الموضوع: نصايح لمدخن بيحاول يبطل؟

المشاركة الأصلية كتبت بواسطة mobitic

شوف أقرب جامع واعتكف

للأسف أنا عارف إني مش هأعرف أعمل كده.

المشاركة الأصلية كتبت بواسطة zkralla

ايوه فعلا
النيكوتين كده خرج من جسمك تماما بس اعراض الانسحاب واشتياق الجسم والشعور أنك خرمان وان فيه حاجه نقصاك
كل المشاعر ديه مش بتروح نهائى الا بعد 3 شهور ( وحتى بعد الفتره ديه بتفضل ليها رواسب )
الثلاث شهور الصعبين دول ممكن يتقسموا
اول ثلاثه ايام ودول بيكونوا اصعب ما يمكن خاصتا اليوم الثالث
اول ثلا ثه اسابيع ودول بيكونوا على درجه من الصعوبه انما اقل من الايام الاولى
باقى الثلاثه شهور ودول اقل فى الصعوبه جدا من الفترتين الاوليين وتقريبا الجسم بيبقى اخد على النظافه
القرار نهائى
اجمد بقى
والله هتحس احسيس كنت ناسيها من زمان
ابسط حاجه فيهم انا لما بطلت شربت لبن فبقول لمراتى طعم اللبن متغير ليه
قالتى ورينى كده وداقت وقالتى مفيهوش حاجه
قلتلها طعمه متغير خالص وشويه شويه اكتشفت انى بقالى عشرين سنه (عمرى فى التدخين ) مش ناستطعم اللبن
هتفتكر ازاى كنت بتطلع السلم من غير ما تنهمج وتعمل شويه مجهود من غير ما تغرف فى عرقك وتلاقى نفسك مش قادر تتحرك
شعور الصحه ليه لذه حلوه
فيه شعور كمان حلو وهو شعورك بانك حر مش ملزم بعد الاكل تجرى على سيجاره وبعد الصيام تجرى على علبه السجاير ده ان كنت بخرج من صلاه الجمعه جرى عشان اشرب سيجاره
هتلاقى وشك نور وراق وكان فيه نضاره مفقوده
غير شعور ان ربنا رضى عنك وبطلت تعمل معصيه ومصر عليها
حاول تشوف المميزات ديه وتزود مميزات كمان عليها وتفكر فيها
حاجه اخيره
انت لو شربت دلوقتى سيجاره هتحس بحاجتين مهمين
السيجاره مش هتكيفك بقدر ما هتعملك دوخه وهبوط وهتحس بطعمها شياط فى بقك
بعد السيجاره هتحس بندم شديد هيضيع اى لذه
ارجوا ما تكونش ضعفت وشربت السيجاره ديه وكلا الرغى الى فوق ده يبقى ملوش لازمه

المشاركة الأصلية كتبت بواسطة zkralla

نست اقولك حاجه مهمه قوى ساعدتنى انى اتخلص من التفكير فى السجاير
تأكد أن السجاير مش بتسبب ليك اى متعه حقيقيه
اللهم الا المتعه الى جايه من شعورك ارتياجك من اعراض انسحاب النيكوتين
كان فيه مثال حلو سمعته لتفسير المتعه فى التدخين
الى بيشرب سجاير عامل زى واحد لابس جزمه ضيقه طول الوقت
احيانا بيقلع الجزمه ديه فيحس براحه شديده واستمتاع كبير
نفس الوضع فى التدخين
المدخن بيدمن النيكوتين بعد فتره وبيبقى محتاج نسبه النيكوتين تبقى ثابته فى دمه فيشرب سيجاره
بعد ثلث ساعه بتبدأ نسبه النيكوتين تقل فى الدم وشويه وتلاقى المدخن خرمان يعنى قلقان ومتضايق ومطرب ومش مستقر ومش مركز ..... الخ وديه اعراض قله النيكوتين فى الدم
تروح قايم مولع سيجاره تلاقى الاعراض المزعجه ديه راحت على طول وتحس بالراحه
يبقى السجاير ما سببتش متعه المتعه الى بتحس بيعها هى بس ريحتك من اعراض انسجاب النيكوتين المزعجه الى بتبدأ بعد ثلت ساعه من اطفاء السيجاره
يبقى شربك للسيجاره بالظبط كأنك قلعت ا لجزمه الضيقه الى أنت لابسها طول الوقت
طيب ما تخلص نفسك وتقلع الجزمه ديه خالص وتجيب جزمه جديده على مقاسك ياباشا وتشم هو نضيف لاول مره من 7 سنين
خلى الفكره ديه فى دماغك ومتحلوش لما السجاير تيجى فى بالك أنك تنساها
لأ افتكر عادى بس فى نفس الوقت قول لنفسك السجاير مش هتسببلى متعه حقيقه ومش هلبس الجزمه الضيقه تانى
انا مدخن سابق ... يعنى حاسس بيك تماما وعارف مشاعرك كويس
اسف للاطاله
واسأل الله العظيم رب العرش العظيم بحق هذا الشهر الكريم والايام المباركه انه يوفقك تبطل نهائياااااااااااااااااااا اااااااااا

