميكانيكي شاطر

**karimfahmy99** · 27-08-2010 06:41 AM

فى مثل حالة المطب دا او الجبل يفضل انك تتطلع و تعدى من الجزء العالى و متخليش العالى فى نص العربية يعنى زى متكون طالع على رصيف تركن بميل بس برضة براااااااااااااااااااحة و طظ فى اللى وراك اذا كان بيزمر و لا حاجة هو مش هينفعنى بحاجة لو حصل ضرر للعربية من تحت . موضوع ال 45 درجة دا بينفع لو المطب فى سوا واحد و مش فى كل المواقف بتسمح بتنفيذها و الافضل عمل كذا مطب متتاليين مثل ما كان معمول بة فى الطريق الصحراوى افضل من مطب عالى او جبل . ربنا يسترها معانا

-

الموضوع: احتكاك السيارة

LinkBack

أدوات الموضوع

عرض

-

-

-

-

-

المواضيع المتشابهه

صوت احتكاك

صوت احتكاك خفيف

صوت احتكاك

صوت احتكاك

تأثير احتكاك اسفل السيارة بمطب صناعى عالى

الكلمات الدلالية لهذا الموضوع

المفضلات

المفضلات

ضوابط المشاركة