الموضوع: البوسطه بتاعت حسن ابو الفتوح رئيس مجلس اداره اسبرانزا

مش عارف.... يمكن انا متفائل اكثر من اللازم ...... ولا يمكن علشان نفسى العربيه تنجح

بس جالى تخيل كده انه ممكن يكون فيه حد من الشركه المنتجه بيدخل السايت وبيقرا اللى احنا بنكتبه ده

وبرده تخيلت انه ممكن الاستاذ حسن ابو الفتوح يشوف الكلام ده

وتخيلت ان لو حد فينا عنده مشكله واستفذ مرات الوصول الى حل ومحتاج يوصل مشكلته الى اعى مستوى

ممكن يكتبها هنا فى الموضوع ده....ولعل وعسى ....... يمكن يكون المنتدى هو طريقه الى ذلك

بس عندى رجاء ... ياريت اللى يكتب فى الموضوع ده يكون منطقى ومايزودهاش حبتين وياريت يذكر اسمه الحقيقى الى بيتعامل بيه مع الشركه تاكيدا لجديته

ولى رجاء للشركه .... ما نقدمه هنا هو خدمه للتواصل بيننا وبينكم ... ومحاوله لوضعكم بالصوره عن جميع ردود الافعال حول العربيه

نرجو منكم الاهتمام