الموضوع: تجربة الكيك داون في الياريس مع لانسر 1600

طب عرفت ازاى انها 1600

المشاركة الأصلية كتبت بواسطة nab!l

طب عرفت ازاى انها 1600

من الاسبويلر الاصلي اللي عليها
ال 1300 مالهاش سبويلر و كمان الاستوب بتاعها في الزجاج الخلفي

و لا أيه ؟؟

باشمهندسنا تقرير ممتااااااز فعلا االكيك داون جامد بس الانسر 1600 جامده يمكن يكون هوا مش بيعرف يشد او دى 1300

متشكر جدا علي ذوق حضرتك
فعلا أنا مستغرب من اللي حصل ... بس هو فعلا حاول معايا لكن ... مش عارف بصراحة أيه اللي حصل

مع خالص تحياتي
م/ سمير الشهاوي

المشاركة الأصلية كتبت بواسطة asemx1

هتلاقيها 1300 ومركبلها اسبويلر

يا حظه يااا عم ام انا نفسي اركب سبويلر

مرة أخري ....
تمت تجربة الكيك داون مرتين و في كل مرة من وضع مختلف

المرة الاولي ..
- كنت بدات أتحرك بالعربية و السرعة كانت حوالي 40 كم/ساعة , و فجأة ضغطت دواسة البنزين للأخر
- عدد لفات المحرك أرتفع مرة واحدة الي أكثر من 4000 rpm و بدأ يرتفع أكثر فأكثر الي أن وصل 5000 rpm
بصراحة ماجاليش قلب أكمل و رفعت رجلي من علي دواسة البنزين
- السرعة أرتفعت خلال ثوان الي 100 كم/ساعة

المرة الثانية..
و دي بقي بأعتبرها تجربة مهمة جدا
- كنت ماشي أقل من 80 كم/ساعة يعني علي الثالث
- ضغطت دواسة البنزين مرة واحدة للأخر
- العربية جابت ال 110 كم/ساعة خلال ثوان قليلة لم أحددها
- عدد لفات المحرك أرتفع تدريجيا في البداية ثم فجأة الي 5000 و بعدين بدأ يقفز الي 5500 و كاد ان يقترب من الرد زون red zone
- عدد لفات المحرك ظل لثواني علي الوضع ده (اعلي بقليل من 5500) ثم انخفض فجأة الي 4000 و سرعة العربية وصلت الي 120 كم/ساعة و كانت في أزدياد
- التكييف كان شغال لاحظت أنه فصل من تغير درجة الحرارة داخل العربية و أزدياد أحساسي برطوبة الجو

.... انطباعي النهائي عن الكيك داون في الياريس :
- تجميع العربية مش بطال خاصة من السرعات المنخفضة (أقل من 60 كم/ساعة) الي مافوق ال 100 كم/ساعة
- بعد ال 80 كم/ساعة لو ضغطت دواسة البنزين بيكون الارتفاع في السرعة تدريجي و مش ملموس مثل السرعات المنخفضة لذا الكيك داون علي السرعات العالية زي قلته و الافضل هو تسقيط نقلة من الفتيس و لكن بحذر
- التكييف بيفصل عند لفات المحرك المرتفعة بشكل تلقائي و يشتغل تاني بعد نزول اللفات

بصراحة ماجربتش الموضوع ده في أي عربية تانية فياريت تشاركوني الرأي و أعرف أيه أنطباعاتكم

مع خالص تحياتي
م/ سمير الشهاوي