مفتاح العربيه بالكود ضاع

**peranha** · 09-03-2008 11:48 AM

ليه تجربه احب اقولها يمكن تنفع حد ..عربيتي التمبرا مفتاحها ليه كود ومينفعش العربيه تشتغل من غيره حتي بمفتاح عادي عامله عند بتاع المفاتيح ...اخر نسخه من المفاتيح هي الوحيده اللي معايا وابتديت اقلق لو ضاع مني في اي مكان هادور العربيه ازاي ...رحت التوكيل قالي تغير كونترول العربيه ب 5000 جنيه ومعاه مفاتيح جديده ..المهم بالصدفه باعمل مفتاح شقه عند طه في شارع القصر العيني والكلام خادنا حكيت له علي المشكله قالي طيب ما احنا بنعمل المفاتيح دي ..استني الباش مهندس لما ييجي.. قلت يا فرج الله .. وصل المهندس وقالي وريني المفتاح اللي معاك وحطه علي جهاز ديجيتال ظهر الكود علي الشاشه ..فتش في شنطته لغايه لما لقي الشيب بنفس الرقم ..عمل مفتاح زي اللي معايا وفتحه ودخل الشيب فيه ودارت العربيه بالمفتاح الجديد . وعملت مفتاحين ب 450 جنيه (عمللي خصم 50 جنيه ) .

**hazem_khidr** · 09-03-2008 02:19 PM

طب كويس اوي الف مبروك حافظ علي المفاتيح الجديده و استعمل المفتاح الاصلي .

**CryptonX** · 09-03-2008 02:44 PM

فعلا انا بلاقي يفط عند بتوع المافتيح الكبار " عمل جميع المفاتيح المشفرة و الالكترونية " .

في التوكيل " فيات " عمل نسخة مفتاح من سيارتي " 750 جنيه مصري " بس طبعا مفتاح شكل الاصلي كمان . .بس طز فيهم :p

**Nadooor** · 03-12-2011 07:19 PM

المشاركة الأصلية كتبت بواسطة peranha

ليه تجربه احب اقولها يمكن تنفع حد ..عربيتي التمبرا مفتاحها ليه كود ومينفعش العربيه تشتغل من غيره حتي بمفتاح عادي عامله عند بتاع المفاتيح ...اخر نسخه من المفاتيح هي الوحيده اللي معايا وابتديت اقلق لو ضاع مني في اي مكان هادور العربيه ازاي ...رحت التوكيل قالي تغير كونترول العربيه ب 5000 جنيه ومعاه مفاتيح جديده ..المهم بالصدفه باعمل مفتاح شقه عند طه في شارع القصر العيني والكلام خادنا حكيت له علي المشكله قالي طيب ما احنا بنعمل المفاتيح دي ..استني الباش مهندس لما ييجي.. قلت يا فرج الله .. وصل المهندس وقالي وريني المفتاح اللي معاك وحطه علي جهاز ديجيتال ظهر الكود علي الشاشه ..فتش في شنطته لغايه لما لقي الشيب بنفس الرقم ..عمل مفتاح زي اللي معايا وفتحه ودخل الشيب فيه ودارت العربيه بالمفتاح الجديد . وعملت مفتاحين ب 450 جنيه (عمللي خصم 50 جنيه ) .

ممكن تبعتلي رقمو لو سمحت