من فترة طويله و ان حلم حياتى اعمل مركز صيانه محترم
بدل ما نتسرق من اللى بره
اهو يبقى حتى سرقة بضمير
ما علينا
من كام يوم محمد ليثى goofy in love و ده انسان باعتز بصداقته جداً
فتح معايا حوار انه عايز يجيب قطع غيار اوبل من بره استيراد و نفتح محل و نبيع
قلتله الحوار مش سهل و عايز سيوله بهبل و لازم تعدى من الجمارك بعيد عن الحيتان و ده اصعب
قلتله والله انا نفسى افتح مركز خدمه
و بقالنا كام يوم بنتناقش فى الحوار ده
انا كل اللى عايزه مكان واسع شوية
و اجيب جهاز تشخيص اعطال محترم هو حسبة 22000 جنيه
و عده محترمه
و الأهم صنايعية اثق فيهم و عارف شغلهم و دى صعبة و سهله
يعنى عايز معايا ميكانيكى
كهربائى
عفشجى
بتاع شكمانات
بتاع ردياتيرات ( و دى مش مهمه قوى لأنى اعرف ناس كتير ) بس عشان يبقى الخدمة متكامله
و بتاع تكييفات يكون بيفهم


انا الموضوع فى دماغى
و كبرته فى دماغ ليثى
ايه رأيكم فى الحوار ده
لأنه ما خاب من استشار
و ربنا يكرمنا و يكرمكم