الموضوع: هل يوجد فروق بين موديلات هوندا eg9 92-95

المشاركة الأصلية كتبت بواسطة a_mohamed

شكرا علي المعلومات ديه يا استاذ نبيل
ولو بتنصحني اشتري
اشتري ايه ؟ وادور علي ايه ؟

أنا مش هقدر أحدد لك بالظبط حاجه معينة دون الباقى عشان دى بتبقى أحتياجات وأذواق مختلفة في ناس بتحب الهاتش باك وفي ناس بتحب السيدان وفي غيرهم بيحبو الكوبيه بس أنا مش من هواة الهاتش باك عموماً لكن بحب الكوبيه و السيدان لكن طلما بنتكلم عن موديلات قديمة نوعاً ما فا رأى ان حالة السيارة هيا اللى بتحكم أولاً من ثم توافر قطع غيارها و سهولة اعادة البيع لو حبيت ابيع في اى وقت، طبعاً اكثر حاجه منتشرة هيا السيدان في موديلات من 92-00 بفئتها المتعددة، وفي عندك الكوبيه 92-95 نادراً لو لقيتها بتتباع ملاكي لأن معظمها منطقة حرة بورسعيد يعنى دى هتستبعدها من حساباتك انما كوبيه 96-00 موجود بشكل معقول و الهاتش باك في الموديلين موجود بس قليل وها يحتاج تصبر لحد ما تلقى حالة على مزاجك وبسعر مناسب وربنا يوفقك

المشاركة الأصلية كتبت بواسطة a_mohamed

ومعلش نسيت اسئل ايه اخبار ال crx 92 حلوه ولا اي كلام ؟
وينفع تظبط وكده ولا ايه ؟

تقريباً كنا عاملين موضوع عنها من فترة أكيد هتلقى موجود بس ما أنصحكش بيها العربية كرسين فقط والسقف الكهرباء بتاعها لو باظ أو كان بايظ أصلاً ممكن ماتعرفش تصلحة قطع غيارها قليلة ومش فاكر اية كمان :) بمعنى العربية حلوة بس مش في مصر

شكرا يا استاذ نبيل علي ردك
وانا ان شاء الله هحاول اني اجيب ال coupe او الهاتش باك 96
ممكن اسئل هي سعرها في رينج كام عشان اعرف وهي متوفره في بورسعيد ؟
وشكرا علي اهتمامك وردك وياسلام لو معلومات اكتر عنها موتورها وكده
وانهي ثباته احسن ال 92-94 ولا 96 - 2000