الموضوع: استفسار من اصحاب السامسونج جيت وارقامهم فودافون

مساء الخير عليكم جميعا....يا جماعه انا طول عمرى من اكتر من 8 سنين او اكتر وانا نوكياوى عمرى ما مسكت موبيل غير نوكيا مش علشان بحب نوكيا بس للأستسهال مش اكتر وكان اخر تليفون معايا n82 كان بقاله معايا 3 سنين ومن اسبوع بالضبط كنت بدأت ازهق منه اوى وكان جاى عيد ميلادى وبما انى ديما متعود فى عيد ميلادى اجيب لنفسى حاجه جديده فقلت مبدهاش بقى منه اجيب موبيل جديد ومنه اطلع من عالم نوكيا اللى فضل مسيطر عليا لسنين كتيره...ونزلت جبت السامسونج جيت واتصدمت بواقع جديد عليا....يا جماعه الموبايل شبكته وحشه اوى اضعف من نوكيا كتير هل ده صح ولا انا بيتهيئلى؟علما بأنى فودافون علشان كدا حبيت استفسر من اللى ارقامهم فودافون وكمان مع العلم انى ببقى مثلا فى الشارع طول اليوم فى نفس الاماكن اللى ببقى فيها ديما والناس تكلمنى تقولى موبيلك غير متاح مع ان ده مكنش بيحصل فى النوكيا فهل ده طبيعى فى سامسونج عموما او فى الجيت خصوصا؟ ولا انا اللى موبيلى فيه مشكله؟ دى اول حاجه.....

تانى حاجه ازاى كماليات السامسونج مش منتشره بالطريقه دى؟انا شغلى فى الزمالك...من كم يوم الموبيل فصل شحن وانا فى الشغل الساعه 10 الصبح وقلت مش مشكله هروح اجيبله شاحن او شاحن عربيه من اى مكان مش قضيه يعنى....اروح موبيل شوب الزمالك مفيش....اوح راديو شاك الزمالك مفيش....اروح رايه الزمالك برضو مفيش....استغربت اوى بجد....ده نوكيا جبته و تانى يوم كنت جايبله سماعته البلوتوث وشاحن العربيه الاصلى وشاحن اضافى للمكتب....بأختصار الواحد لو دخل اى سوبر ماركت هيلاقى حاجه نوكيا

هل انا فعلا مهول الموضوع والموبيل حلو وحاجته منتشره بس انا علشان متعود على نوكيا اللى حاجته فى كل مكان فمستغرب ولا ايه؟

تحياتى جميعا

المشاركة الأصلية كتبت بواسطة dr.almaghraby

5 دقايق دا مش طبيعي خالص

حضرتك جرب شريحة فودافون تانية و شوف

بس انا حاسس ان التليفون فيه مشكلة

بالنسبة لقطع الغيار اماكن معينة الي حتلاقي فيها حاجته

بس هوا تليفون جميل علي فكرة اوي

شكرا لمرورك الكريم....هو التليفون بقاله كم يوم مش بيسقط شبكه بس مره من نفسه كدا قفل وفتح تانى....
فيه استفسار كمان...هى البطاريه بتقعد قد ايه؟ انا عندى بتقعد يومين بس لكن بأستخدم التليفون كتير

شكرا مره تانيه

تحياتى