بقالي فترة مش قصيرة - 7 سنين - بشرب سجاير.
وزي مافي ناس بتموت في السيجارة مع الشاي أنا برده بموت فالسيجارة مع البيبسي الساقع.
المهم الإتنين طبعا بوظوا سناني لدرجة سيئة..ده غير إني مابغسلهاش وبطلت اروح لدكتورة السنان.
كل كام شهر كده بيجيلي فكرة إني ابطل السجاير والبيبسي سواء عشان صحيا أو ماديا..
امبارح قررت ابطل..رميت باقي العلبة في الزبالة, خلصت البيبسي..وقلت مش حشرب أي منهم تاني ده كان عالفجر.
نمت..نوومة عظيمة للمغرب النهاردة.بتاع 14 ساعة ..صحيت فطرت ...رجعت نمت بتاع 5 ساعات زيهم وصحيت من ساعتين..
صاحي حاسس إني تايه ومش مركز خالص..وعمال أفكر أنا اد إيه محتاج سيجارة تظبط دماغي..5 دقايق وكنت نازل جايب 3 علب و 4 لتر بيبسي..
حاسس إن معنديش ارادة عالاطلاق.
أطول مدة بطلت فيها في الفترة دي كانت شهرين متواصلين بس..ورجعت عشان امتحاناتي ودي كانت ببرنامج باتشات نيكوتين وكنت فخور بنفسي جدا عشان كنت حطت علبة فوق الدولاب وماأرابتلهاش خالص..
حد عنده اقتراحات أو حلول عشان ابطل تدخين بس متكونش cold-turkey عشان بفشل فيها دايما؟