شكرا يا فندم.
هي النقطة إن الواحد يقعد يتوسوسله طول ما هو قاعد بحاجات
زي
ماترجع دلوقتي أحسن بدل ماترجع بعد شهر وتبقى ضيعت كل الأيام دي
طب ماتشرب دلوقتي ماهو زي ما أنا بطلت ممكن أرجع ابطل تاني
ماهو كده كده الجو في مصر زي ال.... يجيب ربو وأمراض الدنيا..هي فرقت عالسيجارة
طب ماتشرب حاجة رخيصة اديك بقى اسمك بطلت شوية ووفرت وتقرف منها بعدين وتبطل تاني

وحاجات من النوع ده كتير

وطبعا الواحد مش فاكر حاجة عن السيجارة غير كونها بتظبط الدماغ وعال العال مش فاكر إني أيام كنت باكح بالساعات من البلغم

المهم أنا فعلا كنت 100% نازل اجييب علبة امبارح بس الحمدلله النوم كبس عليَّ بعد الفطار شغلت كام فلم وحضنت السرير

السبب الرئيسي في رأيي اللي خلاني أقدر ابطل الفترة دي هي كوني منزلتش فيها خالص - ولا جامعة ولا جيش و بطلت أخرج

خايف أول منزل الموضوع يختلف

يااااااااااه
أول سيجارة من 7 أيام و 13 ساعة..

اسبوع ضاع عالفاضي..

مقدرش اقول غير إن الأهل دول الواحد مش عارف يقول فيهم إيه.

طبعا أول سيجارة بعد الفترة دي طعمها وريحتها وساخة * قرف

حسبي الله ونعم الوكيل

يلا .. موضوع خلص خلاص, نشوفكم المرة الجاية إن شاء الله.

المشاركة الأصلية كتبت بواسطة rodya113

نعم خير انت تراجعت عن الإقلاغ ليه كده ....:i_angr1[1]:بجد مش عارفه اقولك ايه...عايز تقولي ان السيجاره اقوي منك؟ غير ان مفيش اي تعويض لتراجعك ده الا انك هتقلع عنها ليه كده؟ لا تقولي اهل ولا غيره ربنا لما يجي يحاسبك هيحاسبك على صحتك وعلي اللي انت بتعمله ده لو سمحت فكر تاني وتالت وقرر وخد قرارك ومتتراجعش مخدش هيندم غيرك منتظره تقلي هتعمل ايه ؟

يافندم كل مافي الموضوع إنهم كانوا بيلحوا عليَّ طول الوقت عشان ابطلها
ومن أول يوم في الاسبوع ده حصلت مشكلة كدة وزعقت فيهم ومن ساعتها مديني الوش التاني
كنت أنا غلطان بس عشان تأثير التبطيل مكنتش طايق حد وعايز اتخانق مع دبان وشي, حضرتك فاهم.
فـطبعا مش طالباها يبقى الواحد مش قادر نفسه ويبقى أهله عليه هو كمان.
كل اللي عملته بقى إني رميت المسئولية عليهم عشان يحسوا بالذنب .

ولأ هي السيجارة مش ملكاني أنا حتى مش طايق إني رجعت اشربها بس أعمل إيه بقى..الضغوط

المشاركة الأصلية كتبت بواسطة islamnabil

انصح حضرتك بدواء اسمه شامبكس متوفر عند العزبي
ليا اصدقاء كتير جربوه و بطلوا فعلا

شكرا يا فندم,

أنا عارفه بس مكنتش أعرف إنه موجود هنا,

عندك فكرة يطلع بكم؟