كمل عادى كأن محصلش حاجه واسقط السيجاره الى شربتها ديه من حساباتك
عرض للطباعة
كمل عادى كأن محصلش حاجه واسقط السيجاره الى شربتها ديه من حساباتك
وانت ناوى علي ايه! هترجع للسجاير ولا ناوى تكمل و تبطل نهائيا!...يعنى حسيت براحة نفسية بعد السيجارة ولا ايه النظام
شكلي حاعمل كده فعلا .. السجاير بعد الفترة دي بان طعمها الأصْلي ومش عايز اقولك مقروف منها إزاي.
بس هما كذا سجارة مش واحدة فـحاسس إني حرجع اعاني تاني.
ولا راحة نفسية ولا حاجة للاسف..الحاجات اللي الواحد كان بيمني نفسه بيها مش عارف راحت فين
شكلي حأرمي الكام علبة اللي جبتهم فوق الدولاب أو حاجة واكمل تبطيل فعلا..
شكرا ل نصحكم :E_braces[1]:
معلش بالمناسبة..
أنا كنت حلفت عالمصحف قبل كده - مع نفسي - إني مش حشرب سجاير تاني..من بتاع 5 سنين
وطبعا رجعت أشرب بعدها بكام يوم...معلش لو فيها تعب بس دي كفارتها إيه حد عنده فكرة؟
كلامكوا ده تعبنى نفسيا ربنا يقويكم و يثبتكم و يسامحنى
اوك خلاص الضغوط والمشاكل مش هتخلص ولا كانك شربتها اوك نتفق على كده.. وكمل احنا لسه في رمضان ياله نكمل ومترجعلهاش تاني شوفت طعمها قد ايه كان وحش وكمان في لازقات بتتباع في الصيدليه لمساعده عن البعد عن التدخين هتساعدك وبعدين مضايق هقولك انزل امشي بسرعه طلع طاقتك ...اعمل شوبينج اي حاجه اتكلم مع واحد صحبك انت محتاج متنفس نفسي اول ما تحس بده ..اوك وطمنا واحنا نعتبر ان السيجاره دي محصلتش اوك اتفقنا ياله مستنينك ان شاء الله انت تقدر ؟؟؟
بالنسبه لحضرتك للكفاره اللي اعرفه ليك كفاره يمين
كفارة اليمين بينها الله تعالى بقوله: ( لا يُؤَاخِذُكُمُ اللَّهُ بِاللَّغْوِ فِي أَيْمَانِكُمْ وَلَكِنْ يُؤَاخِذُكُمْ بِمَا عَقَّدْتُمُ الأَيْمَانَ فَكَفَّارَتُهُ إِطْعَامُ عَشَرَةِ مَسَاكِينَ مِنْ أَوْسَطِ مَا تُطْعِمُونَ أَهْلِيكُمْ أَوْ كِسْوَتُهُمْ أَوْ تَحْرِيرُ رَقَبَةٍ فَمَنْ لَمْ يَجِدْ فَصِيَامُ ثَلاثَةِ أَيَّامٍ ذَلِكَ كَفَّارَةُ أَيْمَانِكُمْ إِذَا حَلَفْتُمْ وَاحْفَظُوا أَيْمَانَكُمْ كَذَلِكَ يُبَيِّنُ اللَّهُ لَكُمْ آيَاتِهِ لَعَلَّكُمْ تَشْكُرُونَ ) المائدة / 89 .
فيخير الإنسان بين ثلاثة أمور:
1- إطعام عشرة مساكين من أوسط ما يطعم أهله ، فيعطي كل مسكين نصف صاع من غالب طعام البلد ، كالأرز ونحو ، ومقداره كيلو ونصف تقريبا، وإذا كان يعتاد أكل الأرز مثلاً ومعه إدام وهو ما يسمى في كثير من البلدان ( الطبيخ ) فينبغي أن يعطيهم مع الأرز إداماً أو لحماً ، ولو جمع عشرة مساكين وغداهم أو عشاهم كفى .
2- كسوة عشرة مساكين ، فيكسو كل مسكين كسوة تصلح لصلاته ، فللرجل قميص (ثوب) أو إزار ورداء ، وللمرأة ثوب سابغ وخمار .
3- تحرير رقبة مؤمنة .
فمن لم يجد شيئا من ذلك، صام ثلاثة أيام متتابعة .
وجمهور العلماء على أنه لا يجزئ إخراج الكفارة نقودا
قال ابن قدامة رحمه الله : " لا يُجْزِئُ في الكفارة إِخراج قيمة الطعام ولا الكسوة ، لأن الله ذكر الطعام فلا يحصل التكفير بغيره ، ولأن الله خَيَّرَ بين الثلاثة أشياء ولو جاز دفع القيمة لم يكن التَخْيِِيرُ منحصراً في هذه الثلاث ... " اهـ . المغني لابن قدامة 11/256
وقال الشيخ ابن باز رحمه الله: ( على أن تكون الكفارة طعاما لا نقودا، لأن ذلك هو الذي جاء به القرآن الكريم والسنة المطهرة، والواجب في ذلك نصف صاع من قوت البلد ، من تمر أو بر أو غيرهما ، ومقداره كيلو ونصف تقريبا ، وإن غديتهم أو عشيتهم أو كسوتهم كسوة تجزئهم في الصلاة كفى ذلك ، وهي قميص أو إزار ورداء ) انتهى نقلا عن فتاوى إسلامية 3/481
وقال الشيخ ابن عثيمين :
فإن لم يجد الإنسان لا رقبة ولا كسوة ولا طعاماً فإنه يصوم ثلاثة أيام ، وتكون متتابعة لا يفطر بينهما . اهـ .
فتاوى منار الإسلام ( 3/667 )
والله أعلم .
إن شاء الله أعمل كده, أنا فعلا محتاج حاجة تشغلني عن العادة.
مرسي يا باشا, وجاري الإستعداد عشان أرجع تاني.
بس للاسف السيجارة دي بقت علبة في 4 ساعات :T_thum1[1]: وده أكتر من معدلي زمان
ألف شكر عالمعلومة دي.
بص انا راى تكبر دماغك من موضوع التبطيل دة و سيبها لظروفها
و رمضان كريم
يارااااجل بقي بعد كل دة ترجع تااااااااااني
انا مش عارف اليومين دوول السجاير طعمها في بقي مش حلو لييية
والحمدالله انها جت لوحدها وهابدا ابطل انشاء الله من النهاردة
وربنا يوفقني بقي
عادى جدا
فينمعش الواحد يقلع عن عادة بيعملها قفش كده لازم ياخد ويدى بس اهم حاجة ان يكون هدفك النهائى هو التبطيل
حاول انت مش خسران حاجة بل كسبان
انا لى واحد من اعز اصدقائى بطل سنتين و رجع تانى سنة وشوية و الحمد لله دلوقتى مبطلها
التمرين على التبطيل هيجمد قلبك و هيخليك لو رجعتلها تانى وتيجى تبطل تقول ما انا بطلتها قبل كده هى كيميا
وعلى الاقل تبقى كسبت صحتك شوية فى التبطيل
و الله المستعان