الموضوع: بعد اذنكم فكرة صغيرة من اخوكم لإستفادة كل اعضاء قسم نيسان الكرام

المشاركة الأصلية كتبت بواسطة peaceman

أحبائي اعضاء قسم نيسان الكرام

في حاجه كده احنا كنا عايزيين كلنا ناخد بالنا منها عشان لما نعوز ندور على موضوع معين لمشكلة معينة تحدث .. علي طول نلاقي الموضوع بسهولة و بدون تعب ألا و هو :
كل عضو لما يجيي يكتب عنوان لموضوعه .. ارجوا ان يكون العنوان من مضمون الموضوع
يعني مثلا :
في عضو يكتب عنوان الموضوع (ارجوا الافادة أو عايز رأيكم ضروري أو الحقوني انا بنهار :c_laugh[1]: أو ارجوا الرد بسرعة ألخ......)
رأيي ان يكون عنوان الموضوع من مضمون الموضوع و اكيد كلنا هندخل الموضوع و هنشوفه بدون اي مؤشرات او كلمات تثير انتباه الاعضاء عشان يدخلوا الموضوع .
طيب ما كده لما الموضوع يكون مهم و اجي ادور عليه في اي وقت ممكن معرفش الاقيه
يعني مثلا : في عضو عمل صيانة 5000 كيلو لعربيته .. نقوم نلاقي كاتب عنوان الموضوع (شكر للمهندس فلان و مركز فلان لأهتمامه)
كده بعيد البعد خالص عن موضوع الصيانة اللي كان ممكن اي واحد دور و يلاقيه بسهولة و يستفيد منه
عشان كده يا جماعة يا ريت نلتزم بعنوان الموضوع قبل الموضوع نفسه لأن علي رأي المثل الجواب بيبان من عنوانه
و الف شكر علي استحمالكم لي في قراءة الفكرة

كلامك مظبوط تماما و يا ريت كل الاعضاء يلتزموا بكده.