حادث بالياريس مطلوب مساعده

**احمد فهمى** · 27-08-2010 05:11 AM

امبارح بليل وانا واقف قبل نفق البحر الأعظم امام باب جنينة الحيوانات وفجاه اترزعت رزعه فظيعه ودماغى اتهبدت فى المخدع الخلفى ولما تداركت الوضع نزلت وكانت المفجاه فيات 132 فضى ونزل واحد كتكوت كده وقال الكلمه السحريه (الفرامل هربت منى) يعنى مثلا جه يدوس فرامل الدواسه طلعت تجرى بره العربيه اهو سخافه المهم انا محتاج الأتى:- 2 فانوس خلفى سالت واحد قال التيوانى الواحد ب195 طيب اليابانى بكام والأستيرلد بكام وهل السعر ده كويس؟؟

واكصدام خلفى وجدت التيوانى ب380 والأصلى سعره مكتوب فى المنتدى 700 هل ده سعرو الحالى ولا سعر قديم وهل ده يابانى والأستيراد بكام؟؟ رجاء رد سريع انا نازل بكره بعد الصلا اشترى ولو حد عارف حد بتاع تقطيع يبلغنى وجزاكم الله خيرا

**rompo6** · 27-08-2010 05:35 AM

عليك وعلي الحرفين ولف لفه والحمد الله انك سليم يااحمد

**BLOODY_STONE** · 27-08-2010 08:14 AM

المشاركة الأصلية كتبت بواسطة charming

1000 لا بأس
خبطة زى دى لازم تروح لسمكرى يبصلك على قاع الشنطة ممكن يكون (مكبوس ) من شدة الخبطة و محتاج زرجينة
بلنسبة للفوانيس الخلفية انا شفتهم عند واحد فى فيصل عاملين 165 للواحد تايوانى و هو فى شارع المساكن متفرع من شارع العشرين امام احمد السمان المتخصص فى كشف السكانر

فعلا لأن الموضوع ده حصلي مرة و قاع الشنطة كان اتكبس فعلا .. و الحمد لله سليمة ... لو الاكصدام اتكسر في ناس بيقولوا انه ممكن يتلحم و يترش تاني ...

**myself112** · 27-08-2010 03:15 PM

1000000 مليون سلامة على حضرتك . و قدر الله و ما شاء فعل ..
انا مرة كنت جبت الفانوس الخلفى و ده كان ب 185 , ده الحاجة الى انا اقدر افيدك فيها ...
و حمد الله على سلامتك مرة تانية ......ز

**احمد فهمى** · 28-08-2010 04:08 AM

الله يسلمكم والف شكر على اهتمامكم يا رجاله وايوا الدهر اتكبس والأكصدام اتنفخ من الجناب والشنطه قوست والباب اللى ورايا افل سنه صغيره المهم جبت فانوسين ديبو تيوانى نسخه طبق الأصل من الأصلى والأكصدام هيتصلح انشاء الله ميتسخن ويتبرشم وكل حاجه المهم الكلام ده الراجل بتاعى قال نهائى 600 جنيه علشان هيعمل زراجين ورد على البارد على شرط انها ترجع كما لم تكن ايه رايكم يا رجاله فى الرقم ده بتصليح الأكصدام؟؟؟